പ്രതിസന്ധി പരിഹരിക്കാന്‍ എല്ലാ സാധ്യതയും പരിശോധിക്കുന്നു: അമിത് ഷാ

കൊവിഡ് ബാധയെ തുടർന്ന് രാജ്യത്തെ സമ്പദ് വ്യവസ്ഥയെ ശക്തിപ്പെടുത്താന്‍ റിസർവ് ബാങ്ക് സ്വീകരിച്ച നടപടികളെ കേന്ദ്ര ആഭ്യന്തര മന്ത്രി അമിത് ഷാ അഭിനന്ദിച്ചു

ന്യൂഡല്‍ഹി: രാജ്യത്ത് കൊവിഡ് 19 പൊട്ടിപുറപെട്ടതിനെ തുടർന്നുണ്ടായ പ്രതിസന്ധി പരിഹരിക്കാന്‍ മോദി സർക്കാർ എല്ലാ സാധ്യതകളും പരിശോധിക്കുന്നതായി കേന്ദ്ര ആഭ്യന്തര മന്ത്രി അമിത് ഷാ. സമ്പദ് വ്യവസ്ഥയെ ശക്തിപ്പെടുത്താന്‍ റിസർവ് ബാങ്ക് സ്വീകരിച്ച നടപടികളെ അഭിനന്ദിച്ച അമിത് ഷാ അത്തരം നടപടികൾ പ്രധാനമന്ത്രിയുടെ കാഴ്‌ചപ്പാടുകളെ കൂടുതല്‍ ശക്തിപ്പെടുത്തുമെന്നും പറഞ്ഞു.

• Modi government is leaving no stone unturned in this fight against COVID-19, ensuring minimum disruption in people’s lives while planning for a strong and stable India in days ahead.
  
  Steps taken by RBI today, to boost Indian economy, further reinforce PM @narendramodi’s vision.

  — Amit Shah (@AmitShah) April 17, 2020 " class="align-text-top noRightClick twitterSection" data="

  Modi government is leaving no stone unturned in this fight against COVID-19, ensuring minimum disruption in people’s lives while planning for a strong and stable India in days ahead.
  
  Steps taken by RBI today, to boost Indian economy, further reinforce PM @narendramodi’s vision.

  — Amit Shah (@AmitShah) April 17, 2020

  ">

  Modi government is leaving no stone unturned in this fight against COVID-19, ensuring minimum disruption in people’s lives while planning for a strong and stable India in days ahead.
  
  Steps taken by RBI today, to boost Indian economy, further reinforce PM @narendramodi’s vision.

  — Amit Shah (@AmitShah) April 17, 2020

നബാഡിന് 20,000 കോടിയും സിഡ്ബിക്ക് 15,000 കോടിയും നല്‍കാനുള്ള റിസർബാങ്കിന്‍റെ തീരുമാനം കർഷകരെ സഹായിക്കും. എസ്എംഇകളുടെയും സ്റ്റാർട്ട് അപ്പുകളുടെയും സാമ്പത്തിക ഭദ്രത ഉറപ്പുവരുത്തും. പ്രധാനമന്ത്രിയുടെ മേക്ക് ഇന്‍ ഇന്ത്യ പരിപാടി വിപുലപ്പെടുത്തും. ദേശീയ ഹൗസിങ് ബാങ്കിന് 10,000 കോടി നല്‍കാനും ബാങ്കിങ്ങ്, ബാങ്കിങ് ഇതര ധനകാര്യ സ്ഥാപനങ്ങൾക്ക് പണം ലഭ്യമാക്കാനും റിസർബാങ്ക് തീരുമാനിച്ചു. ഈ നടപടികൾ രാജ്യത്തിന്‍റെ സമ്പത്ത് വ്യവസ്ഥയെ സഹായിക്കുമെന്നും അദ്ദേഹം പറഞ്ഞു.

രാജ്യത്ത് വായ്‌പാ ലഭ്യത ഉറപ്പാക്കാന്‍ ആർബിഐ ഇടപെട്ടു. റിവേഴ്സ് റിപ്പോ നിരക്കില്‍ 0.25 ശതമാനത്തിന്‍റെ കുറവ് വരുത്തി. നാല് ശതമാനത്തില്‍ നിന്നും 3.75 ശതമാനമായി റിവേഴ്‌സ് റിപ്പോ നിരക്ക് നിജപ്പെടുത്തി.

രാജ്യത്ത് കൊവിഡ് 19 ബാധയെ തുടർന്ന് ഇത് രണ്ടാമത്തെ തവണയാണ് വിപണിയില്‍ പണ ലഭ്യത ഉറപ്പ് വരുത്താന്‍ ആർബിഐ പ്രഖ്യാപനം നടത്തുന്നത്. ലോക്ക് ഡൗണ്‍ പ്രഖ്യാപിച്ച ശേഷം റിസർബാങ്ക് ഗവർണർ ശക്‌തികാന്ത ദാസ് രണ്ടാമത്തെ തവണയാണ് ടെലിവിഷനിലൂടെ രാജ്യത്തെ അഭിസംബോധന ചെയ്ത് സംസാരിക്കുന്നതെന്ന പ്രത്യേകതയുമുണ്ട്.