LPG Gas Cylinder Safety Precautions: ಪ್ರಸ್ತುತ, ಎಲ್ಪಿಜಿ ಗ್ಯಾಸ್ ಸಿಲಿಂಡರ್‌ಗಳ ಬಳಕೆ ಹೆಚ್ಚಾಗಿದೆ. ಪ್ರತಿ ಮನೆಯಲ್ಲೂ ಗ್ಯಾಸ್ ಸಿಲಿಂಡರ್ ಇದೆ. ಆದರೆ ಕೆಲವೊಮ್ಮೆ ಅಡುಗೆ ಮಾಡುವಾಗ ಭಾರಿ ಗ್ಯಾಸ್ ಸಿಲಿಂಡರ್ ಬ್ಲಾಸ್ಟ್ ಆಗುತ್ತಿರುತ್ತವೆ. ಅಂತಹ ಸಮಯದಲ್ಲಿ ಏನು ಮಾಡಬೇಕೆಂದು ತಿಳಿಯದೆ ಮಹಿಳೆಯರು ತುಂಬಾ ಭಯಪಡುತ್ತಾರೆ. ಆದರೆ ಗ್ಯಾಸ್ ಸಿಲಿಂಡರ್ ಬಳಸುವಾಗ ಕೆಲವು ಮುಂಜಾಗ್ರತೆ ವಹಿಸಿದರೆ ಅಪಘಾತಗಳನ್ನು ತಪ್ಪಿಸಬಹುದಾಗಿದೆ. ಅದು ಯಾವರೀತಿ ಎಂಬುದು ತಿಳಿಯೋಣಾ ಬನ್ನಿ..
ಸುರಕ್ಷತಾ ಕ್ರಮಗಳು:
- ISI ಗುರುತು ಇರುವ LPG ಗ್ಯಾಸ್ ಸಿಲಿಂಡರ್‌ಗಳನ್ನು ಮಾತ್ರ ಬಳಸಬೇಕು. ಗ್ಯಾಸ್ ಸಿಲಿಂಡರ್ ವಿತರಣೆಯ ಸಮಯದಲ್ಲಿ, ಸಿಲಿಂಡರ್ ಸೀಲ್ ಸರಿಯಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸಿ.
- ಬಳಕೆಗೆ ಮುನ್ನ LPG ಸಿಲಿಂಡರ್ ಸೋರಿಕೆಯ ಬಗ್ಗೆ ಮೊದಲು ಗಮನಹರಿಸಿ. ಸಿಲಿಂಡರ್ ಅನ್ನು ಯಾವಾಗಲೂ ಗಾಳಿ ಇರುವ ಪ್ರದೇಶದಲ್ಲಿ ಇಡಬೇಕು.
- ಗ್ಯಾಸ್ ಸಿಲಿಂಡರ್ ಇರುವ ಕೋಣೆಯಲ್ಲಿ ಗ್ಯಾಸ್ ಡಿಟೆಕ್ಟರ್ ಅಳವಡಿಸುವುದು ಉತ್ತಮ. ಸಿಲಿಂಡರ್ ನಿಂದ ಗ್ಯಾಸ್ ಲೀಕೇಜ್ ಆಗಿದ್ದರೆ ಅದು ನಿಮಗೆ ಎಚ್ಚರಿಕೆ ನೀಡುತ್ತದೆ.
- ಗ್ಯಾಸ್ ಸೋರಿಕೆಯನ್ನು ತಡೆಗಟ್ಟಲು LPG ಸ್ಟೌವ್ ಮತ್ತು ಸಂಪರ್ಕಗಳನ್ನು ನಿಯಮಿತವಾಗಿ ಪರೀಕ್ಷಿಸಿ ಮತ್ತು ನಿರ್ವಹಿಸಿ.
- ಅಡುಗೆ ಮಾಡಿದ ತಕ್ಷಣ ಅನಿಲ ಪೂರೈಕೆಯನ್ನು ಆಫ್ ಮಾಡಿ. ಹಾಗೆಯೇ ಹೊರಗೆ ಹೋಗುವಾಗ ರಾತ್ರಿ ಮಲಗುವ ಮುನ್ನ ಗ್ಯಾಸ್ ಆಫ್ ಆಗಿದೆಯೇ ಎಂದು ಪರೀಕ್ಷಿಸಿಕೊಳ್ಳುವುದು ಉತ್ತಮ.
- ಗ್ಯಾಸ್ ಸೋರಿಕೆಯನ್ನು ತಪ್ಪಿಸಲು LPG ಸ್ಟೌವ್ ಮತ್ತು ಸಂಪರ್ಕಗಳನ್ನು ನಿಯಮಿತವಾಗಿ ಪರಿಶೀಲಿಸಬೇಕು. ಅಡುಗೆ ಮನೆ ಮತ್ತು ಎಲ್ಪಿಜಿ ಸಿಲಿಂಡರ್‌ನಿಂದ ಮಕ್ಕಳನ್ನು ಯಾವಾಗಲೂ ದೂರವಿಡಿ.
- ಆಕಸ್ಮಿಕ ಅನಿಲ ಸೋರಿಕೆಯ ಸಂದರ್ಭದಲ್ಲಿ ಕಿಟಕಿಗಳನ್ನು ತೆರೆಯಿರಿ. LPG ಪೂರೈಕೆದಾರ ಅಥವಾ ತುರ್ತು ಸೇವೆಗಳನ್ನು ಸಂಪರ್ಕಿಸಿ.
ಡೆಲಿವೆರಿ ಚಾರ್ಜ್ ಇಲ್ಲ:
- ಮನೆಗೆ ತಲುಪಿಸುವ ಎಲ್ಪಿಜಿ ಸಿಲಿಂಡರ್‌ಗಳಿಗೆ ವಿತರಣಾ ಶುಲ್ಕವನ್ನು ಪಾವತಿಸುವ ಅಗತ್ಯವಿಲ್ಲ. ಇದನ್ನು ಎಚ್‌ಪಿಸಿಎಲ್ ಸ್ಪಷ್ಟಪಡಿಸಿದೆ.
- ನೆಲ ಮಹಡಿ ಆಗಲಿ, ಅಪಾರ್ಟ್‌ಮೆಂಟ್‌ಗಳಾಗಲಿ.. ಗ್ರಾಹಕರ ಮನೆಯವರೆಗೆ ಗ್ಯಾಸ್ ತಲುಪಿಸುವುದು ಗ್ಯಾಸ್ ಸಿಬ್ಬಂದಿಯ ಕರ್ತವ್ಯವಾಗಿದೆ.
- ವಿತರಣಾ ವ್ಯಕ್ತಿಯು ಹೆಚ್ಚುವರಿ ಶುಲ್ಕಗಳನ್ನು ಕೇಳಿದರೆ ಪಾವತಿಯನ್ನು ನಿರಾಕರಿಸುವ ಹಕ್ಕನ್ನು ಗ್ರಾಹಕರು ಹೊಂದಿರುತ್ತಾರೆ.
- ಹೈದರಾಬಾದಿನ ಕರೀಂ ಅನ್ಸಾರಿ ಎಂಬ ವ್ಯಕ್ತಿ ಈ ವಿಷಯವಾಗಿ ಎಚ್‌ಪಿಸಿಎಲ್ ವಿರುದ್ಧ ಆರ್‌ಟಿಐ ಅರ್ಜಿ ಸಲ್ಲಿಸಿದ್ದರು.
- ಈ ಕುರಿತು ಪ್ರತಿಕ್ರಿಯಿಸಿರುವ ಎಚ್‌ಪಿಸಿಎಲ್, ಸಿಲಿಂಡರ್ ವಿತರಣೆಗೆ ಗ್ರಾಹಕರು ಹೆಚ್ಚುವರಿ ಶುಲ್ಕ ಪಾವತಿಸಬೇಕಾಗಿಲ್ಲ ಎಂದು ಸ್ಪಷ್ಟಪಡಿಸಿದೆ.
ಓದಿ: ಎಲ್ಪಿಜಿ ಸಿಲಿಂಡರ್ ಬಗ್ಗೆ ನೀವು ತಿಳಿದಿರಲೇಬೇಕಾದ 10 ಸಂಗತಿಗಳಿವು - Facts About LPG
