ಬಾಹ್ಯಾಕಾಶ ಡಾಕಿಂಗ್​ ಪ್ರಯೋಗ: ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸಿ, ಯಶಸ್ವಿಯಾಗಿ ಬೇರ್ಪಡಿಸಿದ ಇಸ್ರೋ

ಆಗಸದಲ್ಲಿ ಆಲಿಂಗನ (ಡಾಕಿಂಗ್​) ಯೋಜನೆಯ ಮೊದಲ ಹಂತವನ್ನು ಇಸ್ರೋ ಯಶಸ್ವಿಯಾಗಿ ದಾಟಿದೆ.

ಶ್ರೀಹರಿಕೋಟಾ (ಆಂಧ್ರಪ್ರದೇಶ) : ಬಾಹ್ಯಾಕಾಶದಲ್ಲಿ ಎರಡು ಉಪಗ್ರಹಗಳನ್ನು ಜೋಡಿಸುವ (ಡಾಕಿಂಗ್​​) ಸಾಹಸದ ಮೊದಲ ಹೆಜ್ಜೆಯನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಯಶಸ್ವಿಯಾಗಿ ಮುಂದಡಿ ಇಟ್ಟಿತು. ಡಾಕಿಂಗ್​ ನಡೆಸುವ ಎರಡು ಉಪಗ್ರಹಗಳನ್ನು ಪಿಎಸ್​​ಎಲ್​​ವಿ-ಸಿ60 ನೌಕೆಯು ಸೋಮವಾರ ರಾತ್ರಿ ಕಕ್ಷೆಗೆ ಸೇರಿಸಿತು.

ಉಪಗ್ರಹಗಳು ನಿಗದಿತ ಕಕ್ಷೆಗೆ ಸೇರಿವೆ. ಇನ್ನು ಕೆಲವೇ ದಿನಗಳಲ್ಲಿ ಡಾಕಿಂಗ್​ ಪ್ರಯೋಗವನ್ನು ನಡೆಸಲಾಗುವುದು ಎಂದು ಯೋಜನೆಯ ನಿರ್ದೇಶಕ ಎಂ. ಜಯಕುಮಾರ್ ಅವರು ತಿಳಿಸಿದರು.

🎉 SpaDeX Deployed! 🛰️

Successful separation of SpaDeX satellites marks another milestone in India’s space journey.

🎥 Watch live: https://t.co/D1T5YDD2OT

📖 More info: https://t.co/jQEnGi3W2d#ISRO #SpaDeX 🚀

📍 @DrJitendraSingh

— ISRO (@isro) December 30, 2024

ಆಂಧ್ರಪ್ರದೇಶದ ಶ್ರೀಹರಿಕೋಟಾ ಉಡ್ಡಯನ ಕೇಂದ್ರದಿಂದ ಪಿಎಸ್​​ಎಲ್​​ವಿ-ಸಿ60 ನೌಕೆಯು ತಲಾ 220 ಕೆಜಿ ತೂಕ ಇರುವ 'ಟಾರ್ಗೆಟ್'​ ಮತ್ತು 'ಚೇಸರ್'​ ಉಪಗ್ರಹಗಳನ್ನು ಹೊತ್ತು ಆಗಸಕ್ಕೆ ಹಾರಿತು. ಅಪೇಕ್ಷಿತ ಕಕ್ಷೆಯಲ್ಲಿ ಅವುಗಳು ಪ್ರಯಾಣ ಬೆಳೆಸಿವೆ ಎಂದು ಇಸ್ರೋ ಅಧ್ಯಕ್ಷ ಡಾ. ಎಸ್​. ಸೋಮನಾಥ್​ ಅವರು ಹೇಳಿದರು.

ಏನಿದು ಡಾಕಿಂಗ್​ ಪ್ರಯೋಗ: ಬಾಹ್ಯಾಕಾಶದಲ್ಲಿ ಎರಡು ಉಪಗ್ರಹಗಳನ್ನು ಜೋಡಿಸುವ ಪ್ರಕ್ರಿಯೆಯನ್ನು ಡಾಕಿಂಗ್​ ಎನ್ನುತ್ತಾರೆ. ಅಂದರೆ, ಕಕ್ಷೆಯಲ್ಲಿರುವ ಪ್ರತ್ಯೇಕ ಉಪಗ್ರಹಗಳನ್ನು ಯಾವುದೇ ನೌಕೆಗಳಿಲ್ಲದೇ, ಪರಸ್ಪರ ಜೋಡಿಸುವ ಕ್ಷಿಷ್ಟಕರ ವಿಧಾನವಾಗಿದೆ. ಉಪಗ್ರಹಗಳು ಸಂಧಿಸಲು ಸೆನ್ಸಾರ್​ಗಳನ್ನ ಬಳಸಲಾಗುತ್ತದೆ.

🚀 LIFTOFF! 🌠

PSLV-C60 successfully launches SpaDeX and 24 payloads.

Stay tuned for updates!

🎥 Watch live: https://t.co/D1T5YDD2OT

📖 More info: https://t.co/jQEnGi3W2d#ISRO #SpaDeX

📍 @DrJitendraSingh

— ISRO (@isro) December 30, 2024

ವಿಶ್ವದಲ್ಲಿಯೇ ಡಾಕಿಂಗ್​ ತಂತ್ರಜ್ಞಾನ ಹೊಂದಿರುವ ಮೂರು ರಾಷ್ಟ್ರಗಳಿವೆ. ಚೀನಾ, ಅಮೆರಿಕ ಮತ್ತು ರಷ್ಯಾಗಳು ಮಾತ್ರ ಬಾಹ್ಯಾಕಾಶದಲ್ಲಿ ಉಪಗ್ರಹಗಳನ್ನು ಜೋಡಿಸುವ ತಾಂತ್ರಿಕಶಕ್ತಿ ಹೊಂದಿವೆ. ಭಾರತ ಉಡ್ಡಯನ ಮಾಡಿರುವ ಈ 'ಸ್ಪೇಸ್​ ಡಾಕಿಂಗ್​ ಎಕ್ಸಪರಿಮೆಂಟ್​​' (ಸ್ಪಾಡೆಕ್ಸ್​​) ಯಶಸ್ವಿಯಾದಲ್ಲಿ ವಿಶ್ವದ ನಾಲ್ಕನೇ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.

ಡಾಕಿಂಗ್​​ನ ಪ್ರಯೋಜನೆಗಳೇನು? 2035 ರ ವೇಳೆಗೆ ಇಸ್ರೋ ತನ್ನದೇ ಆದ ಬಾಹ್ಯಾಕಾಶ ನಿಲ್ದಾಣವನ್ನು ಸ್ಥಾಪಿಸುವ ಗುರಿ ಹೊಂದಿದೆ. ಅದರ ಮುನ್ನುಡಿ ಎಂಬಂತೆ ಮುಂದಿನ ಕೆಲವೇ ದಿನಗಳಲ್ಲಿ ನಡೆಯಲಿರುವ ಈ ಡಾಕಿಂಗ್​​ ಪ್ರಯೋಗವಾಗಿದೆ. ಉಪಗ್ರಹಗಳನ್ನು ಜೋಡಿಸುವಲ್ಲಿ ಯಶಸ್ವಿಯಾದರೆ, ಆ ನಿಲ್ದಾಣಕ್ಕೆ ಗಗನಯಾತ್ರಿಗಳನ್ನು ಕಳುಹಿಸುವ, ಮರಳಿ ತರುವ, ಉಪಕರಣಗಳನ್ನು ಕಳುಹಿಸಿ ಡಾಕಿಂಗ್​​, ಅನ್​ಡಾಕಿಂಗ್​ ಮಾಡುವ ಪರಿಣತಿ ಪಡೆಯಲಿದೆ.

ಜೊತೆಗೆ ಮಾನವಸಹಿತ ಅಂತರಿಕ್ಷಯಾನ, ಚಂದ್ರನ ಅಂಗಳಕ್ಕೆ ಮನುಷ್ಯರನ್ನು ಕಳುಹಿಸಿ, ಅಲ್ಲಿಂದ ಮತ್ತೆ ಅಲ್ಲಿಂದ ವಾಪಸ್ ಕರೆತರುವುದಕ್ಕೆ ಈ ತಂತ್ರಜ್ಞಾನ ಮಹತ್ವದ್ದಾಗಿದೆ.

ಇದನ್ನೂ ಓದಿ: ಆಗಸದಲ್ಲಿ ಆಲಿಂಗನ ಪ್ರಕ್ರಿಯೆಗೆ ಕ್ಷಣಗಣನೆ ಶುರು, ಇಲ್ಲಿದೆ ಇಸ್ರೋದ ಸ್ಪ್ಯಾಡೆಕ್ಸ್ ಮಿಷನ್​ನ ಇಂಚಿಂಚು ಮಾಹಿತಿ!