ജയ്‌പൂര്‍: രാജസ്ഥാനില്‍ 26 പേര്‍ക്ക് കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് ബാധിച്ചവരുടെ എണ്ണം 3453 ആയി. ഇന്ന് ഒരാള്‍ കൂടി കൊവിഡ് ബാധിച്ച് മരിച്ചു. 100 പേരാണ് രാജസ്ഥാനില്‍ ഇതുവരെ കൊവിഡ് ബാധിച്ച് മരിച്ചത്. കോട്ടയില്‍ നിന്നും 8 പേര്‍ക്കും ജയ്‌പൂരില്‍ നിന്നും 7 പേര്‍ക്കും പാലിയില്‍ നിന്ന് 5പേര്‍ക്കും അജ്‌മീര്‍,ജ്വലവാര്‍,ഉദയ്‌പൂരില്‍ നിന്ന് 2 പേര്‍ക്ക് വീതവുമാണ് പുതുതായി കൊവിഡ് സ്ഥിരീകരിച്ചത്.
1450 പേരാണ് നിലവില്‍ കൊവിഡ് ബാധിച്ച് ചികില്‍സയില്‍ കഴിയുന്നത്. 1903 പേര്‍ രോഗമുക്തി നേടി ആശുപത്രി വിട്ടതായി ആരോഗ്യവകുപ്പ് അധികൃതര്‍ പറയുന്നു.
