ഗുര്‍ദസ്‌പൂർ (പഞ്ചാബ്): ബലാട്ടയിലെ പടക്കനിര്‍മാണശാലയിലുണ്ടായ അപകടത്തില്‍ മരിച്ചവരുടെ എണ്ണം 23 ആയി. 20 പേര്‍ പരിക്കേറ്റ് ചികിത്സയിലാണ്. തകര്‍ന്നുവീണ കെട്ടിടത്തിനുള്ളില്‍ ഇനിയും ആളുകള്‍ കുടുങ്ങിക്കിടക്കുന്നതായി സംശയമുണ്ട്.
പടക്കനിര്‍മാണ കേന്ദ്രത്തില്‍ സ്ഫോടനം; മരണം 23 ആയി
മരിച്ചവരുടെ കുടുംബങ്ങള്‍ക്ക് രണ്ട് ലക്ഷം രൂപയും, സാരമായി പരിക്കേറ്റവര്‍ക്ക് 50,000 രൂപയും, സംസ്ഥാന സര്‍ക്കാര്‍ സഹായം പ്രഖ്യാപിച്ചിട്ടുണ്ട്. നിസാര പരിക്കുള്ളവര്‍ക്ക് 25,000 രൂപയും നല്‍കും. പരിക്കേറ്റവര്‍ക്ക് മികച്ച ചികിത്സ ലഭ്യമാക്കുമെന്ന് മുഖ്യമന്ത്രി അമരീന്ദര്‍ സിങ് അറിയിച്ചു. സംഭവത്തില്‍ മജിസ്‌റ്റീരിയല്‍ അന്വേഷണവും പ്രഖ്യാപിച്ചിട്ടുണ്ട്.
