ശ്രീനഗര്‍ : ജമ്മു കശ്‌മീരിലെ ആര്‍എസ്‌ പുര സെക്‌ടറിലെ അന്താരാഷ്‌ട്ര അതിര്‍ത്തിയില്‍ ഇന്ത്യന്‍ പോസ്റ്റുകള്‍ക്ക് നേരെ വെടിയുതിര്‍ത്ത് പാകിസ്ഥാന്‍ റേഞ്ചേഴ്സ്. വെടിവയ്‌പ്പില്‍ ഒരു ബിഎസ്എഫ് സൈനികന് പരിക്കേറ്റതായി അതിര്‍ത്തി രക്ഷ സേന അറിയിച്ചു. പരിക്കേറ്റ സൈനികനെ ചികിത്സയ്‌ക്കായി ജമ്മുവിലെ സര്‍ക്കാര്‍ മെഡിക്കല്‍ കോളജില്‍ പ്രവേശിപ്പിച്ചു. ഇന്നലെ (ഒക്‌ടോബര്‍ 26) രാത്രി എട്ട് മണിയോടെ യാതൊരു പ്രകോപനവുമില്ലാതെ പാകിസ്ഥാന്‍ റേഞ്ചേഴ്സ് വെടിയുതിര്‍ക്കുകയായിരുന്നു (Pak Rangers Firing On BSF posts).
അതിര്‍ത്തിയില്‍ ഇരു സംഘവും തമ്മില്‍ ഏറ്റുമുട്ടല്‍ തുടരുകയാണ്. പാകിസ്ഥാന്‍ റേഞ്ചര്‍മാര്‍ മോര്‍ട്ടാര്‍ ഷെല്ലുകള്‍ പ്രയോഗിച്ചുവെന്ന് അതിര്‍ത്തി രക്ഷ സേന അറിയിച്ചു. അതേസമയം വെടിയുതിര്‍ത്തല്‍ കരാര്‍ ലംഘിച്ച പാക് സേനയ്‌ക്കെതിരെ ഇന്ത്യന്‍ സൈന്യം തിരിച്ചടിക്കുകയാണെന്ന് ബിഎസ്എഫ് അറിയിച്ചു. ഒക്‌ടോബര്‍ 17ന് അര്‍ണിയ സെക്‌ടറിലുണ്ടായതിന് സമാനമായ സംഭവമാണ് നിലവില്‍ തുടരുന്നത്. അന്ന് രണ്ട് ബിഎസ്എഫ് സൈനികര്‍ക്ക് പരിക്കേറ്റിരുന്നു (Ceasefire Violation In Kashmir).
മേഖലയില്‍ ആശങ്ക പടര്‍ന്നു: ഇന്നലെ രാത്രി 8 മണിയോടെ ആരംഭിച്ച ഇരു സൈന്യത്തിന്‍റെയും ഏറ്റുമുട്ടിലിന് താന്‍ സാക്ഷിയായിരുന്നുവെന്ന് പ്രദേശവാസി പറയുന്നു. ഇരു സംഘവും തമ്മില്‍ കനത്ത പോരാട്ടമാണ് നടത്തിയതെന്നും നിലവില്‍ സമാന സ്ഥിതി തുടരുകയാണെന്നും അദ്ദേഹം പറഞ്ഞു. ഇവിടെ നിന്നും ഒന്നര കിലോമീറ്റര്‍ അകലെയാണ് അന്താരാഷ്‌ട്ര അതിര്‍ത്തി. പാക് സൈന്യം പ്രകോപനമില്ലാതെ വെടിയുതിര്‍ത്തുകയായിരുന്നു. സംഭവത്തിന് പിന്നാലെ വീടിനുള്ളില്‍ നിന്നും പുറത്തിറങ്ങാന്‍ കഴിയാത്ത സ്ഥിതിയാണെന്നും പ്രദേശവാസികളെല്ലാം ആശങ്കയിലാണെന്നും അദ്ദേഹം വ്യക്തമാക്കി.
വെടി നിര്‍ത്തല്‍ കരാര്‍ കാറ്റില്‍ പറത്തിയുള്ള പോരാട്ടം: 2021 ഫെബ്രുവരിയിലാണ് ഇന്ത്യയും പാകിസ്ഥാനും വെടി നിര്‍ത്തല്‍ കരാറില്‍ ഒപ്പിട്ടത്. കശ്‌മീരിലെ എല്‍ഒസിയിലെ (നിയന്ത്രണ രേഖ-Line Of Control) വെടിനിര്‍ത്തല്‍ കര്‍ശനമായി നിര്‍ത്തലാക്കുകയെന്ന ലക്ഷ്യത്തോടെയാണ് ഇരുരാജ്യങ്ങളും കരാറില്‍ ഒപ്പു വച്ചത്. എന്നാല്‍ നിലവിലുള്ള ഈ കരാര്‍ നിരവധി തവണ ലംഘിക്കപ്പെട്ടിട്ടുണ്ടെന്നതാണ് വാസ്‌തവം.
ഒക്‌ടോബര്‍ 26ന് കുപ്‌വാരയിലെ നിയന്ത്രണ രേഖയില്‍ ലഷ്‌കര്‍ ഇ ത്വയ്‌ബയുടെ അഞ്ച് ഭീകരര്‍ കൊല്ലപ്പെട്ടിരുന്നു. നിയന്ത്രണ രേഖയ്‌ക്ക് സമീപമുള്ള നുഴഞ്ഞുകയറ്റ ശ്രമം പരാജയപ്പെടുത്തിയെന്ന് ഇന്ത്യന്‍ ആര്‍മി ഇതിന് പിന്നാലെ പ്രസ്‌താവനയും ഇറക്കി. ഇന്ത്യന്‍ സൈന്യവും ജമ്മു കശ്‌മീര്‍ പൊലീസും ഇന്‍റലിജന്‍സ് ഏജന്‍സികളും സംയുക്തമായാണ് ഓപ്പറേഷന് നടത്തിയത്. നിയന്ത്രണ രേഖയില്‍ നുഴഞ്ഞ് കയറാന്‍ ശ്രമിച്ചതാണ് ഓപ്പറേഷന് കാരണമായത്. സംഭവത്തിന് പിന്നാലെ മേഖലയില്‍ നിലവില്‍ സുരക്ഷ ശക്തമാക്കിയിരിക്കുകയാണ് സൈന്യം.
Also Read: Militants Killed In Kupwara കശ്‌മീരിലെ കുപ്‌വാരയില്‍ ഏറ്റുമുട്ടല്‍; 2 തീവ്രവാദികള്‍ കൊല്ലപ്പെട്ടു
