ബംഗളൂരു: ഗഗന്യാൻ പദ്ധതി ബഹിരാകാശത്തേക്ക് ആളുകളെ അയക്കുന്നതിന് മാത്രമല്ല, മറിച്ച് ദീർഘകാല ആഗോള പങ്കാളിത്തത്തിനായി ചട്ടക്കൂട് നിർമിക്കാനുള്ള അവസരമാണിതെന്ന് ഐഎസ്ആര്‍ഒ ചെയർമാൻ കെ. ശിവൻ. 'മനുഷ്യന്‍റെ ബഹിരാകാശ യാത്രയും പര്യവേഷണവും; ഇന്നത്തെ വെല്ലുവിളികളും ഭാവിയിലെ ലക്ഷ്യങ്ങൾ' എന്ന സിബോയിസം ഉദ്ഘാടനം ചെയ്യുകയായിരുന്നു അദ്ദേഹം.
ഗഗന്യാൻ ബഹിരാകാശത്ത് തുടർച്ചയായി മനുഷ്യ സാന്നിധ്യത്തിന് വഴിയൊരുക്കുമെന്ന് ഇസ്‌റോ ചെയർമാൻ കെ ശിവൻ
മിക്ക രാജ്യങ്ങൾക്കും സമാനമായ ലക്ഷ്യങ്ങളാണുള്ളതെന്നും ഈ ലക്ഷ്യങ്ങൾ പരസ്‌പരം സഹായകരമാകുമെന്നും കെ. ശിവൻ പറഞ്ഞു. ഗഗന്യാനിലൂടെ പുതിയ ശാസ്ത്രം ഉരുത്തിരിയുമെന്നും ഇതിലൂടെ പുതിയ കഴിവുകൾ വർദ്ധിപ്പിക്കാനാകുമെന്നും അദ്ദേഹം പറഞ്ഞു. ബഹിരാകാശത്ത് തുടർച്ചയായ മനുഷ്യ സാന്നിധ്യത്തിന് ദൗത്യം വഴിയൊരുക്കുമെന്നും അദ്ദേഹം കൂട്ടിച്ചേർത്തു.
