ന്യൂഡൽഹി : ബിജെപിയുടെ കേന്ദ്ര ഭാരവാഹികളുടെ പുതിയ പട്ടിക ബിജെപി അധ്യക്ഷൻ ജെ പി നദ്ദ പ്രഖ്യാപിച്ചു. കേരളത്തിൽ നിന്നും കോൺഗ്രസ് നേതാവ് എ കെ ആന്‍റണിയുടെ മകൻ അനിൽ കെ ആന്‍റണിയെ ദേശീയ സെക്രട്ടറിയായി നിയമിച്ചു. അതേസമയം എ പി അബ്‌ദുല്ലക്കുട്ടി ദേശീയ വൈസ് പ്രസിഡന്‍റായി തുടരും. 13 വൈസ് പ്രസിഡന്‍റുമാരും ഒൻപത് സെക്രട്ടറിമാരും അടങ്ങിയതാണ് പുതിയ പട്ടിക.
അതേസമയം കേരളത്തിൽ നിന്ന് മറ്റാരും പുതിയ കേന്ദ്ര നേതൃത്വ പട്ടികയിൽ സ്ഥാനം പിടിച്ചിട്ടില്ല. പാർട്ടി പുനഃക്രമീകരിച്ച പട്ടിക പ്രകാരം തെലങ്കാന യൂണിറ്റ് മേധാവി ബന്ദി സഞ്ജയ് കുമാറിനെയും രാജ്യസഭ എംപി രാധ മോഹൻ അഗർവാളിനെയും ദേശീയ ജനറൽ സെക്രട്ടറിമാരായി നിയമിച്ചിട്ടുണ്ട്. രാജസ്ഥാൻ, മധ്യപ്രദേശ്, ഛത്തീസ്‌ഗഡ്, തെലങ്കാന എന്നീ സംസ്ഥാനങ്ങളിൽ ഈ വർഷം അവസാനം നിയമസഭ തെരഞ്ഞെടുപ്പ് നടക്കാനിരിക്കെയാണ് ഈ നീക്കം.
-
भाजपा राष्ट्रीय अध्यक्ष श्री @JPNadda ने निम्नलिखित केंद्रीय पदाधिकारियों के नामों की घोषणा की है- pic.twitter.com/0aaArxHF30
— BJP (@BJP4India) July 29, 2023 " class="align-text-top noRightClick twitterSection" data="
">भाजपा राष्ट्रीय अध्यक्ष श्री @JPNadda ने निम्नलिखित केंद्रीय पदाधिकारियों के नामों की घोषणा की है- pic.twitter.com/0aaArxHF30
— BJP (@BJP4India) July 29, 2023भाजपा राष्ट्रीय अध्यक्ष श्री @JPNadda ने निम्नलिखित केंद्रीय पदाधिकारियों के नामों की घोषणा की है- pic.twitter.com/0aaArxHF30
— BJP (@BJP4India) July 29, 2023
സംഘടന ചുമതലയുള്ള ബി എൽ സന്തോഷിന്‍റെ പേരും പട്ടികയിൽ ഉണ്ട്. ഉത്തർപ്രദേശിൽ നിന്നുള്ള എംഎൽസിയും അലിഗഡ് മുസ്‌ലിം സർവകലാശാല മുൻ വൈസ് ചാൻസലറുമായ താരിക് മൻസൂറിനെ ബിജെപി ദേശീയ ഉപാധ്യക്ഷനായി നിയമിച്ചു. ദേശീയ ജനറൽ സെക്രട്ടറി പട്ടികയിൽ ലക്ഷ്‌മികാന്ത് ബാജ്‌പേയി അടക്കം ഇടം പിടിച്ചപ്പോൾ കർണാടകയിൽ നിന്നുള്ള സി ടി രവിയേയും അസമിൽ നിന്നുള്ള ദിലീപ് സൈകിയേയും പട്ടികയിൽ നിന്ന് ഒഴിവാക്കി. ഇവർ 2024 ലെ ലോക്‌സഭ തെരഞ്ഞെടുപ്പിൽ മത്സരിച്ചേക്കുമെന്നാണ് വൃത്തങ്ങൾ അറിയിക്കുന്നത്.
Also Read : 25 വർഷത്തിനകം ഇന്ത്യ വികസിത രാജ്യമാകും; യുവം പ്രസംഗത്തിൽ പിഴവ് പറ്റിയെന്ന് അനിൽ ആന്‍റണി
രാജേഷ് അഗർവാളിനെ ട്രഷററായും നരേഷ് ബൻസാലിനെ അസിസ്റ്റന്‍റ് ട്രഷററായും ചുമതലയേൽപ്പിച്ചിട്ടുണ്ട്. ഭൂരിഭാഗം ഭാരവാഹികളെയും വൈസ് പ്രസിഡന്‍റുമാരായും ജനറൽ സെക്രട്ടറിമാരായും സെക്രട്ടറിമാരായും നിലനിർത്തി കൊണ്ടുള്ളതാണ് പുതിയ പട്ടിക. ഈ വർഷം ഏപ്രിൽ ആറിനാണ് അനിൽ ആന്‍റണി കോൺഗ്രസ് വിട്ട് ബിജെപിയിൽ ചേർന്നത്. അതേസമയം, ഇന്നലെ (28.7,23) പാർട്ടി അധ്യക്ഷൻ ജെ പി നദ്ദ പാർട്ടി ദേശീയ ജനറൽ സെക്രട്ടറിമാരുമായി യോഗം ചേർന്നിരുന്നു.
തെരഞ്ഞെടുപ്പുകളെ നേരിടാൻ സജ്ജമായി ബിജെപി : വരാനിരിക്കുന്ന ലോക്‌സഭ തെരഞ്ഞെടുപ്പ്, ജനസമ്പർക്ക പരിപാടികൾ, ഈ വർഷം നടക്കാനിരിക്കുന്ന നിയമസഭ തെരഞ്ഞെടുപ്പുകൾ എന്നിവയുൾപ്പെടെ നിർണായക വിഷയങ്ങളാണ് യോഗം ചർച്ച ചെയ്‌തത്. തെരഞ്ഞെടുപ്പുകളെ നേരിടാൻ പാർട്ടി സ്വീകരിക്കേണ്ട രൂപ രേഖയും തന്ത്രങ്ങളും ചർച്ചയിൽ ഉൾപ്പെടുത്തിയിരുന്നു. തെരഞ്ഞെടുപ്പിന് മുന്നോടിയായി ജനങ്ങളിൽ ബിജെപിയുടെ സാന്നിധ്യം വർധിപ്പിക്കാനാണ് പാർട്ടി ലക്ഷ്യമിടുന്നത്.
