ചരിത്രപരമായ പ്രസ്താവനയിൽ ലോക്സഭാ തെരഞ്ഞെടുപ്പിൽ തൃണമൂൽ കോൺഗ്രസിൽ നിന്നും മത്സരിക്കുന്ന സ്ഥാനാർഥികളിൽ 40.5 ശതമാനവും സ്ത്രീകളാകുമെന്ന് പശ്ചിമ ബംഗാൾ മുഖ്യമന്ത്രിയും തൃണമൂൽ കോൺഗ്രസ് പാർട്ടി അധ്യക്ഷയുമായ മമത ബാനർജി പ്രഖ്യാപിച്ചു.
സിറ്റിങ് എം.പിയും നടിയുമായ മൂൺ മൂൺ സെൻ, നടിമാരായ നുസ്രത് ജഹാൻ, മിമി ചക്രവർത്തി എന്നിവരും പട്ടികയിൽ ഇടം നേടി. ഇത ഒരു അഭിമാനകരമായ നിമിഷമാണെന്നും മമത ബാനർജി പറഞ്ഞു.
ആസം, ഒഡീഷ, ഝാർഖണ്ഡ്, ബീഹാർ, ആന്റമാൻ നിക്കോബാർ ദ്വീപ് എന്നിവടങ്ങളിലും പാർട്ടി മത്സരിക്കുമെന്ന് മമത ബാനർജി അറിയിച്ചു.
ഏഴ് ഘട്ടങ്ങളിലായി നടക്കുന്ന തെരഞ്ഞെടുപ്പിൽ പശ്ചിമ ബംഗാൾ എപ്രിൽ 11നായിരിക്കും ജനവിധി തേടുക.