ശ്രീനഗർ: ജമ്മു കശ്‌മീരിലെ കുൽഗാമിൽ സർക്കാർ സ്കൂളിന് തീപിടിച്ചു. ചൊവ്വാഴ്‌ച രാത്രിയാണ് കുൽഗാം ജില്ലയിലെ സർക്കാർ ഹയർ സെക്കന്‍ററി സ്‌കൂളിൽ തീപിടിത്തമുണ്ടായത്. പരിഭ്രാന്തരായ പ്രദേശവാസികൾ തീയണക്കാൻ ശ്രമിച്ചെങ്കിലും സാധിച്ചില്ല. തുടർന്ന് അഗ്നിശമനസേനയുടെ സഹായത്തോടെ തീയണച്ചു. സംഭവത്തിന് പിന്നില്‍ തീവ്രവാദ പ്രവര്‍ത്തനമാണെന്നാണ് പ്രാഥമിക നിഗമനം. ജനങ്ങളില്‍ പരിഭ്രാന്തി സൃഷ്ടിക്കാന്‍ തീവ്രവാദികള്‍ സ്കൂളിന് തീയിട്ടതാകാമെന്ന് പൊലീസ് ഉദ്യോഗസ്ഥര്‍ അറിയിച്ചു.
ജമ്മു കശ്‌മീരിലെ കുൽഗാമിൽ സ്‌കൂളില്‍ തീപിടിത്തം; പിന്നില്‍ തീവ്രവാദികളെന്ന് സംശയിക്കുന്നെന്ന് പൊലീസ്
