ഇൻഡോർ: ബിജെപി 22 കോൺഗ്രസ് എംഎൽഎമാരെ ബന്ദികളാക്കിയെന്ന് മധ്യപ്രദേശ് മുഖ്യമന്ത്രി കമൽനാഥ്. ബിജെപി കുതിരക്കച്ചവടത്തിൽ ഏർപ്പെട്ടുവെന്നും കോൺഗ്രസ് എംഎൽഎമാരെ ബന്ദികളാക്കിയിട്ടുണ്ടെന്നും ആരോപിച്ച് കമൽനാഥ് ഗവർണർ ലാല്‍ജി ടണ്ടനെ കണ്ടു കത്ത് സമർപ്പിച്ചു.
മൂന്ന് ദിവസം മുമ്പ് 22 കോൺഗ്രസ് എം‌എൽ‌എമാരുടെ രാജി മൂലം ഉണ്ടായ രാഷ്ട്രീയ പ്രതിസന്ധികൾക്കിടയിലാണ് കമൽനാഥ് ഗവർണർ ലാല്‍ജി ടണ്ടനെ കണ്ടത്. രാവിലെ 11 മണിയോടെ ഗവർണറെ കാണുകയും മൂന്ന് പേജുള്ള കത്ത് അദ്ദേഹത്തിന് സമർപ്പിക്കുകയും ചെയ്തു.
മാർച്ച് 16 മുതൽ ആരംഭിക്കുന്ന ബജറ്റ് സെഷനിൽ ഗ്ലോബൽ ടെസ്റ്റ് നടത്താനുള്ള സന്നദ്ധതയാണ് കോൺഗ്രസ് വക്താവ് മാധ്യമങ്ങൾക്ക് നൽകിയ കത്തിൽ വ്യക്തമാക്കിയത്. ബംഗളൂരുവിൽ തടവിലാക്കപ്പെട്ട കോൺഗ്രസ് എം‌എൽ‌എമാരുടെ മോചനം ഉറപ്പാക്കാൻ സന്നദ്ധത കാണിക്കണമെന്നും നാഥ് ഗവർണറോട് അഭ്യർഥിച്ചു. സംസ്ഥാനത്തെ നിലവിലെ രാഷ്ട്രീയ സ്ഥിതിയെക്കുറിച്ച് മുഖ്യമന്ത്രി ഗവർണറെ അറിയിച്ചു.
