ഡല്‍ഹി: സമ്പദ്‌വ്യവസ്ഥയുടെയും ദുരന്തസാധ്യതാ മാനേജ്‌മെന്‍റിന്‍റെയും ഭാവിയിലെ ആഗോള രാഷ്ട്രീയ ചട്ടക്കൂടിൽ ഇന്ത്യ ഒരു പ്രധാന പങ്ക് വഹിക്കുമെന്ന് ആഭ്യന്തര സഹമന്ത്രി നിത്യാനന്ദ് റായ്. ഇന്ത്യയിലെ സയൻസ് ആൻഡ് ടെക്‌നോളജി പ്രതിഭകളിലുള്ള വിശ്വാസം പ്രകടിപ്പിച്ച റായ്, രാജ്യത്തെ എല്ലാ ദരിദ്രരായ വ്യക്തികളിലേക്കും എത്തിച്ചേരുകയും ചെയ്യുക എന്നതാണ് ശാസ്ത്ര സാങ്കേതിക വിദ്യയുടെ ലക്ഷ്യമെന്ന് പറഞ്ഞു.
പ്രധാനമന്ത്രി നരേന്ദ്ര മോദിയുടെ കാഴ്ചപ്പാടും അദ്ദേഹം എടുത്തുപറഞ്ഞു. നാഷണൽ ഇൻസ്റ്റിറ്റ്യൂട്ട് ഓഫ് ഡിസാസ്റ്റർ മാനേജ്‌മെന്‍റ്, സയൻസ് ആൻഡ് ടെക്‌നോളജി എന്നീ വകുപ്പുകള്‍ സംയുക്തമായി സംഘടിപ്പിച്ച മൂന്ന് ദിവസത്തെ അന്താരാഷ്ട്ര ശാസ്ത്ര സാങ്കേതിക സമ്മേളനത്തിന്‍റെ വീഡിയോ കോൺഫറൻസിലൂടെ സംസാരിക്കുകയായിരുന്നു മന്ത്രി. വിദഗ്ധർ, സർക്കാർ ഉദ്യോഗസ്ഥർ, ശാസ്ത്ര സാങ്കേതിക വിദഗ്ധർ, പോളിസി പ്ലാനർമാർ, ഇന്ത്യയിലുടനീളമുള്ള പത്തിലധികം വരുന്ന രാജ്യങ്ങളിൽ നിന്നുള്ള പരിശീലകർ എന്നിവർ പരിപാടിയില്‍ പങ്കെടുത്തു.
