ന്യൂഡല്‍ഹി: രാജ്യത്ത് കൊവിഡ്‌ വ്യാപനം കുറയുന്നു. തുടര്‍ച്ചയായ രണ്ടാം ദിവസവും രാജ്യത്ത് കൊവിഡ്‌ കേസുകളുടെ എണ്ണം ഇരുപതിനായിരത്തില്‍ താഴെയാണ് റിപ്പോര്ട്ട് ചെയ്‌തത്.
കഴിഞ്ഞ 24 മണിക്കൂറിനിടെ രാജ്യത്ത് 18,870 പുതിയ കൊവിഡ്‌ കേസുകള്‍ റിപ്പോര്ട്ട് ചെയ്‌തു. 194 ദിവസത്തില്‍ റിപ്പോര്ട്ട് ചെയ്യുന്ന ഏറ്റവും കുറഞ്ഞ എണ്ണമാണിത്. 378 പേര്‍ കൊവിഡ്‌ ബാധിച്ച് മരിച്ചു. ഇതോടെ രാജ്യത്ത് നിലവില്‍ കൊവിഡ്‌ ചികിത്സയിലുള്ളവരുടെ എണ്ണം 2,82,520 ആയതായി കേന്ദ്ര ആരോഗ്യ മന്ത്രാലയം അറിയിച്ചു.
ഇതുവരെ രാജ്യത്ത് 3,37,16,451 പേര്‍ക്ക് രോഗം സ്ഥിരീകരിച്ചു. 4,47,751 പേര്‍ ഇതുവരെ കൊവിഡ്‌ ബാധിച്ചു മരിച്ചു. 97.83 ശതമാനമാണ് രോഗമുക്തി നിരക്ക്.
