ഗാന്ധിനഗർ: പഞ്ചാബ് മുഖ്യമന്ത്രി അമരീന്ദർ സിങ് സോണിയ ഗാന്ധിയുമായി കൂടിക്കാഴ്‌ച നടത്തിയേക്കും. പഞ്ചാബ് കോൺഗ്രസിലെ പ്രതിസന്ധി ചർച്ച ചെയ്‌തേക്കുമെന്നാണ് സൂചന. ചൊവ്വാഴ്‌ച സോണിയ ഗാന്ധിയുമായി കൂടിക്കാഴ്‌ച നടത്താനാണ് സാധ്യത.
Also read: ബംഗാൾ തെരഞ്ഞെടുപ്പ് ആക്രമണം : അന്വേഷണത്തിന് പ്രത്യേക സമിതി
പഞ്ചാബ് കോൺഗ്രസ് ചുമതലയുള്ള ഹരീഷ് റാവത്ത്, എംപി ഗുർജിത് ഓജ്‌ല, എം‌എൽ‌എ രാജ് കുമാർ വർക എന്നിവർ രാഹുൽ ഗാന്ധിയെ കണ്ടിരുന്നു. നിലവിലെ രാഷ്‌ട്രീയ പ്രതിസന്ധി ചർച്ച ചെയ്‌തതായി ബന്ധപ്പെട്ട വൃത്തങ്ങൾ അറിയിച്ചു.
ഈ സാഹചര്യത്തിലാണ് അമരീന്ദര്‍ സോണിയ ഗാന്ധിയുമായി കൂടിക്കാഴ്‌ച നടത്താൻ സാധ്യതയുണ്ടെന്ന റിപ്പോർട്ടുകൾ പുറത്തുവരുന്നത്.അദ്ദേഹം ദേശീയ നേതൃത്വവുമായി ആശയവിനിമയം നടത്തിയ ശേഷം സംസ്ഥാന മന്ത്രിമാരും എം‌എൽ‌എമാരും എംപിമാരും ഹൈക്കമാന്‍ഡുമായി ചര്‍ച്ച നടത്തുമെന്ന് വിവരമുണ്ട്.
