വിശാഖപട്ടണം (ആന്ധ്രാപ്രദേശ്) : ആന്ധ്രാപ്രദേശിലെ വിശാഖപട്ടണത്ത് 850 കോടി രൂപ വിലമതിക്കുന്ന 2 ലക്ഷം കിലോ കഞ്ചാവ് നശിപ്പിച്ച് പൊലീസ്. വിശാഖപട്ടണം ജില്ലയിലെ അനകപള്ളി കൊഡൂരിലാണ് 2 ലക്ഷം കിലോ കഞ്ചാവ് ആന്ധ്രാപ്രദേശ് പൊലീസ് കൂട്ടിയിട്ട് കത്തിച്ചത്.
ഡിജിപി ഗൗതം സവാങ്ങിന്‍റെ സാന്നിധ്യത്തിലാണ് കഞ്ചാവ് കത്തിച്ചത്. കഴിഞ്ഞ രണ്ട് വര്‍ഷത്തിനിടെ ഓപ്പറേഷന്‍ പരിവര്‍ത്തനിലൂടെ നോര്‍ത്ത് ആന്ധ്രാപ്രദേശിലെ വിവിധ ജില്ലകളില്‍ നിന്നായി പിടിച്ചെടുത്തതാണിത്.
2 ലക്ഷം കിലോ കഞ്ചാവ് കൂട്ടിയിട്ട് കത്തിക്കുന്നതിന്‍റെ ദൃശ്യങ്ങള്‍
ഓപ്പറേഷന്‍ പരിവര്ത്തന് കീഴില്‍ 1,363 കേസുകളാണ് ഇതുവരെ രജിസ്റ്റര്‍ ചെയ്‌തിരിക്കുന്നത്.1,500 ഓളം പേര്‍ അറസ്റ്റിലായി. കഴിഞ്ഞ 15 മാസത്തിനിടെ 8,500 ഏക്കറിലുള്ള കഞ്ചാവ് ചെടികള്‍ പൊലീസ് കണ്ടെത്തി നശിപ്പിച്ചിരുന്നു.
Also read: സമ്പർക് ക്രാന്തി എക്‌സ്പ്രസിന്‍റെ പാൻട്രി കാറിൽ ജീവനക്കാരൻ യുവതിയെ പീഡിപ്പിച്ചു
