നാൽഗൊണ്ട : തെലങ്കാനയിലെ നാൽഗൊണ്ടയിൽ ഹെലികോപ്റ്റർ തകർന്നു വീണ് രണ്ട് മരണം. പരിശീലനം നടത്തുകയായിരുന്ന സിംഗിൾ സീറ്റർ ചോപ്പറാണ് അപകടത്തിൽപെട്ടത്. ചോപ്പറിലുണ്ടായ വുമൺ പൈലറ്റായ മഹിമയും ട്രെയിനി പൈലറ്റുമാണ് കൊല്ലപ്പെട്ടത്. പൈലറ്റ് മഹിമ തമിഴ്‌നാട് സ്വദേശിയാണെന്ന് നാൽഗൊണ്ട എസ്‌ പി രമ രാജേശ്വരി പറഞ്ഞു.
അപകടത്തെ തുടർന്ന് പ്രദേശത്ത് കടുത്ത പുക പടർന്നിരുന്നു. ശബ്‌ദം കേട്ട് പ്രദേശവാസികളാണ് ആദ്യം സംഭവ സ്ഥലത്തെത്തിയത്. തുടർന്ന് അധികൃതരെ വിവരമറിയിക്കുകയായിരുന്നു. പൊലീസും റവന്യൂ അധികൃതരും മെഡിക്കൽ സംഘവും സ്ഥലത്തെത്തി.
നാഗാർജുനസാഗറിലെ വിജയപുരി സൗത്ത് ഏവിയേഷൻ അക്കാദമിയിലെ ഹെലികോപ്റ്ററാണ് അപകടത്തിൽപെട്ടത്. ചോപ്പർ നാഗാർജുനസാഗറിൽ നിന്ന് ഹൈദരാബാദ് ഭാഗത്തേക്കാണ് പോയിരുന്നതെന്ന് ദൃക്‌സാക്ഷി പറഞ്ഞു.
ALSO READ: ഭാഗിക നിയന്ത്രണത്തില്‍ തിരിച്ചടിച്ച് മെറ്റ ; റഷ്യന്‍ മാധ്യമങ്ങള്‍ക്കുള്ള പരസ്യങ്ങള്‍ക്ക് നിരോധനം
