Tri Fold Smartphone: ಸದ್ಯ ಮಾರುಕಟ್ಟೆಯಲ್ಲಿ ಮಡಚಬಹುದಾದ ಮೊಬೈಲ್ ಫೋನ್ಗಳಿಗೆ ಒಳ್ಳೆಯ ಕ್ರೇಜ್ ಇದೆ. ಇದರೊಂದಿಗೆ ಹಲವು ಕಂಪನಿಗಳು ಈ ಮಾದರಿಯ ಸ್ಮಾರ್ಟ್ ಫೋನ್ಗಳತ್ತ ಗಮನ ಹರಿಸಿವೆ. ಇವುಗಳನ್ನು ಗ್ರಾಹಕರ ಆಸಕ್ತಿ ಮತ್ತು ಅಭಿರುಚಿಗೆ ಅನುಗುಣವಾಗಿ ವಿನ್ಯಾಸಗೊಳಿಸಲಾಗಿದ್ದು, ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಲಾಗಿದೆ. ಈ ಹಿನ್ನೆಲೆ ಹುವಾವೇ ತನ್ನ ಮೊದಲ ಟ್ರೈ-ಫೋಲ್ಡಬಲ್ ಸ್ಮಾರ್ಟ್‌ಫೋನ್ ಅನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
Huawei Mate XT ಎಂಬ ಹೆಸರಿನಲ್ಲಿ ಈ ಸ್ಮಾರ್ಟ್‌ಫೋನ್ ಬಿಡುಗಡೆಯಾಗಲಿದೆ ಎಂದು ಕಂಪನಿಯ ಸಿಇಒ ರಿಚರ್ಡ್ ಹೇಳಿದ್ದಾರೆ. ಆದರೆ ಟೆಕ್ನೋ ಕಂಪನಿ ಈಗಾಗಲೇ ಈ ವಿಭಾಗದಲ್ಲಿ ಮೊಬೈಲ್ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಆದರೆ, ಯಾವಾಗ ರಿಲೀಸ್ ಆಗಲಿದೆ ಎಂಬ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ. ಇದರೊಂದಿಗೆ Huawei ವಿಶ್ವದ ಮೊದಲ ಟ್ರೈ-ಫೋಲ್ಡಬಲ್ ಫೋನ್ ಅನ್ನು ಬಿಡುಗಡೆ ಮಾಡಿದ ಕಂಪನಿಯಾಗಲಿದೆ. ಈ ಹಿನ್ನೆಲೆಯಲ್ಲಿ ಯಾವಾಗ ಲಾಂಚ್ ಆಗಲಿದೆ ಮತ್ತು ಬೆಲೆ ಹಾಗೂ ವೈಶಿಷ್ಟ್ಯಗಳ ಮಾಹಿತಿ ಇಲ್ಲಿದೆ..
Huawei’s new phone! Ok, MateXT is like an art and looks sooooooo futuristic! #HuaweiLaunch #phone #Huawei #华为三折叠 pic.twitter.com/gJsoSdxKmk
— ChitChat China🇨🇳🇺🇸 (@ChitChatChina) September 4, 2024
Huawei ಟ್ರೈ ಫೋಲ್ಡ್ ಸ್ಮಾರ್ಟ್‌ಫೋನ್ ಯಾವಾಗ ಬಿಡುಗಡೆ?:
- ಹುವಾವೇ ತನ್ನ ಮೊದಲ ಟ್ರೈ-ಫೋಲ್ಡಬಲ್ ಫೋನ್ ಅನ್ನು ತರುವುದಾಗಿ ಘೋಷಿಸಿದೆ.
- ಇದನ್ನು Huawei Mate XT ಎಂಬ ಹೆಸರಿನಲ್ಲಿ ಬಿಡುಗಡೆ ಮಾಡಲಾಗುತ್ತದೆ.
- ಸೆಪ್ಟೆಂಬರ್ 10 ರಂದು ಚೀನಾದ ಮಾರುಕಟ್ಟೆಯಲ್ಲಿ ಅನಾವರಣಗೊಳ್ಳಲಿದೆ ಎಂದು Huawei ಸ್ಪಷ್ಟಪಡಿಸಿದೆ.
Huawei Mate XT Features:
- ಎರಡು ಇನ್ವರ್ಡ್ ಸ್ಕ್ರೀನ್
- ಒನ್ ಔಟ್ವರ್ಡ್ ಸ್ಕ್ರೀನ್ ಡ್ಯುಯಲ್ ಹಿಂಜ್ ಮೆಕಾನಿಜಮ್
- ಬೆಲೆ: 3,35,000 ರೂ.ಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ ಎಂದು ಮಾರುಕಟ್ಟೆ ಮೂಲಗಳು ಅಂದಾಜಿಸುತ್ತಿವೆ.
- ಫೋನ್ ಮಾರುಕಟ್ಟೆಗೆ ಬಂದ ಮೇಲೆ ಇನ್ನಷ್ಟು ವೈಶಿಷ್ಟ್ಯಗಳು ಬಹಿರಂಗಗೊಳ್ಳಲಿದೆ.
ಟೆಕ್ನೋ ಟ್ರೈ ಫೋಲ್ಡ್ ಮೊಬೈಲ್ ಯಾವಾಗ ಬಿಡುಗಡೆ?:
- ಫೆಬ್ರವರಿಯಲ್ಲಿ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ 2024 (MWC 2024) ನಲ್ಲಿ ಟೆಕ್ನೋ ಕಂಪನಿಯು ಈ ಟ್ರೈ-ಫೋಲ್ಡ್ ಪರಿಕಲ್ಪನೆಯನ್ನು ಮೊದಲು ಘೋಷಿಸಿತು.
- ಇತ್ತೀಚೆಗೆ ಐಎಫ್‌ಎ ಬರ್ಲಿನ್‌ನಲ್ಲಿ ನಡೆದ ಕೈಗಾರಿಕಾ ಸಮಾರಂಭದಲ್ಲಿ ಇದು ತನ್ನ ಮೊದಲ ಲುಕ್ಅನ್ನು ಬಿಡುಗಡೆ ಮಾಡಿತು.
- ಆದರೆ, ಮಾರುಕಟ್ಟೆಗೆ ಯಾವಾಗ ಬಿಡುಗಡೆಯಾಗಲಿದೆ ಎಂಬುದು ಇನ್ನೂ ಬಹಿರಂಗವಾಗಿಲ್ಲ.
- ಮುಂದಿನ ವರ್ಷದ ಅಂತ್ಯದ ವೇಳೆಗೆ ಟೆಕ್ನೋ ಟ್ರೈಫೋಲ್ಡ್ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಟೆಕ್ ತಜ್ಞರು ಭವಿಷ್ಯ ನುಡಿದಿದ್ದಾರೆ.
- ಚೀನಾದ Huawei ಕೂಡ ಟೆಕ್ನೋಗಿಂತ ಮೊದಲು ಈ ರೀತಿಯ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡುವ ದಿನಾಂಕವನ್ನು ಅಂತಿಮಗೊಳಿಸಿದೆ.
