ലാഹുൽ സ്പിതിയിലെ മണ്ണിടിച്ചിൽ; റോഡിൽ കുടുങ്ങിയ യാത്രക്കാരെ രക്ഷപ്പെടുത്തി

ബുധനാഴ്ച മുതൽ തുടരുന്ന മഴയിലാണ് ലാഹുൽ സ്പിതിയിൽ മണ്ണിടിച്ചിലുണ്ടായത്

ഷിംല: ബുധനാഴ്ച മുതൽ തുടരുന്ന മഴയിൽ ലാഹുൽ സ്പിതിയിൽ മണ്ണിടിച്ചിൽ. ബരാലച്ചക്ക് സമീപം മണാലി-ലേ റോഡിൽ ഉണ്ടായ മണ്ണിടിച്ചിലിൽ ഗതാഗതം പൂർണമായും തടസപ്പെട്ടു. മണ്ണിടിച്ചിലിനെ തുടർന്ന് ദേശീയപാത 505ൽ അഞ്ച് കുട്ടികൾ ഉൾപ്പെടെ മുപ്പതോളം യാത്രക്കാർ കുടുങ്ങി. ഇവരെ രക്ഷപെടുത്തി പിഡബ്ല്യുഡി ഗസ്റ്റ് ഹൗസിലും അടുത്തുള്ള ഹോട്ടലുകളിലുമായി താമസിപ്പിച്ചിരിക്കുന്നു.

റോഡിലെ ഗതാഗത തടസം നീക്കം ചെയ്യാനായി ബോർഡർ റോഡ്‌സ് ഓർഗനൈസേഷൻ സംഘം സംഭവസ്ഥലത്ത് എത്തിയതായി പൊലീസ് പറഞ്ഞു. പ്രദേശത്ത് പുനരുദ്ധാരണ പ്രവർത്തനങ്ങൾ നടന്നുവരുന്നു.