നാല്‍പത് വർഷമായി ജീവിതം നാലുചുവരുകള്‍ക്കുള്ളില്‍

ഒഡീഷയിലെ ഉദയ്പൂർ ജില്ലയിലെ രമാകാന്ത് ബെഹറക്കാണ് ഈ ദുർഗതി.മാനസിക നില തകരാറിലായതിനെ തുടർന്ന് ബെഹറയെ മുറിക്കുളളില്‍ പൂട്ടുകയായിരുന്നു

ഭുവന്വേഷര്‍: നാല്‍പത് വർഷമായി രമാകാന്ത് ബെഹറ തന്‍റെ ചുറ്റും നടക്കുന്നത് ഒന്നും അറിയുന്നില്ല. കോളജ് പഠനകാലത്തെ ഓർമ്മകള്‍ മാത്രമാണ് ആ മനസ്സിലുള്ളത്. എന്തെങ്കിലും ചോദിച്ചാല്‍ നിർവികാരതയോടെ മുഖത്തേക്ക് നോക്കും. ഒന്നും സംസാരിക്കില്ല. ഒഡീഷയിലെ ഉദയ്പൂർ ജില്ലയിലെ രമാകാന്ത് ബെഹറക്കാണ് ഈ ദുർഗതി. 49 കാരനായ രമാകാന്തിന് പുറംലോകവുമായി യാതൊരു ബന്ധമില്ല. അഴികള്‍ക്കുള്ളിലൂടെ ആരെങ്കിലും വച്ച് നീട്ടുന്ന ഭക്ഷണം കഴിക്കും.

മാനസിക അസ്വാസ്ഥ്യ ലക്ഷണങ്ങള്‍ കാണിച്ചുതുടങ്ങിയതോടെയാണ് ബെഹറയെ മുറിക്കുള്ളില്‍ അടച്ചുപൂട്ടാന്‍ തുടങ്ങിയത് എന്ന് അമ്മ സീതാറാണി ബെഹറ പറയുന്നു. കുട്ടിക്കാലത്ത് സാധാരണ കുട്ടിയായിരുന്നു ബെഹറ . എന്നാല്‍ കോളജ് പഠന കാലത്താണ് മാനസിക നില തകരാറിലായത് . ഒരു ദിവസം കോളജില്‍ നിന്ന് തിരിച്ചുവന്ന ബെഹ്റ വീട്ടുലുള്ള സാധനങ്ങള്‍ നശിപ്പിക്കാന്‍ തുടങ്ങി. തുടർന്ന് അളുകളെയും ഉപദ്രവിച്ചു തുടങ്ങി. തുടർന്നാണ് മുറിക്കുളളില്‍ അടച്ചത് എന്നും അമ്മ പറയുന്നു.മകനെ തങ്ങളുടെ കാലശേഷം ആര് നോക്കും എന്ന വേവലാതിയും ഈ മാതാപിതാക്കള്‍ക്കുണ്ട്. ബെഹറയെ സാധാരണ നിലയില്‍ കാണാന്‍ ഇവർക്ക് അതിയായ ആഗ്രഹമുണ്ട്. എന്നാല്‍ ചികിത്സിപ്പിക്കാനുള്ള പണം കൈയ്യിലില്ല. പലരുമായും സമീപിച്ചു. എന്നാല്‍ തെരഞ്ഞെടുപ്പ് സമയത്ത് മാത്രമാണ് സഹായവുമായി ആരെങ്കിലും എത്തുന്നത് എന്നും ഇവർ പറയുന്നു. ബെഹറയ്ക്ക് തിരിച്ചറിയല്‍ കാര്‍ഡ് നല്‍കാന്‍ പാർട്ടി പ്രവത്തകര്‍ മത്സരിച്ചു. എന്നാല്‍ ഭിന്നശേഷിക്കാരനായ ബെഹറക്ക് അത് തെളിയിക്കുന്നതിനുള്ള സർട്ടിഫിക്കറ്റ് ഇതുവരെ ഇതുവരെ ലഭിച്ചിട്ടില്ല. അതുകൊണ്ട് തന്നെ ഭിന്നശേഷിക്കാർക്കുള്ള ആനുകൂല്യങ്ങളും ബെഹറയ്ക്ക് ലഭിക്കുന്നില്ല.