പ്രധാനമന്ത്രി നരേന്ദ്ര മോദി അയോധ്യയിലെ ഭൂമി പൂജയിൽ പങ്കെടുക്കും. ഭൂമി പൂജക്ക് ശേഷം ക്ഷേത്ര നിര്‍മാണം ആരംഭിക്കും. അയോധ്യയിലെ മതഘടനയെക്കുറിച്ചുള്ള 70 വർഷം പഴക്കമുള്ള തർക്കത്തിന് 2019 നവംബർ ഒൻപതിന്ന് അഞ്ച് ജഡ്ജിമാരടങ്ങുന്ന ബെഞ്ചിന്‍റെ വിധി രാമക്ഷേത്ര നിർമാണത്തിന് വഴിയൊരുക്കി. സ്ഥലത്ത് ക്ഷേത്രം പണിയുന്നതിന് നിരവധി പേർ പ്രധാന പങ്കുവഹിച്ചിട്ടുണ്ട്. രാമക്ഷേത്രവുമായി ബന്ധപ്പെട്ട സംഭവങ്ങൾ 1950 മുതൽ.... ഗോപാൽ സിംഗ് വിശാരദ് ‘അസ്താൻ ജന്മഭൂമി’ യിൽ സ്ഥാപിച്ച വിഗ്രഹങ്ങളെ ആരാധിക്കാനുള്ള അവകാശം ആവശ്യപ്പെട്ട് ആദ്യ കേസ് ചെയ്തു. പ്രദേശത്ത് പ്രാർത്ഥിക്കാനുള്ള അവകാശം ആവശ്യപ്പെട്ട് കീഴ്‌ക്കോടതിയിൽ കേസ് ഫയൽ ചെയ്ത ഭക്തൻ ഗോപാൽ സിംഗ് വിശാരദ് 1986ൽ മരണമടഞ്ഞു. നിയമ പോരാട്ടം പിന്നീട് അദ്ദേഹത്തിന്‍റെ മകൻ രാജേന്ദ്ര സിംഗ് ഏറ്റെടുത്തു. തുടർന്ന് 1959ൽ നിർമോഹി അഖാര കേസില്‍ പ്രവേശിച്ച് പ്രദേശം കൈവശം വേണമെന്ന് ആവശ്യപ്പെട്ട് മൂന്നാമത്തെ കേസ് ഫയൽ ചെയ്തു. രാമൻ ജനിച്ചുവെന്ന് വിശ്വസിക്കപ്പെടുന്ന സ്ഥലത്തിന്‍റെ സൂക്ഷിപ്പുകാരനാണെന്ന് അതില്‍ സ്വയം അവകാശപ്പെട്ടു. അയോധ്യ കേസിൽ പ്രധാന അവകാശവാദികളിൽ ഒരാളായ നിർമോഹി അഖാരയുടെ സർപഞ്ചായിരുന്നു മഹാന്ത് ഭാസ്‌കർ ദാസ്. ദാസ് വർഷങ്ങളോളം ഈ വിഭാഗത്തെ പ്രതിനിധീകരിച്ചു. വിശ്വഹിന്ദു പരിഷത്ത് (വിഎച്ച്പി) അയോധ്യയിലെ സ്ഥലത്ത് ക്ഷേത്ര നിർമാണത്തിനായി രാജ്യവ്യാപകമായി ഒരു പ്രസ്ഥാനം ആരംഭിച്ചു. 1984ൽ അയോധ്യയിൽ ഒരു രാമക്ഷേത്രം ആവശ്യപ്പെട്ട പ്രചാരണത്തിന് പിന്നിൽ പ്രവർത്തിച്ചവരിൽ ഒരാളാണ് വിഎച്ച്പി പ്രസിഡന്റ് അശോക് സിങ്കാൽ. രാമമന്ദിർ പ്രസ്ഥാനത്തിന്റെ ശില്പികളിൽ ഒരാളായി അദ്ദേഹം കണക്കാക്കപ്പെടുന്നു. അലഹബാദ് ഹൈക്കോടതിയിലെ ലഖ്‌നൗ ബെഞ്ചിൽ കേസിന് അനുകൂലമായി കൈവശാവകാശം ഉന്നയിച്ച് കൊണ്ട് മുൻ വിഎച്ച്പി വൈസ് പ്രസിഡന്റ് ഡിയോകി നന്ദൻ അഗർവാല പ്രഭു രാമന്‍റെ പേരിൽ പുതിയ കേസ് ഫയൽ ചെയ്തു.
1989 ൽ വിഎച്ച്പി അയോദ്ധ്യയിൽ ശിലന്യാസ് ചടങ്ങ് നടത്തുകയും ആസൂത്രിതമായ രാമക്ഷേത്രത്തിന്‍റെ ആദ്യത്തെ കല്ല് സ്ഥാപിക്കുകയും ചെയ്തു. അന്നത്തെ ബിജെപി പ്രസിഡന്റ് എൽ. കെ. അദ്വാനി ഗുജറാത്തിലെ സോംനാഥിൽ നിന്ന് രഥയാത്ര ആരംഭിച്ചത് രാമ ക്ഷേത്രം പണിയാനുള്ള പ്രമേയത്തോടെയാണ്. ആ രഥയാത്ര അയോധ്യയിലെ രാമ ക്ഷേത്രത്തിന് അനുകൂലമായി വികാരങ്ങൾ ഇളക്കിവിട്ടതായി പറയപ്പെടുന്നു. എൽ കെ അദ്വാനിയുടെയും മുരളി മനോഹർ ജോഷിയുടെയും നേതൃത്വത്തിൽ രാമ ക്ഷേത്ര പ്രസ്ഥാനം ശക്തി പ്രാപിക്കുകയും രാജ്യത്തുടനീളം സഞ്ചരിക്കുന്ന ഒരു രഥം എന്ന ആശയം മികച്ചൊരു ആശയമായി പ്രവർത്തിക്കുകയും ചെയ്തു. 1991 ൽ മുരളി മനോഹർ ജോഷി ബിജെപി പ്രസിഡന്‍റായി ചുമതലയേൽക്കുകയും രാമന്‍റെ ജന്മസ്ഥലം വീണ്ടെടുക്കുന്നതിൽ പ്രധാന പങ്കുവഹിക്കുകയും ചെയ്തു. ബി.ജെ.പി നേതാകള്‍ ചേർന്ന് സംഘടിപ്പിച്ച രഥയാത്ര വി.എച്ച്.പിയുടെയും സംഘപരിവാറുകളുടെയും പിന്തുണ ശേഖരിച്ച് ഒരു ക്ഷേത്രം നിര്‍മിക്കണമെന്ന ആശയത്തിലേക്കെത്തി. ഉത്തർപ്രദേശ് സർക്കാരിന്‍റെ ആദ്യ മുഖ്യമന്ത്രിയായി പ്രവർത്തിച്ചിരുന്ന കല്യാൺ സിംഗ് തർക്ക സ്ഥലത്തിന് ചുറ്റും 2.77 ഏക്കർ സ്ഥലം ഏറ്റെടുത്തു. രാം മന്ദിർ നിർമിക്കുമെന്ന് സിംഗ് പ്രതിജ്ഞയെടുക്കുകയും സമാധാനപരമായ അഭിപ്രായ സമന്വയത്തിനായി ഉത്സാഹത്തോടെ പ്രവർത്തിക്കുകയും ചെയ്തു. ശിവസേന സ്ഥാപകൻ ബാൽ താക്കറെ രാം ക്ഷേത്ര പ്രസ്ഥാനത്തിൽ മുൻപന്തിയിലായിരുന്നു. മുതിർന്ന ബിജെപി നേതാവ് ഉമാ ഭാരതി മറ്റ് ബിജെപി നേതാക്കൾക്കൊപ്പം രാമജന്മഭൂമി പ്രസ്ഥാനത്തിന്റെ പ്രധാന മുഖങ്ങളിലൊന്നായി മാറി. ഈ നേതാക്കളുടെ പങ്ക് അയോധ്യ തർക്കത്തിന് വഴിത്തിരിവായി.
