കേസുകളിൽ ജാതി പരാമർശിക്കുന്ന രീതി അവസാനിപ്പിക്കണമെന്നാവശ്യപ്പെട്ട് ചീഫ് ജസ്റ്റിസിന് കത്ത്

ജാതി പരാമർശിക്കുന്ന രീതി സമത്വ തത്വത്തിന് വിരുദ്ധമാണെന്ന് ചൂണ്ടിക്കാട്ടി അഭിഭാഷകനായ അമിത് റായ് ചീഫ് ജസ്റ്റിസിന് കത്ത് നൽകി

ന്യൂഡൽഹി: കേസുകൾ രജിസ്റ്റർ ചെയ്യുമ്പോൾ കക്ഷികളുടെ ജാതി പരാമർശിക്കുന്നതിലെ അതൃപ്തി പ്രകടിപ്പിച്ച് അഭിഭാഷകൻ അമിത് റായ് ചീഫ് ജസ്റ്റിസ് എസ്‌എ ബോബ്‌ഡെക്ക് കത്തെഴുതി. ഇത്തരം നിയമ നടപടികൾ തുടരരുതെന്ന് അദ്ദേഹം ചീഫ് ജസ്റ്റിസിനോട് അഭ്യർഥിച്ചു. സമത്വം ഉള്ളിടത്ത് ജാതിക്ക് പ്രസക്തിയില്ലെന്നാണ് ലോ സ്കൂളിലെ പാഠങ്ങൾ തന്നെ പഠിപ്പിച്ചിട്ടുള്ളതെന്ന് അമിത് റായ് പറഞ്ഞു. ചില ഹൈക്കോടതികളിൽ നിന്ന് അപ്പീൽ നൽകാൻ അവധി ആവശ്യപ്പെടുന്ന അപേക്ഷകൾ കൈകാര്യം ചെയ്യേണ്ടിവന്ന അവസരത്തിൽ, സത്യവാങ്‌മൂലങ്ങളില്‍ ജാതി, മതം അല്ലെങ്കിൽ പാർട്ടികളുടെ മെമ്മോ എന്നിവ പരാമർശിക്കുന്നത് ശ്രദ്ധയിൽ പെട്ടു. ഇത് അങ്ങേയറ്റം അസ്വസ്ഥതയുളവാക്കുന്നതാണെന്ന് അദ്ദേഹം കത്തിൽ സൂചിപ്പിച്ചു.