100ನೇ ಉಡಾವಣೆಗೆ ನಾವು ಸಜ್ಜಾಗಿದ್ದೇವೆ: ಸ್ಪ್ಯಾಡೆಕ್ಸ್ ರಾಕೆಟ್​ ಯಶಸ್ವಿ ಬಳಿಕ ಇಸ್ರೋ ಅಧ್ಯಕ್ಷ​ ಹೇಳಿದ್ದು ಹೀಗೆ

ISRO Chief Reaction: ಇಸ್ರೋ ಮುಖ್ಯಸ್ಥ ಎಸ್ ಸೋಮನಾಥ್ ಅವರು ಮುಂದಿನ ವರ್ಷದ ಕೆಲವೊಂದು ಮಿಷನ್​ಗಳ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ISRO Chief Reaction: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಜನವರಿ 2025 ರಲ್ಲಿ ಜಿಯೋಸಿಂಕ್ರೋನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (ಜಿಎಸ್ಎಲ್ವಿ) ನಲ್ಲಿ ಎನ್ವಿಎಸ್-02 ಉಪಗ್ರಹ ಉಡಾವಣೆ ಮಾಡಲು ತಯಾರಿ ನಡೆಸುತ್ತಿದೆ. ಇಸ್ರೋ ಮುಖ್ಯಸ್ಥ ಎಸ್ ಸೋಮನಾಥ್ ಅವರು ಮುಂದಿನ ವರ್ಷಕ್ಕೆ ಯೋಜಿಸಲಾದ ಹಲವಾರು ಕಾರ್ಯಾಚರಣೆಗಳಲ್ಲಿ ಈ ಮಿಷನ್ ಒಂದಾಗಿದೆ. ಸ್ಪಡೆಕ್ಸ್ ಮತ್ತು ಇತರ ಪೇಲೋಡ್‌ಗಳನ್ನು ಹೊತ್ತೊಯ್ದ ಪಿಎಸ್‌ಎಲ್‌ವಿ - ಸಿ60 ಯಶಸ್ವಿ ಉಡಾವಣೆ ಬಳಿಕ ಸೋಮನಾಥ್ ಈ ಘೋಷಣೆ ಮಾಡಿದ್ದಾರೆ.

ಮೇ 29, 2023 ರಂದು GSLV-F12 ರಾಕೆಟ್ NVS-01 ಉಪಗ್ರಹವನ್ನು ಜಿಯೋಸಿಂಕ್ರೊನಸ್ ಟ್ರಾನ್ಸ್‌ಫರ್ ಆರ್ಬಿಟ್ (GTO) ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ. NVS-01 ಉಪಗ್ರಹವು ಸ್ಥಳೀಯ ಪರಮಾಣು ಗಡಿಯಾರವನ್ನು ಹೊಂದಿದೆ. ಇದು ಭಾರತೀಯ ನಕ್ಷತ್ರಪುಂಜದೊಂದಿಗೆ (NAVIC) ನ್ಯಾವಿಗೇಷನ್ ಸಾಮರ್ಥ್ಯ ಹೆಚ್ಚಿಸುತ್ತದೆ. ಇದು ವ್ಯಾಪಕ ಸೇವಾ ವ್ಯಾಪ್ತಿಗಾಗಿ L1 ಬ್ಯಾಂಡ್ ಸಿಗ್ನಲ್ ಅನ್ನು ಒಳಗೊಂಡಿದೆ. NVS-02 ಮಿಷನ್ ಈ ಪ್ರಗತಿಯನ್ನು ಮುಂದುವರೆಸುವ ನಿರೀಕ್ಷೆಯಿದೆ. ಸುಧಾರಿತ ವೈಶಿಷ್ಟ್ಯಗಳೊಂದಿಗೆ NAVIC ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸುತ್ತದೆ ಎಂದು ಇಸ್ರೋ ಮುಖ್ಯಸ್ಥ ಸೋಮನಾಥ್ ಹೇಳಿದ್ದಾರೆ

ಚಂದ್ರಯಾನ-4 ಮಿಷನ್: ಈ ಸಂದರ್ಭದಲ್ಲಿ, ಇಸ್ರೋ ಮುಖ್ಯಸ್ಥರು ಚಂದ್ರಯಾನ - 4 ಮಿಷನ್ ಬಗ್ಗೆ ಮಾಹಿತಿ ನೀಡಿದರು. ಇದು ವಿವಿಧ ಮಾಡ್ಯೂಲ್‌ಗಳನ್ನು ಒಳಗೊಂಡಿದೆ. ಇದನ್ನು ವಿವಿಧ ಸಮಯಗಳಲ್ಲಿ ಉಡಾವಣೆ ಮಾಡಲಾಗುತ್ತದೆ ಮತ್ತು ಎರಡು ವಿಭಿನ್ನ ಮಾಡ್ಯೂಲ್‌ಗಳಾಗಿ ಸಂಯೋಜಿಸಲಾಗುತ್ತದೆ. ಈ ಮಾಡ್ಯೂಲ್‌ಗಳು ಕಕ್ಷೆಯನ್ನು ತಲುಪಬೇಕು ಮತ್ತು ನಂತರ ಭೂಮಿಯ ಕಕ್ಷೆ ಮತ್ತು ಚಂದ್ರನ ಕಕ್ಷೆ ಎರಡರಲ್ಲೂ ಡಾಕ್ ಮಾಡಬೇಕಾಗುತ್ತದೆ ಎಂದು ಅವರು ಹೇಳಿದರು.

ಜನವರಿ 7 ರೊಳಗೆ ಡಾಕಿಂಗ್​ ಪೂರ್ಣ: ಚಂದ್ರಯಾನ-4ರ ಗುರಿ ಚಂದ್ರನ ಮೇಲೆ ಇಳಿದು ಯಶಸ್ವಿಯಾಗಿ ಮರಳುವುದು. ಅಂತಿಮ ಡಾಕಿಂಗ್ ಪ್ರಕ್ರಿಯೆಯು ಜನವರಿ 7, 2025 ರ ಸುಮಾರಿಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಇದು ಚಂದ್ರಯಾನ - 4 ರ ಪರೀಕ್ಷಾ ತಾಣವಾಗಿದೆ. ಡಾಕಿಂಗ್ ಪ್ರಕ್ರಿಯೆ ಮಂಗಳವಾರದಿಂದ ಪ್ರಾರಂಭವಾಗುತ್ತದೆ ಮತ್ತು ಹಲವಾರು ಕಾರ್ಯವಿಧಾನಗಳು ನಡೆಯುತ್ತವೆ. ಆದರೆ, ಅಂತಿಮ ಡಾಕಿಂಗ್ ಬಹುಶಃ ಜನವರಿ 7 ರೊಳಗೆ ಸಂಭವಿಸುತ್ತದೆ ಎಂದು ಇಸ್ರೋ ಮುಖ್ಯಸ್ಥರು ತಿಳಿಸಿದ್ದಾರೆ.

100ನೇ ಉಡಾವಣೆಗೆ ಇಸ್ರೋ ಸಿದ್ಧತೆ: ಇಸ್ರೋದ 99ನೇ ಉಡಾವಣೆ ಬಗ್ಗೆ ಹೆಮ್ಮೆಪಟ್ಟ ಸೋಮನಾಥ್, ಇದೊಂದು ಮಹತ್ವದ ಮೈಲಿಗಲ್ಲಾಗಿದ್ದು, ಮುಂದಿನ ವರ್ಷ 100ನೇ ಉಡಾವಣೆಗೆ ಸಿದ್ಧತೆ ನಡೆಸಲಾಗುತ್ತಿದೆ ಎಂದರು. ಸೋಮವಾರ ರಾತ್ರಿ PSLV - C60 ಎರಡು ಸ್ಪ್ಯಾಡೆಕ್ಸ್ ಉಪಗ್ರಹಗಳನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಮಿಷನ್‌ನ ಯಶಸ್ಸಿನ ಬಗ್ಗೆ ಡಾ.ಜಿತೇಂದ್ರ ಸಿಂಗ್ ಸಂತಸ : ವಿಜ್ಞಾನ ಮತ್ತು ತಂತ್ರಜ್ಞಾನ ರಾಜ್ಯ ಸಚಿವ ಡಾ.ಜಿತೇಂದ್ರ ಸಿಂಗ್ ಈ ಮಿಷನ್ ಯಶಸ್ವಿಯಾಗಿರುವ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ಬಾಹ್ಯಾಕಾಶ ಡಾಕಿಂಗ್ ಮಾಡುವ ಆಯ್ದ ದೇಶಗಳಿಗೆ ಭಾರತ ಈಗ ಸೇರ್ಪಡೆಯಾಗಿದೆ. ಈ ಸಾಧನೆಯು ಭಾರತದ ಗುರಿಯಾದ 'ಸ್ವಾವಲಂಬಿ ಭಾರತ'ದತ್ತ ಮಹತ್ವದ ಹೆಜ್ಜೆಯಾಗಿದೆ. Spadax ಮಿಷನ್ ಬಾಹ್ಯಾಕಾಶದಲ್ಲಿ ಎರಡು ಉಪಗ್ರಹಗಳನ್ನು ಡಾಕ್ ಮಾಡುವ ಗುರಿಯನ್ನು ಹೊಂದಿದೆ. ಇದು ಭವಿಷ್ಯದ ಬಾಹ್ಯಾಕಾಶ ಕಾರ್ಯಾಚರಣೆಗಳಿಗೆ ಪ್ರಮುಖ ತಂತ್ರಜ್ಞಾನವಾಗಿದೆ ಎಂದು ಅವರು ಹೇಳಿದರು.

ಓದಿ: ಬಾಹ್ಯಾಕಾಶ ಡಾಕಿಂಗ್​ ಪ್ರಯೋಗ: ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸಿ, ಯಶಸ್ವಿಯಾಗಿ ಬೇರ್ಪಡಿಸಿದ ಇಸ್ರೋ