ലഖ്‌നൗ: പുതുതായി 115 പേർക്ക് കൂടി കൊവിഡ് സ്ഥിരീകരിച്ചതോടെ ഉത്തർ പ്രദേശിലെ കൊവിഡ് ബാധിതരുടെ എണ്ണം 8,191 ആയി. സംസ്ഥാനത്ത് ഇതുവരെ 217 പേരാണ് കൊവിഡ് മൂലം മരിച്ചതെന്നും കൊവിഡ് റിക്കവറി റേറ്റ് 59.71% ആണെന്നും ആരോഗ്യ പ്രിൻസിപ്പൽ സെക്രട്ടറി അമിത് മോഹൻ പറഞ്ഞു.
അതേ സമയം സംസ്ഥാനത്തെ ആക്‌ടീവ് കൊവിഡ് കേസുകളുടെ എണ്ണം 3,083 ആണെന്നും 4,891 പേർ രോഗത്തിൽ നിന്ന് ഇതുവരെ മുക്തരായെന്നും അദ്ദേഹം പറഞ്ഞു. 11,47,872 അതിഥി തൊഴിലാളികളെയാണ് ആശാ വർക്കർന്മാർ കണ്ടെത്തിയത്. 1,027 പേർ കൊവിഡ് ലക്ഷണങ്ങൾ കാണിച്ചെന്നും ഇവരുടെ സാമ്പിളുകൾ പരിശോധനക്ക് അയച്ചെന്നും അദ്ദേഹം കൂട്ടിച്ചേർത്തു.
