ഗാന്ധിനഗർ: ഗുജറാത്ത് തീരത്ത് ബോട്ട് മുങ്ങി കാണാതായ ഏഴ് മത്സ്യത്തൊഴിലാളികളെ മൂന്നാം ദിവസവും കണ്ടെത്താനായില്ല. ദേവഭൂമി ദ്വാരക ജില്ലയിലെ ഓഖയിൽ നിന്നും കഴിഞ്ഞ ഡിസംബർ മൂന്നിനാണ് ഏഴ് മത്സ്യത്തൊഴിലാളികളുമായി മൊയിൻ എന്ന് ബോട്ട് മത്സ്യബന്ധനത്തിനായി തിരിച്ചത്.
ഡിസംബർ ആറിന് രാത്രി അജ്ഞാതമായ കാരണങ്ങളാൽ ബോട്ട് മുങ്ങി ഏഴ് മത്സ്യ തൊഴിലാളികളെയുംകാണാതാവുകയായിരുന്നെന്ന് ബോട്ടിന്റെ ഉടമ ഇസ്മായിൽ ഇഷുബ് പറയുന്നു. സംഭവ സ്ഥലത്ത് ഇന്ത്യൻ തീരസംരക്ഷണ സേന (ഐസിജി) രക്ഷാപ്രവർത്തനം നടത്തിയെങ്കിലും ഏഴു മത്സ്യത്തൊഴിലാളികളെയും കണ്ടെത്തനായില്ല. ബോട്ട് മുങ്ങിയ ഇടത്ത് തങ്ങൾ രക്ഷ പ്രവർത്തനം നടത്തുന്നതായും കൂടുതൽ ഇടങ്ങളിലെക്ക് തിരച്ചിൽ വ്യാപിപ്പിച്ചതായും തിരച്ചിലിന് നേതൃത്വം നൽകുന്ന ഗിർ സോംനാഥ് അറിയിച്ചു.