വാരാണസി: സോൺഭദ്ര ജില്ലയിൽ നിന്ന് കണ്ടെത്തിയ സ്വർണ്ണ നിക്ഷേപം രാജ്യത്തെ സാമ്പത്തികമായി ശക്തമാക്കാൻ സഹായിക്കുമെന്ന് ഉത്തർപ്രദേശ് ഉപമുഖ്യമന്ത്രി കേശവ് പ്രസാദ് മൗര്യ. സ്വര്‍ണ നിക്ഷേപം കണ്ടെത്തിയതില്‍ സന്തോഷമുണ്ടെന്നും അദ്ദേഹം കൂട്ടിച്ചേര്‍ത്തു. ഉത്തർപ്രദേശിലെ ജിയോളജിക്കൽ സർവേ ഓഫ് ഇന്ത്യയും ഡയറക്ടറേറ്റ് ഓഫ് ജിയോളജി ആൻഡ് മൈനിംഗും (ഡിജിഎം) സോനഭദ്ര ജില്ലയിൽ മൂവായിരം ടൺ സ്വർണ്ണ ശേഖരം കണ്ടെത്തിയിരുന്നു.
സി.എ.എ വിരുദ്ധ യോഗത്തില്‍ സ്ത്രീ പാക് അനുകൂല മുദ്രാവാക്യം വിളിച്ചത് ജനങ്ങളുടെ മാനസികാവസ്ഥയെയാണ് കാണിക്കുന്നതെന്നും അദ്ദേഹം പറഞ്ഞു. എന്നാല്‍ രാജ്യം ഇത്തരം മാനസികാവസ്ഥ ആഗ്രഹിക്കുന്നില്ലെന്നും അദ്ദേഹം കൂട്ടിച്ചേര്‍ത്തു.അസദുദ്ദീന്‍ ഒവൈസി പങ്കെടുത്ത പരിപാടിയില്‍ അമൂല്യ എന്ന് പേരുള്ള പെണ്‍കുട്ടിയാണ് പാക് അനുകൂല മുദ്രാവാക്യം വിളിച്ചത്.
