ഹൊന്നാവര(ഉത്തര കന്നട): വിനോദയാത്രാ സംഘം സഞ്ചരിച്ച ബസ് കനാലിലേക്ക് മറിഞ്ഞ് ഒരു മരണം. ആന്ധ്രാപ്രദേശിലെ അനന്തപുര ഗവണ്‍മെന്‍റ് ഹയര്‍സെക്കന്‍ററി സ്കൂള്‍ വിദ്യാര്‍ഥി ടി.ഭാഷാ ഫക്രുദ്ദീന്‍(14) ആണ് മരിച്ചത്. പതിനാലില്‍ അധികം പേര്‍ക്ക് ഗുരുതരമായി പരിക്കേറ്റു.
44 വിദ്യാര്‍ഥികളും ഒന്‍പത് അധ്യാപകരും നാല് ജീവനക്കാരും അടങ്ങുന്ന വിനോദയാത്രാ സംഘമാണ് അപകടത്തില്‍പെട്ടത്. പരിക്കേറ്റവരെ ഉഡുപ്പി, മണിപ്പാല്‍ എന്നിവിടങ്ങളിലെ സ്വകാര്യ ആശുപത്രികളിലേക്ക് മാറ്റി. ഉത്തര കന്നഡ ജില്ലയിലെ ഹൊന്നാവരില്‍ ഇന്നലെ രാത്രിയായിരുന്നു അപകടം.
