ಸಿಎಂ ಸಿದ್ದರಾಮಯ್ಯ, ಡಿಕೆ ಶಿವಕುಮಾರ್​​ ಹಾಡಿ ಹೊಗಳಿದ ಶಾಸಕರು, ಸಚಿವರು

ಕಾರವಾರ: ಗ್ಯಾರಂಟಿ ಯೋಜನೆಗಳ ಸಮಾವೇಶದಲ್ಲಿ ಕಲಾವಿದರೊಂದಿಗೆ ಸೇರಿ ಶಾಸಕ ಸತೀಶ್ ಸೈಲ್ ಅವರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪ‌ ಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ ಅವರನ್ನು ಹಾಡಿ ಹೊಗಳಿದ್ದಾರೆ. "ಸಿದ್ದರಾಮಣ್ಣ ನಿಮ್ಮ‌ ಪಂಚ ಗ್ಯಾರಂಟಿ ವರ್ಣಿಸಲಿ ಹೇಗೆ?.. ಭಾಗ್ಯದ ಸರದಾರ ನಿಮಗೆ ಸರಿಸಾಟಿ ಉಂಟೇ" ಹಾಡು ಎಲ್ಲರ ಗಮನ ಸೆಳೆಯಿತು.

ಜಿಲ್ಲಾ ಮಟ್ಟದ ಗ್ಯಾರಂಟಿ ಯೋಜನೆ ಕಾರ್ಯಕ್ರಮದಲ್ಲಿ ಶಾಸಕ ಸತೀಸ್ ಸೈಲ್ ಅವರು ಕಲಾವಿದರಾದ ಪುರುಷೋತ್ತಮ ಗೌಡ ಅವರು ರಚಿಸಿದ ಹಾಡಿಗೆ ಧ್ವನಿಗೂಡಿಸಿ ಹಾಡು ಹಾಡಿದರು. "ಸಿದ್ದರಾಮಣ್ಣ ನಿಮ್ಮ ಪಂಚ ಗ್ಯಾರಂಟಿ ವರ್ಣಿಸಲಿ ಹೇಗೆ...?" "ಭಾಗ್ಯದ ಸರದಾರ ನಿಮಗೆ ಸರಿಸಾಟಿ ಉಂಟೆ.." ಎಂದು ಹಾಡಿದರು. 

ಹಾಡಿನಿಂದ ಆಕರ್ಷಿತರಾದ ಸಚಿವ ಮಾಂಕಾಳು ವೈದ್ಯ, ಶಾಸಕ ಭೀಮಣ್ಣ ನಾಯ್ಕ್ ಕೂಡ ಸೈಲ್ ಆಹ್ವಾನದ ಮೇರೆಗೆ ಜತೆಗೂಡಿ ಕಾಂಗ್ರೆಸ್ ಗ್ಯಾರಂಟಿ ಯೋಜನೆಯ ಹಾಡು ಹಾಡಿ ಗಮನ ಸೆಳೆದರು. ಇನ್ನು ಹಾಡು ಹಾಡುತ್ತಿರುವ ಮಧ್ಯದಲ್ಲಿಯೇ ಕೆಲ ಹೊತ್ತು ಮೈಕ್ ಕೈ ಕೊಟ್ಟಿತ್ತು. ಮೈಕ್ ಸರಿಪಡಿಸಿದ ಬಳಿಕ ಮತ್ತೆ ಹಾಡು ಮುಂದುವರಿಸಿದ ಸಚಿವರು ಹಾಗೂ ಶಾಸಕರು ಎಲ್ಲರ ಗಮನ ಸೆಳೆದರು.

ಓದಿ: ಮೈಸೂರು - ಕೊಡಗು ಜನ ನಿಮ್ಮನ್ನು ಹೆಚ್ಚು ಅಂತರದಿಂದ ಗೆಲ್ಲಿಸುತ್ತಾರೆ: ಯದುವೀರ್​ಗೆ ಸಾ ರಾ ಮಹೇಶ್ ಭರವಸೆ