How To Apply PAN card: ಈಗ ಯಾವುದೇ ಹಣಕಾಸು ವ್ಯವಹಾರ ನಡೆಸಲು ಪ್ಯಾನ್‌ಕಾರ್ಡ್‌ ಅತೀ ಮುಖ್ಯವಾಗಿದೆ. ಅಷ್ಟೇ ಅಲ್ಲ ನೀವು ತೆರಿಗೆದಾರರಾಗಿದ್ರೆ ತೆರಿಗೆ ಪಾವತಿ ಹಾಗೂ ವಿನಾಯಿತಿ ವಿಚಾರಕ್ಕೂ ಈ ಪ್ಯಾನ್‌ಕಾರ್ಡ್‌ ಅವಶ್ಯಕ. ನಿಮಗಿನ್ನು ಪ್ಯಾನ್ ನಂಬರ್‌ ಸಿಕ್ಕಿಲ್ಲ ಅಂದ್ರೆ ಇಂದೇ ಆನ್‌ಲೈನ್‌ನಲ್ಲೇ ಅರ್ಜಿ ಸಲ್ಲಿಸಿ, ನಿಮ್ಮ ಪ್ಯಾನ್ ಕಾರ್ಡ್ ಪಡೆಯಿರಿ. ಆನ್‌ಲೈನ್‌ ಅಪ್ಲಿಕೇಷನ್‌ ಹಾಕೋದು ಹೇಗೆ ಎಂಬುದು ತಿಳಿದುಕೊಳ್ಳೊಣಾ ಬನ್ನಿ..
ಭೌತಿಕ ಪ್ಯಾನ್ ಕಾರ್ಡ್ ಪಡೆಯಲು ಎರಡು ಮಾರ್ಗಗಳಿವೆ. ನೀವು NSDL ಅಥವಾ UTIITSL ವೆಬ್‌ಸೈಟ್ ಮೂಲಕ ಅನ್ವಯವಾಗುವ ಶುಲ್ಕವನ್ನು ಪಾವತಿಸಿ ಅರ್ಜಿ ಸಲ್ಲಿಸಬಹುದು. ಇಂದು ಎನ್ಎಸ್ಡಿಎಲ್ ಮೂಲಕ ಯಾವರೀತಿ ಅರ್ಜಿ ಸಲ್ಲಿಸಬೇಕು ಎಂಬುದು ತಿಳಿಯೋಣಾ ಬನ್ನಿ..
ಎನ್‌ಎಸ್‌ಡಿಎಲ್‌ನ ಆದಾಯ ತೆರಿಗೆ ಪ್ಯಾನ್ ಸೇವೆಗಳ ಘಟಕದ ಮೂಲಕ ಪ್ಯಾನ್‌ಗೆ ಅರ್ಜಿ ಸಲ್ಲಿಸಲು ಅರ್ಜಿದಾರರಿಗೆ ಸರ್ಕಾರ ಅವಕಾಶ ಕಲ್ಪಿಸಿದೆ. ಆನ್‌ಲೈನ್‌ನಲ್ಲಿ ಪ್ಯಾನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸಲು ಈ ಸುಲಭ ಮಾರ್ಗಗಳನ್ನು ಅನುಸರಿಸಿ..
ಹಂತ 1: ಹೊಸ ಪ್ಯಾನ್‌ಗಾಗಿ ಅರ್ಜಿ ಸಲ್ಲಿಸಲು NSDL ವೆಬ್‌ಸೈಟ್ https://www.onlineservices.nsdl.com/paam/endUserRegisterContact.html ಗೆ ಭೇಟಿ ನೀಡಿ..
ಹಂತ 2: ಅಪ್ಲಿಕೇಶನ್ ಪ್ರಕಾರವನ್ನು ಆಯ್ಕೆಮಾಡಿ. ಭಾರತೀಯ ನಾಗರಿಕರು, ವಿದೇಶಿ ನಾಗರಿಕರಿಗೆ ಹೊಸ ಪ್ಯಾನ್ ಅಥವಾ ಅಸ್ತಿತ್ವದಲ್ಲಿರುವ ಪ್ಯಾನ್ ಡೇಟಾದಲ್ಲಿ ಬದಲಾವಣೆ/ಅಪ್‌ಡೇಟ್ ಮಾಡಿಕೊಳ್ಳಬಹುದು..
ಹಂತ 3: ನಿಮ್ಮ ಕೆಟಗೆರಿ ಆಯ್ಕೆಮಾಡಿ - ವೈಯಕ್ತಿಕ, ಟ್ರಸ್ಟ್, ಸಂಸ್ಥೆ, ಇತ್ಯಾದಿ..
ಹಂತ 4: ಹೆಸರು, ಹುಟ್ಟಿದ ದಿನಾಂಕ, ಇಮೇಲ್ ಐಡಿ ಮತ್ತು ನಿಮ್ಮ ಮೊಬೈಲ್ ಸಂಖ್ಯೆಯಂತಹ ಅಗತ್ಯವಿರುವ ಎಲ್ಲಾ ಮಾಹಿತಿಯನ್ನು PAN ಫಾರ್ಮ್‌ನಲ್ಲಿ ಭರ್ತಿ ಮಾಡಿ.
ಹಂತ 5: ಒಮ್ಮೆ ನೀವು ಫಾರ್ಮ್ ಅನ್ನು ಸಲ್ಲಿಸಿದರೆ, ಮುಂದಿನ ಹಂತಗಳ ಕುರಿತು ನೀವು ಸಂದೇಶವನ್ನು ಸ್ವೀಕರಿಸುತ್ತೀರಿ
ಹಂತ 6: "Continue with the PAN Application Form" ಬಟನ್ ಕ್ಲಿಕ್ ಮಾಡಿ
ಹಂತ 7: ನಿಮ್ಮ ಡಿಜಿಟಲ್ ಇ-ಕೆವೈಸಿ ಅನ್ನು ನೀವು ಸಲ್ಲಿಸಬೇಕು..
ಹಂತ 8: ಈಗ ನಿಮಗೆ ಭೌತಿಕ PAN ಕಾರ್ಡ್ ಬೇಕೇ ಅಥವಾ ಬೇಡವೇ ಎಂಬುದನ್ನು ಆಯ್ಕೆ ಮಾಡಿ. ಬಳಿಕ ನಿಮ್ಮ ಆಧಾರ್ ಸಂಖ್ಯೆಯ ಕೊನೆಯ 4 ಅಂಕಿಗಳನ್ನು ನಮೂದಿಸಿ.
ಹಂತ 9: ಈಗ ಫಾರ್ಮ್‌ನ ಮುಂದಿನ ಭಾಗದಲ್ಲಿ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನಮೂದಿಸಿ.. ನಂತರ ನಿಮ್ಮ ಸಂಪರ್ಕ ಮತ್ತು ಇತರ ಮಾಹಿತಿಯನ್ನು ನಮೂದಿಸಿ
ಹಂತ 10: ಇದಾದ ಬಳಿಕ ಫಾರ್ಮ್‌ನ ಈ ಭಾಗದಲ್ಲಿ ನಿಮ್ಮ ಪ್ರದೇಶ ಕೋಡ್ ಮತ್ತು ಇತರ ಮಾಹಿತಿಯನ್ನು ನಮೂದಿಸಿ.
ಹಂತ 11: ಫಾರ್ಮ್‌ನ ಕೊನೆಯ ಭಾಗವು ಡಾಕ್ಯುಮೆಂಟ್ ಸಲ್ಲಿಕೆ ಮತ್ತು ಘೋಷಣೆ ಸಲ್ಲಿಸಿ..
ಹಂತ 12: PAN ಕಾರ್ಡ್ ಅರ್ಜಿಯನ್ನು ಸಲ್ಲಿಸಿ. ತಿದ್ದುಪಡಿಗಳನ್ನು ಮಾಡಲು ನಿಮ್ಮ ಸಂಪೂರ್ಣ ಫಾರ್ಮ್ ಅನ್ನು ನೀವು ಪರಿಶೀಲಿಸಬೇಕು.
ಹಂತ 13: ನೀವು ಭರ್ತಿ ಮಾಡಿರುವ ಅರ್ಜಿಯಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲು ಬಯಸದಿದ್ದರೆ "Proceed" ಬಟನ್ ಮೇಲೆ ಕ್ಲಿಕ್ ಮಾಡಿ.
ಹಂತ 14: ಮುಂದೆ ನೀವು "payment" ವಿಭಾಗಕ್ಕೆ ಭೇಟಿ ನೀಡುತ್ತೀರಿ. ಅಲ್ಲಿ ನೀವು ಡಿಮ್ಯಾಂಡ್ ಡ್ರಾಫ್ಟ್ ಮೂಲಕ ಅಥವಾ ನೆಟ್ ಬ್ಯಾಂಕಿಂಗ್/ಡೆಬಿಟ್/ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿ ಮಾಡಬೇಕು..
ಹಂತ 15: ಒಮ್ಮೆ ಪಾವತಿ ಮಾಡಿದ ನಂತರ, ಪಾವತಿ ಸ್ಲಿಪ್ ಅನ್ನು ಬರುತ್ತದೆ. ಈಗ Continue ಕ್ಲಿಕ್ ಮಾಡಿ
ಹಂತ 16: ಈಗ ಆಧಾರ್ ದೃಢೀಕರಣಕ್ಕಾಗಿ, ಘೋಷಣೆಯ ಟಿಕ್ ಮಾರ್ಕ್ ಮೇಲೆ ಕ್ಲಿಕ್ ಮಾಡಿ..
ಹಂತ 17: "Continue with e-KYC" ಮೇಲೆ ಕ್ಲಿಕ್ ಮಾಡಿ ಮತ್ತು ಆಧಾರ್‌ಗೆ ಲಿಂಕ್ ಮಾಡಲಾದ ನಿಮ್ಮ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ.
ಹಂತ 18: OTP ಅನ್ನು ನಮೂದಿಸಿ ಮತ್ತು ಫಾರ್ಮ್ ಅನ್ನು ಸಲ್ಲಿಸಿ..
ಹಂತ 19: “Continue with e-Sign” ಮೇಲೆ ಕ್ಲಿಕ್ ಮಾಡಿ ಮತ್ತು ನಿಮ್ಮ 12 ಅಂಕಿಗಳ ಆಧಾರ್ ಸಂಖ್ಯೆಯನ್ನು ನಮೂದಿಸಿ. ನಿಮ್ಮ ಆಧಾರ್‌ಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ.
ಹಂತ 20: OTP ಅನ್ನು ನಮೂದಿಸಿ ಮತ್ತು ಅರ್ಜಿಯನ್ನು ಸಲ್ಲಿಸುವ ಮೂಲಕ ಸ್ವೀಕೃತಿ ಚೀಟಿಯನ್ನು ಪಡೆಯಿರಿ. ಸ್ವೀಕೃತಿ ಸ್ಲಿಪ್ PDF ನಲ್ಲಿರುತ್ತದೆ. ಅದರ ಪಾಸ್‌ವರ್ಡ್ DDMMYYYY ಫಾರ್ಮ್ಯಾಟ್‌ನಲ್ಲಿ ನಿಮ್ಮ ಜನ್ಮ ದಿನಾಂಕವಾಗಿರುತ್ತದೆ.
ಈ ರೀತಿ ನೀವು NSDL ಮೂಲಕ ಭೌತಿಕವಾಗಿ ಪ್ಯಾನ್ ಕಾರ್ಡ್ಗಾಗಿ ಅರ್ಜಿ ಸಲ್ಲಿಸಬಹುದಾಗಿದೆ.
ಓದಿ: ಉಚಿತ ಇ-ಪ್ಯಾನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವುದು ಹೇಗೆ ಗೊತ್ತೇ? ಇಲ್ಲಿದೆ ಸುಲಭ ವಿಧಾನ - Free e PAN Card
