ന്യൂഡൽഹി: ഹരിയാനയിലെ പൽപാറിലേക്ക് 37 കുടിയേറ്റ തൊഴിലാളികളുമായി പോയ ലോറി ഡൽഹി പൊലീസ് തടഞ്ഞു. വാഹനത്തിൽ ഉണ്ടായിരുന്നവരെ അടുത്തുള്ള അഭയ കേന്ദ്രത്തിലേക്ക് മാറ്റി.
പുലർച്ചെ 1.30ഓടെയാണ് ഹരിയാന രജിസ്ട്രേഷനിൽ എത്തിയ വാഹനം പൊലീസ് തടഞ്ഞത്. ജോലിക്കായി ഡൽഹിയിൽ നിന്നും പൽവാറിലേക്ക് തൊഴിലാളികളെ എത്തിക്കുകയായിരുന്നുവെന്ന് കരാറുകാരൻ പൊലീസിനോട് പറഞ്ഞു. ഇയാൾ ബിഹാർ സ്വദേശിയാണെന്നും നിലവിൽ ഹരിയാനയിലാണ് താമസമെന്നും ഡെപ്യൂട്ടി പൊലീസ് കമ്മിഷണർ ആർ പി മീന അറിയിച്ചു. ഇവർക്കെതിരെ വിവധ വകുപ്പുകൾ പ്രകാരം കേസ് രജിസ്റ്റർ ചെയ്തിട്ടുണ്ട്.
ഏഴ് കുടിയേറ്റ തൊഴിലാളികളുമായി ബിഹാറിലേക്ക് പോകാൻ ശ്രമിച്ച മറ്റൊരു വാഹനവും പൊലീസ് തടഞ്ഞു. വാഹനം പിടിച്ചെടുത്ത ശേഷം ഇവരെ അഭയ കേന്ദ്രത്തിലേക്ക് മാറ്റി. ഡ്രൈവറെ അറസ്റ്റ് ചെയ്തു.
