ചെന്നൈ: ചിമ്പാന്‍സി കുഞ്ഞിന്‍റെ ഒന്നാം ജന്മ ദിനം ആഘോഷിച്ച് ചെന്നൈ അരിഞ്ഞർ അണ്ണ സുവോളജിക്കല്‍ (വണ്ടല്ലൂർ മൃഗശാല) പാർക്ക്. മൃഗശാലയിലെ ഗൗബൈ -ഗൗരി ദമ്പതികളുടെ ആദിത്യയെന്ന കുഞ്ഞു ചിമ്പാന്‍സിയുടെ ആദ്യ ജന്മ ദിനമാണ് അധികൃതര്‍ വിപുലമായി ആഘോഷിച്ചത്. ആഘോഷത്തിന്‍റെ ഭാഗമായി ചിമ്പാന്‍സി കുടുംബത്തിന് ഏറ്റവും ഇഷ്‌ടമുള്ള "ഫ്രോസൺ ഫ്രൂട്ട് കേക്ക്" നല്‍കി.
ചിമ്പാന്‍സി കുഞ്ഞിന്‍റെ ജന്മ ദിനം ആഘോഷിച്ചു
പാര്‍ക്കിലെത്തിയ സന്ദര്‍ശകരുടെ സാന്നിധ്യത്തില്‍ ഡെപ്യൂട്ടി ഡയറക്ടര്‍ ഡോ.ആർ.കാഞ്ചനയാണ് കേക്ക് മുറിച്ചത്. 2005 ജനുവരി 10 ന് സിംഗപ്പൂര്‍ മൃഗശാലയില്‍ നിന്നാണ് ഗൗബൈ -ഗൗരി ദമ്പതികളെ അണ്ണ സുവോളജിക്കല്‍ പാര്‍ക്കിലെത്തിച്ചത്. എന്നാല്‍ 16 വര്‍ഷങ്ങള്‍ക്ക് ശേഷമാണ് കുഞ്ഞു ആദിത്യയുടെ ജനനം.
