Apple iPhone: ಆ್ಯಪಲ್ ಕಂಪನಿ ತನ್ನ ಐಫೋನ್ 15 ಪ್ರೋ, ಐಫೋನ್ 15 ಪ್ರೋ ಮ್ಯಾಕ್ಸ್ ಮತ್ತು ಐಫೋನ್ 13 ಫೋನ್ಗಳ ಉತ್ಪಾದನೆಯನ್ನು ಸ್ಥಗಿತಗೊಳಿಸಿದೆ. ಅಷ್ಟೇ ಅಲ್ಲದೇ, ಆ್ಯಪಲ್ ಸ್ಟೋರ್‌ಗಳಿಂದಲೂ ಇವುಗಳನ್ನು ತೆಗೆದುಹಾಕಲು ನಿರ್ಧರಿಸಿದೆ. ಆದರೆ ಈಗಾಗಲೇ ಉಪಯೋಗಿಸುತ್ತಿರುವ ಈ ಮಾಡೆಲ್ಗಳ ಭವಿಷ್ಯದ ಅಪ್ಡೇಟ್ಗಳು ಲಭ್ಯವಿವೆ.
ಐಫೋನ್ 16 ಸೀರಿಸ್ ಮಾರುಕಟ್ಟೆಗೆ ಬಂದಿರುವ ಕಾರಣ ಕಂಪನಿ ಕೆಲ ಹಳೆಯ ಮಾಡೆಲ್ಗಳ ಬೆಲೆ ತಗ್ಗಿಸಿತ್ತು. ಬೆಲೆ ಇಳಿಸಿದ ನಂತರ ಹಳೆಯ ಐಫೋನ್ ಮಾದರಿಗಳನ್ನು ಖರೀದಿಸಲು ಯೋಜಿಸುತ್ತಿದ್ದ ಆ್ಯಪಲ್‌ಪ್ರಿಯರಿಗೆ ಇದೀಗ ಕಂಪನಿಯ ನಿರ್ಧಾರದಿಂದ ನಿರಾಸೆಯಾಗಿದೆ.
ಹಾಗಾಗಿ, ಇನ್ನುಮುಂದೆ ಬಳಕೆದಾರರು ಐಫೋನ್ 14, ಐಫೋನ್ 14 ಪ್ಲಸ್, ಐಫೋನ್ 15, ಐಫೋನ್ 15 ಪ್ಲಸ್, ಐಫೋನ್ 16 ಮತ್ತು ಐಫೋನ್ 16 ಪ್ರೋ ಮಾತ್ರ ಖರೀದಿಸಬಹುದಾಗಿದೆ. ವೆಬ್ಸೈಟ್ನಿಂದ ತೆಗೆದುಹಾಕಿರುವ ಐಫೋನ್‌ಗಳು ಸರ್ವೀಸ್, ಸೆಕ್ಯೂರಿಟಿ ಅಪ್ಡೇಟ್ ಮತ್ತು ಒಎಸ್ ಅಪ್ಡೇಟ್ ಪಡೆಯುವುದನ್ನು ಮುಂದುವರಿಸುತ್ತವೆ ಎಂದು ತಿಳಿಸಲಾಗಿದೆ.
ವೆಬ್ಸೈಟ್ನಿಂದ ತೆಗೆದುಹಾಕಿರುವ ಐಫೋನ್‌ಗಳನ್ನು ಆಫ್‌ಲೈನ್ ಮತ್ತು ಆನ್‌ಲೈನ್ ಮಾರುಕಟ್ಟೆಯಿಂದ ಖರೀದಿಸಬಹುದು. ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಾದ ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್ ಪ್ರಸ್ತುತ ಐಫೋನ್‌ಗಳಲ್ಲಿ ಗ್ರಾಹಕರಿಗೆ ಬಂಪರ್ ರಿಯಾಯಿತಿಗಳನ್ನು ಒದಗಿಸಬಹುದು. ಪ್ರಸ್ತುತ, ನೀವು ಐಫೋನ್ 13 ಮತ್ತು ಐಫೋನ್ ಸಿರೀಸ್ಗಳಲ್ಲಿ ಆಫ್‌ಲೈನ್ ಮತ್ತು ಆನ್‌ಲೈನ್‌ನಲ್ಲಿ ಉತ್ತಮ ಆಫರ್ಗಳನ್ನು ಪಡೆಯಬಹುದು.
ಇದನ್ನೂ ಓದಿ: ಭಾರತದ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಶೇಕಡ 7-8ರಷ್ಟು ಏರಿಕೆ ಕಾಣಲಿದೆ: ವರದಿ
