കളളപ്പണം വെളുപ്പിക്കൽ കേസുമായി ബന്ധപ്പെട്ട് എഐസിസി ജനറൽ സെക്രട്ടറി പ്രിയങ്ക ഗാന്ധിയുടെ ഭർത്താവ് റോബർട്ട് വാദ്രയെ എൻഫോഴ്സ്മെന്‍റ് ഡയറക്ടറേറ്റ് ചോദ്യം ചെയ്ത സംഭവത്തിൽ പിന്തുണയുമായി ബംഗാൾ മുഖ്യമന്ത്രി മമതാ ബാനർജി. തെരഞ്ഞെടുപ്പ് മുന്നിൽ കണ്ട് കേന്ദ്ര സർക്കാർ നടത്തുന്ന ഗൂഢാലോചനയാണിതെന്നും മമത.
വാദ്രക്ക് എതിരെയുളളത് ഗുരുതരമായ കേസല്ല. ഇ ഡിയുടെ പരിശോധനയും ചോദ്യം ചെയ്യലും സാധാരണ നടപടിയാണെന്നും അതുകൊണ്ട് ഇക്കാര്യത്തിൽ കോൺഗ്രസും തൃണമൂൽ കോൺഗ്രസും ഒറ്റക്കെട്ടായി നിന്ന് വാദ്രക്ക് പിന്തുണ നൽകുമെന്നും മമത പറഞ്ഞു. ബുധനാഴ്ച്ചയാണ് കളളപ്പണം വെളുപ്പിക്കൽ കേസിൽ ചോദ്യം ചെയ്യലിനായി വാദ്ര എൻഫോഴ്സ്മെന്‍റ് ഡയറക്ടറേറ്റിന് മുന്നിൽ ഹാജരായത്. ലണ്ടനിൽ ബ്രയൺസ്റ്റൻ സക്വയറിൽ വസ്തു വാങ്ങിയതുമായി ബന്ധപ്പെട്ട കേസിലാണ് വാദ്ര അന്വേഷണം നേരിടുന്നത്.
