ന്യൂഡല്‍ഹി: ലഡാക്ക് അതിർത്തിയിലെ സംഭവവികാസങ്ങളെക്കുറിച്ച് ലോക്സഭയിൽ സംസാരിച്ച് പ്രതിരോധ മന്ത്രി രാജ്‌നാഥ് സിങ്. പാംഗോങ് തടാകത്തിന്‍റെ തെക്കൻ കരയ്ക്ക് സമീപത്തെ ചൈനയുടെ പ്രദേശങ്ങളെ ഇന്ത്യ അടുത്തിടെ കൈക്കലാക്കിയതായും. ലഡാക്കിലെ ചുഷുലിനടുത്തുള്ള പാങ്കോങ്‌സോയുടെ തെക്കൻ തീരത്തിനടുത്തുള്ള ഇന്ത്യൻ പ്രദേശങ്ങളിലേക്ക് ചൈനീസ് സൈനികർ അതിക്രമിച്ച് കടക്കാൻ ശ്രമിച്ചതിനെ ഇന്ത്യ പരാജയപ്പെടുത്തിയെന്നും അദ്ദേഹം പറഞ്ഞു.
ഫിംഗർ ഏരിയ, ഗാൽവാൻ വാലി, ഹോട്ട് സ്പ്രിംഗ്സ്, കോങ്‌റങ് നള എന്നിവയുൾപ്പെടെ നിരവധി മേഖലകളിൽ ചൈനീസ് സൈന്യം നടത്തിയ അതിക്രമങ്ങളുടെ പേരിൽ ഏപ്രിൽ, മെയ് മുതൽ ഇന്ത്യയും ചൈനയും ഏറ്റുമുട്ടലിലാണ്.
