Google Launched Gemini Live: ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಗೂಗಲ್ ಹೊಸ ವೈಶಿಷ್ಟ್ಯ ಬಿಡುಗಡೆ ಮಾಡಿದೆ. AI ಚಾಟ್‌ಬಾಟ್ ಆಧಾರಿತ ದ್ವಿಮುಖ ಧ್ವನಿ ಚಾಟ್ ವೈಶಿಷ್ಟ್ಯ 'ಗೂಗಲ್ ಜೆಮಿನಿ ಲೈವ್' ಅನ್ನು ಪ್ರಾರಂಭಿಸಿದೆ. ಈ ವೈಶಿಷ್ಟ್ಯ ಬಳಸಿಕೊಂಡು ನೀವು ಟೈಪ್ ಮಾಡದೆಯೇ ಏನು ಬೇಕಾದರೂ ಮಾತನಾಡಬಹುದು. ಈ ಅಪ್ಲಿಕೇಶನ್ ಅನ್ನು ಗೂಗಲ್ ಪ್ಲೇ ಸ್ಟೋರ್‌ನಿಂದ ಡೌನ್‌ಲೋಡ್ ಮಾಡಬಹುದು. ಈ ವೈಶಿಷ್ಟ್ಯವೇನು? ಇದು ಹೇಗೆ ಉಪಯುಕ್ತವಾಗಿದೆ? ಅದನ್ನು ಡೌನ್‌ಲೋಡ್ ಮಾಡುವುದು ಹೇಗೆ ಎಂಬ ಇತ್ಯಾದಿ ವಿವರಗಳು ಇಲ್ಲಿವೆ.
ಜೆಮಿನಿ ಲೈವ್ ಫೀಚರ್ ಎಂದರೇನು?:
- ಜೆಮಿನಿ ಲೈವ್ ಎಂಬುದು Google AI ಚಾಟ್‌ಬಾಟ್ ಆಧಾರಿತ ದ್ವಿಮುಖ ಧ್ವನಿ ಚಾಟ್ ವೈಶಿಷ್ಟ್ಯವಾಗಿದೆ.
- ಈ ಹೊಸ ವೈಶಿಷ್ಟ್ಯವು ಈಗ ಎಲ್ಲಾ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಿದೆ.
- ಈ ವೈಶಿಷ್ಟ್ಯವನ್ನು Google One AI ಪ್ರೀಮಿಯಂ ಪ್ಲಾನ್ ಮೂಲಕ ಜೆಮಿನಿ ತನ್ನ ಬಳಕೆದಾರರಿಗೆ ಆರಂಭದಲ್ಲಿ ಜಾರಿಗೆ ತಂದಿತ್ತು
- ಆದರೆ ಈಗ ಕಂಪನಿಯು ಎಲ್ಲಾ ಬಳಕೆದಾರರಿಗೆ ಈ ಸೌಲಭ್ಯ ಲಭ್ಯವಾಗುವಂತೆ ಮಾಡಿದೆ.
- ಈ ವೈಶಿಷ್ಟ್ಯವು ಮೂಲ ಆವೃತ್ತಿಯಲ್ಲಿ ಮಾತ್ರ ಬಳಕೆದಾರರಿಗೆ ಲಭ್ಯವಿದೆ.
ಐಫೋನ್ ಬಳಕೆದಾರರಿಗೆ ಜೆಮಿನಿ ಸೌಲಭ್ಯ ಇಲ್ಲ:
- ಈ ಹೊಸ ಜೆಮಿನಿ ಲೈವ್ ವೈಶಿಷ್ಟ್ಯವು ಐಫೋನ್ ಬಳಕೆದಾರರಿಗೆ ಇಲ್ಲ.
- ಐಒಎಸ್‌ನಲ್ಲಿ ಜೆಮಿನಿ ಅಪ್ಲಿಕೇಶನ್ ಇನ್ನೂ ಲಭ್ಯವಿಲ್ಲ ಎಂದು ಐಫೋನ್ ಬಳಕೆದಾರರು ಗಮನಿಸಬೇಕು.
- ಹಾಗಾಗಿ ಜೆಮಿನಿ ಲೈವ್ ಫೀಚರ್ ಕೂಡ ಐಫೋನ್ ಬಳಕೆದಾರರಿಗೆ ಲಭ್ಯವಿಲ್ಲ.
ಜೆಮಿನಿ ಲೈವ್ ವೈಶಿಷ್ಟ್ಯ ಪ್ರಯೋಜನಗಳು:
- ಈ ಹೊಸ ವೈಶಿಷ್ಟ್ಯದೊಂದಿಗೆ ನೀವು ಟೈಪ್ ಮಾಡದೆಯೇ ಏನು ಬೇಕಾದರೂ ಮಾತನಾಡಬಹುದು.
- ಜೆಮಿನಿ ಮೌಖಿಕ ರೂಪದಲ್ಲಿ ನಮಗೆ ಉತ್ತರಿಸುತ್ತದೆ.
- ಆಲೋಚನೆಗಳನ್ನು ಸಹ ನೀಡುತ್ತದೆ: ಈವೆಂಟ್‌ಗಳ ಯೋಜನೆ, ವ್ಯವಹಾರ ಯೋಜನೆ, ನಿಮ್ಮ ಪ್ರೀತಿಪಾತ್ರರಿಗೆ ಯಾವ ರೀತಿಯ ಉಡುಗೊರೆಗಳು ಒಳ್ಳೆಯದು ಸೇರಿದಂತೆ ಇನ್ನಿತರ ವಿಷಯಗಳ ಬಗ್ಗೆ ಜೆಮಿನಿಯೊಂದಿಗೆ ಚರ್ಚಿಸುವುದರಿಂದ ನಿಮಗೆ ಒಳ್ಳೆಯ ವಿಚಾರಗಳನ್ನು ನೀಡುತ್ತದೆ.
- ಎಕ್ಸ್‌ಪ್ಲೋರ್: ನಿಮಗೆ ಆಸಕ್ತಿಯಿರುವ ವಿಷಯಗಳ ಕುರಿತು ಹೆಚ್ಚಿನ ವಿವರಗಳಿಗಾಗಿ ನೀವು ಜೆಮಿನಿಯನ್ನು ಕೇಳಬಹುದು.
- ಪೂರ್ವಾಭ್ಯಾಸ ಮಾಡಬಹುದು: ಹೆಚ್ಚು ನೈಸರ್ಗಿಕ, ಸಂವಾದಾತ್ಮಕ ರೀತಿಯಲ್ಲಿ ಪ್ರಮುಖ ಸಂದರ್ಭಗಳಲ್ಲಿ ಪೂರ್ವಾಭ್ಯಾಸ ಮಾಡಬಹುದಾಗಿದೆ
- ಈ ಜೆಮಿನಿ ಲೈವ್ ವೈಶಿಷ್ಟ್ಯವನ್ನು ಇಂಗ್ಲಿಷ್ ಭಾಷೆಯಲ್ಲಿ ಮಾತ್ರ ಆಂಡ್ರಾಯ್ಡ್ ಮೊಬೈಲ್ ಸಾಧನಗಳಲ್ಲಿ ಹಂತ ಹಂತವಾಗಿ ಬಿಡುಗಡೆ ಮಾಡಲಾಗುತ್ತಿದೆ. ಹಾಗಾಗಿ ಇದು ಇನ್ನೂ ನಿಮಗೆ ಲಭ್ಯವಾಗದೇ ಇರಬಹುದು.
ಜೆಮಿನಿ ಲೈವ್ ವೈಶಿಷ್ಟ್ಯವನ್ನು ಬಳಕೆ ಮಾಡಿಕೊಳ್ಳುವುದು ಹೇಗೆ?:
- ಜೆಮಿನಿ ಅಪ್ಲಿಕೇಶನ್ ಅನ್ನು ಆಂಡ್ರಾಯ್ಡ್ ಮೊಬೈಲ್ ಸಾಧನಗಳಲ್ಲಿ ಡೌನ್‌ಲೋಡ್ ಮಾಡಬೇಕು ಮತ್ತು ಇನ್ಸ್ಟಾಲ್ ಮಾಡಬೇಕು.
- ನಂತರ ಜೆಮಿನಿ ಅಪ್ಲಿಕೇಶನ್ ಓಪನ್ ಮಾಡಿ. ನೀವು ಸ್ಕ್ರೀನ್ ಕೆಳಗಿನ ಬಲಭಾಗದಲ್ಲಿ ವೇವ್ಫಾರ್ಮ್ ರೂಪದ ಐಕಾನ್ ನೋಡುತ್ತೀರಿ.
- ಅದರ ಮೇಲೆ ಕ್ಲಿಕ್ ಮಾಡುವುದರಿಂದ ಮೊದಲ ಬಾರಿಗೆ ಬಳಕೆದಾರರಿಗೆ ನಿಯಮಗಳು ಮತ್ತು ಷರತ್ತುಗಳ ಮೆನು ಬರುತ್ತದೆ. ಅದನ್ನು ಸ್ವೀಕರಿಸಿ.
- ಈಗ ನೀವು ಜೆಮಿನಿ ಲೈವ್ ಇಂಟರ್ಫೇಸ್ ನೋಡಬಹುದು.
- ಮತ್ತು ನೀವು ಈ ವೈಶಿಷ್ಟ್ಯದೊಂದಿಗೆ ನಿಮ್ಮ ಸಂಭಾಷಣೆಯನ್ನು ಮುಂದುವರಿಸಬಹುದು.
