ഇൻഡോറിൽ 27 പേർക്ക് കൂടി കൊവിഡ്; ആകെ 1681 രോഗികൾ

ഇൻഡോറിലെ ആകെ മരണസംഖ്യ 82 ആയി. 491 പേർക്ക് രോഗം ഭേദമായി.

ഭോപ്പാൽ: ഇൻഡോറിൽ 27 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ജില്ലയിലെ ആകെ കൊവിഡ് ബാധിതരുടെ എണ്ണം 1681 ആയി. രണ്ട് പേർ കൂടി മരിച്ചതോടെ ആകെ മരണസംഖ്യ 81 ആയി ഉയർന്നു. പ്രമേഹവും രക്തസമർദ്ദവും ബാധിച്ച 36 കാരനും ഹൃദ്രോഗിയായ 75 കാരനുമാണ് മരിച്ചത്. 491 പേർക്ക് രോഗം ഭേദമായി. കഴിഞ്ഞ പത്ത് ദിവസമായി കൊവിഡ് സോണിലുള്ള ജില്ലയിലെ മരണനിരക്ക് അഞ്ച് ശതമാനത്തിൽ താഴെയാണ്. ഇൻഡോറിൽ ആദ്യത്തെ കൊവിഡ് രോഗിയെ കണ്ടെത്തിയതുമുതൽ നഗരം കർഫ്യൂവിലാണ്.