ನವದೆಹಲಿ: ಮೈಕ್ರೋಸಾಫ್ಟ್ ಮಂಗಳವಾರ ತನ್ನ ಹೊಸ ಕೋಪೈಲೆಟ್+ ಪಿಸಿಗಳಾದ ಸರ್ಫೇಸ್ ಲ್ಯಾಪ್ ಟಾಪ್ ಮತ್ತು ಸರ್ಫೇಸ್ ಪ್ರೊ ಕಂಪ್ಯೂಟರ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿರುವುದಾಗಿ ಘೋಷಿಸಿದೆ. ಇವು ಎಐ ಯುಗಕ್ಕಾಗಿ ವಿನ್ಯಾಸಗೊಳಿಸಲಾದ ಅತ್ಯಂತ ವೇಗದ ವಿಂಡೋಸ್ ಪಿಸಿಗಳಾಗಿವೆ.
ಈ ಲ್ಯಾಪ್ ಟಾಪ್ಗಳು ನಾಲ್ಕು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದ್ದು, Microsoft ಡಾಟ್ com ಮತ್ತು ಮೈಕ್ರೋಸಾಫ್ಟ್ ಎಕ್ಸ್ ಪೀರಿಯನ್ಸ್ ಸೆಂಟರ್ನಲ್ಲಿ ಇವುಗಳನ್ನು ಖರೀದಿಸಬಹುದಾಗಿದೆ. ಇವು 999 ಡಾಲರ್ ಅಂದಾಜು ಆರಂಭಿಕ ಚಿಲ್ಲರೆ ಬೆಲೆಯಲ್ಲಿ ಲಭ್ಯವಾಗಲಿವೆ ಎಂದು ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ.
ಏನೆಲ್ಲಾ ವಿಶೇಷತೆಗಳು ಹಾಗೂ ಬೆಲೆ ಎಷ್ಟು? : 64 ಜಿಬಿ ರ್‍ಯಾಮ್ ಹೊಂದಿರುವ 64 ಜಿಬಿ ಸರ್ಫೇಸ್ ಲ್ಯಾಪ್ ಟಾಪ್ (7 ನೇ ಆವೃತ್ತಿ) 13.8 ಇಂಚಿನ ಡಿಸ್ ಪ್ಲೇ, ಸ್ನ್ಯಾಪ್ ಡ್ರಾಗನ್ ಎಕ್ಸ್ ಎಲೈಟ್ (12 ಕೋರ್) ಪ್ರೊಸೆಸರ್ ಮತ್ತು 1 ಟಿಬಿ ಎಸ್ಎಸ್ಡಿ ಸ್ಟೋರೇಜ್ನೊಂದಿಗೆ ಕಪ್ಪು ಬಣ್ಣದ ಆವೃತ್ತಿಯ ಬೆಲೆ 2,399.99 ಡಾಲರ್ನಿಂದ ಪ್ರಾರಂಭವಾಗುತ್ತದೆ.
ಹಾಗೆಯೇ, 64 ಜಿಬಿ ರ್‍ಯಾಮ್ ಹೊಂದಿರುವ 15 ಇಂಚಿನ ಸರ್ಫೇಸ್ ಲ್ಯಾಪ್ ಟಾಪ್ (7 ನೇ ಆವೃತ್ತಿ) ಸ್ನ್ಯಾಪ್ ಡ್ರಾಗನ್ ಎಕ್ಸ್ ಎಲೈಟ್ (12 ಕೋರ್) ಪ್ರೊಸೆಸರ್ ಮತ್ತು 1 ಟಿಬಿ ಎಸ್ಎಸ್ಡಿ ಸ್ಟೋರೇಜ್ನೊಂದಿಗೆ ಕಪ್ಪು ಬಣ್ಣದ ಆವೃತ್ತಿಯ ಬೆಲೆ 2,499.99 ಡಾಲರ್ನಿಂದ ಪ್ರಾರಂಭವಾಗುತ್ತದೆ.
"ಇಂದು ಕೋಪೈಲೆಟ್+ ಪಿಸಿಗಳ ಬಿಡುಗಡೆಯೊಂದಿಗೆ ವಿಂಡೋಸ್ನ ಹೊಸ ಯುಗ ಆರಂಭವಾಗಿದೆ. ಈ ಹೊಸ ಎಐ ಚಾಲಿತ ಸಾಧನಗಳು ಜನರನ್ನು ಹೆಚ್ಚು ಉತ್ಪಾದಕ ಮತ್ತು ಸೃಜನಶೀಲವಾಗಿರುವಂತೆ ಸಶಕ್ತಗೊಳಿಸುತ್ತವೆ" ಎಂದು ಮೈಕ್ರೋಸಾಫ್ಟ್ ಅಧ್ಯಕ್ಷ ಮತ್ತು ಸಿಇಒ ಸತ್ಯ ನಾಡೆಲ್ಲಾ ಹೇಳಿದ್ದಾರೆ.
ಹೆಚ್ಚು ಬ್ಯಾಟರಿ ಬಾಳಿಕೆ: ಹೊಸ ಸರ್ಫೇಸ್ ಲ್ಯಾಪ್ಟಾಪ್ ಮತ್ತು ಸರ್ಫೇಸ್ ಪ್ರೊ ಸ್ನ್ಯಾಪ್ ಡ್ರಾಗನ್ ಎಕ್ಸ್ ಸರಣಿ ಪ್ರೊಸೆಸರ್ಗಳೊಂದಿಗೆ ಹಿಂದೆಂದಿಗಿಂತಲೂ ಹೆಚ್ಚು ಶಕ್ತಿಯುತವಾಗಿದೆ. ಹೊಸ ಎಐ ಅನುಭವಗಳಿಗಾಗಿ ಶಕ್ತಿಯುತ ನ್ಯೂರಲ್ ಪ್ರೊಸೆಸಿಂಗ್ ಯುನಿಟ್ (ಎನ್ಪಿಯು) ನೊಂದಿಗೆ ವೇಗದ ಕಾರ್ಯಕ್ಷಮತೆ ಮತ್ತು ಇಡೀ ದಿನದ ಬ್ಯಾಟರಿ ಬಾಳಿಕೆಯನ್ನು ಒದಗಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
ಸಣ್ಣ ಭಾಷಾ ಮಾದರಿಗಳ (ಎಸ್ಎಲ್ಎಂಗಳು) ಸಂಯೋಜನೆಯಲ್ಲಿ ಅಜುರ್ ಕ್ಲೌಡ್ನಲ್ಲಿ ಕೆಲಸ ಮಾಡುವ, ದೊಡ್ಡ ಭಾಷಾ ಮಾದರಿಗಳೊಂದಿಗೆ (ಎಲ್ಎಲ್ಎಂಗಳು) ಸಂಪರ್ಕ ಹೊಂದಿದ ಮತ್ತು ವರ್ಧಿಸಿದ ಕೋಪೈಲಟ್+ ಪಿಸಿಗಳು ಈಗ ಹಿಂದೆಂದೂ ಕಾಣದ ಮಟ್ಟದ ಕಾರ್ಯಕ್ಷಮತೆಯನ್ನು ಸಾಧಿಸಬಹುದು.
"ಎಐ ಕೆಲಸದ ಹೊರೆಯನ್ನು ನಿಭಾಯಿಸಲು ಮತ್ತು ಅತ್ಯಧಿಕ ವೇಗದಿಂದ ಕೆಲಸ ಮಾಡಲು ಅವು 20 ಪಟ್ಟು ಹೆಚ್ಚು ಶಕ್ತಿಯುತ ಮತ್ತು 100 ಪಟ್ಟು ದಕ್ಷವಾಗಿವೆ" ಎಂದು ಕಂಪನಿ ತಿಳಿಸಿದೆ.
ಇದನ್ನೂ ಓದಿ : 2,500 ವರ್ಷಗಳ ಹಿಂದೆ ಭೂಕಂಪದಿಂದ ಗಂಗಾ ನದಿ ದಿಕ್ಕು ಬದಲಾಗಿತ್ತು: ಅಧ್ಯಯನ ವರದಿ - Ganga River
