ന്യൂഡൽഹി: റിപബ്ലിക് ദിനത്തിലെ ട്രാക്‌ടർ റാലിയിൽ നിലപാട് വ്യക്തമാക്കി സുപ്രീം കോടതി. സംഭവത്തിൽ ഇടപെടാനില്ലെന്ന് സുപ്രീം കോടതി വ്യക്തമാക്കി . ക്രമസമാധാന പ്രശ്‌നത്തിൽ തീരുമാനമെടുക്കേണ്ടത് പൊലീസാണ് . ഡൽഹിയിലേക്ക് ആർക്കൊക്കെ കടക്കാം എന്നതിൽ തീരുമാനമെടുക്കേണ്ടതും ഡൽഹി പൊലീസാണ്. കർഷകരുടെ ട്രാക്‌ടർ റാലിയിൽ പൊലീസിന് ഉചിതമായ നടപടിയെടുക്കാമെന്നും കോടതി പറഞ്ഞു . ജനുവരി 20ന് വീണ്ടും ഹർജിയിൽ വാദം കേൾക്കും.
അതേസമയം, ജനുവരി 26 ലെ ട്രാക്‌ടര്‍ റാലിയുമായി മുന്നോട്ട് പോവാന്‍ കര്‍ഷക സംഘടനകളുടെ സംയുക്ത ഏകോപന സമിതി കഴിഞ്ഞ ദിവസം തീരുമാനിച്ചിരുന്നു.
