ChatGPT In WhatsApp: ತಂತ್ರಜ್ಞಾನ ಬೆಳದಂತೆ ಎಲ್ಲ ಸೌಕರ್ಯವೂ ಎಲ್ಲರಿಗೂ ಸುಲಭವಾಗಿ ದೊರೆಯಲು ಕಂಪನಿಗಳು ಕಾರ್ಯ ನಿರ್ವಹಿಸುತ್ತಿವೆ. ಈಗ ಚಾಟ್ಜಿಪಿಟಿ ಅನ್ನು ವಾಟ್ಸ್ಆ್ಯಪ್ ಮತ್ತು ಲ್ಯಾಂಡ್ಲೈನ್ ಫೋನ್ಗಳಲ್ಲಿ ಬಳಸಬಹುದಾಗಿದೆ.
OpenAI ನ AI ಮಾಡೆಲ್ ChatGPT ಈ ವರ್ಷ ಬಹಳಷ್ಟು ಸುದ್ದಿ ಮಾಡಿದೆ. ಶಾಲಾ - ಕಾಲೇಜು, ಮನೆಕೆಲಸವಿರಲಿ ಅಥವಾ ಕಚೇರಿ ಕೆಲಸವಿರಲಿ ಎಲ್ಲೆಲ್ಲೂ ಚಾಟ್‌ಜಿಪಿಟಿಯ ಪ್ರಾಬಲ್ಯ ಎದ್ದು ಕಾಣುತ್ತಿದೆ. ಕೆಲವೇ ದಿನಗಳ ಹಿಂದೆ, ಆಪಲ್ ತನ್ನ ಇತ್ತೀಚಿನ ಅಪ್‌ಡೇಟ್‌ನಲ್ಲಿ ಐಫೋನ್ ಬಳಕೆದಾರರಿಗಾಗಿ ಚಾಟ್ಜಿಪಿಟಿ ಸಂಯೋಜಿಸಿತ್ತು. ಇದು ಸಾಮಾನ್ಯ ಜೀವನದಲ್ಲಿ ಎಷ್ಟು ಉಪಯುಕ್ತವಾಗಿದೆ ಎಂಬುದನ್ನು ತೋರಿಸುತ್ತದೆ. ಜನರು ಈಗ ಗೂಗಲ್ ಸರ್ಚ್ ಬದಲಿಗೆ ಚಾಟ್ಜಿಪಿಟಿ ಮೂಲಕ ತಮ್ಮ ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ. ಈಗ ಓಪನ್ಎಐ ತನ್ನ ಪ್ರವೇಶವನ್ನು ಸುಲಭಗೊಳಿಸಲು ದೊಡ್ಡ ಪ್ರಕಟಣೆಯೊಂದನ್ನು ಮಾಡಿದೆ.
ಲ್ಯಾಂಡ್ಲೈನ್ ಫೋನ್‌ನಲ್ಲಿ ಚಾಟ್ಜಿಪಿಟಿ!: OpenAI ಚಾಟ್ಜಿಪಿಟಿಯನ್ನು ಈಗ ವಾಟ್ಸ್ಆ್ಯಪ್ ಮತ್ತು ಲ್ಯಾಂಡ್ಲೈನ್ ಫೋನ್‌ಗಳಲ್ಲಿಯೂ ಬಳಸಬಹುದು ಎಂದು ಘೋಷಿಸಿದೆ. ಲ್ಯಾಂಡ್ಲೈನ್ ಫೋನ್‌ನಿಂದ 1-800-242-8478 ಡಯಲ್ ಮಾಡುವ ಮೂಲಕ ChatGPT ಪ್ರತಿ ತಿಂಗಳು 15 ನಿಮಿಷಗಳ ಕಾಲ ಬಳಸಬಹುದು ಎಂದು ಕಂಪನಿ ಹೇಳಿದೆ. ಇದಕ್ಕಾಗಿ ಯಾವುದೇ ರೀತಿಯ ಚಂದಾದಾರಿಕೆ ಯೋಜನೆಯನ್ನು ತೆಗೆದುಕೊಳ್ಳುವ ಅಥವಾ ಖಾತೆಯನ್ನು ರಚಿಸುವ ಅಗತ್ಯವಿಲ್ಲ. ಇಲ್ಲಿ ನೀವು ನೈಸರ್ಗಿಕ ಧ್ವನಿ ವಿನಿಮಯ ಅನುಭವವನ್ನು ಪಡೆಯುತ್ತೀರಿ. ಈ ಸೇವೆಯು ಪ್ರಸ್ತುತ ಅಮೆರಿಕ ಮತ್ತು ಕೆನಡಾದಲ್ಲಿ ಮಾತ್ರ ಪ್ರಾರಂಭವಾಗಿದೆ ಎಂಬುದನ್ನು ಗಮನಿಸಬೇಕಾದ ಅಂಶವಾಗಿದೆ. ಅಂದರೆ ಈ ಸೇವೆ ಇನ್ನು ಭಾರತಕ್ಕೆ ಕಾಲಿಟ್ಟಿಲ್ಲ.
ವಾಟ್ಸ್ಆ್ಯಪ್ಗಾಗಿ ಈ ವಿಧಾನ: ಮೆಟಾ ಎಐ ಅನ್ನು ಈಗಾಗಲೇ ವಾಟ್ಸ್ಆ್ಯಪ್ನಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದರ ಬಗ್ಗೆ ಗೊತ್ತೇ ಇದೆ. ಆದರೆ ಯಾರಾದರೂ ಚಾಟ್ಜಿಪಿಟಿಯನ್ನು ಬಳಸಲು ಬಯಸಿದರೆ ಅವರು 1-800-242-8478 ಸಂಖ್ಯೆಗೆ ಸಂದೇಶವನ್ನು ಕಳುಹಿಸಬೇಕಾಗುತ್ತದೆ. ಓಪನ್ಎಐನ ಅಪ್ಲಿಕೇಶನ್‌ನಂತೆ ಇಲ್ಲಿಯೂ ಚಾಟ್ಜಿಪಿಟಿ ಚಾಟ್‌ನಲ್ಲಿ ಕೇಳಲಾದ ಎಲ್ಲ ಪ್ರಶ್ನೆಗಳಿಗೆ ಉತ್ತರಿಸುತ್ತದೆ. ಆದರೂ ಯಾರಾದರೂ ಇಮೇಜ್ ಜನರೇಶನ್ ಮತ್ತು ವಾಯ್ಸ್ ಮೋಡ್‌ನಂತಹ ಸುಧಾರಿತ ವೈಶಿಷ್ಟ್ಯಗಳನ್ನು ಬಳಸಲು ಬಯಸಿದರೆ, ಅವರು ಅಧಿಕೃತ ಅಪ್ಲಿಕೇಶನ್ಗೆ ಭೇಟಿ ನೀಡಬೇಕು. ಈ ವೈಶಿಷ್ಟ್ಯಗಳು ವಾಟ್ಸ್ಆ್ಯಪ್ನಲ್ಲಿ ಲಭ್ಯವಿರುವುದಿಲ್ಲ. ಮುಂಬರುವ ಸಮಯದಲ್ಲಿ ಅದರ ಸುಧಾರಿತ ವೈಶಿಷ್ಟ್ಯಗಳನ್ನು ವಾಟ್ಸ್ಆ್ಯಪ್ನಲ್ಲಿ ಪ್ರಾರಂಭಿಸಲಾಗುವುದು ಎಂದು ಕಂಪನಿಯು ಖಂಡಿತವಾಗಿಯೂ ಹೇಳಿದೆ.
ಸಿದ್ಧವಾಗಿದೆ ಹೊಸ ವೈಶಿಷ್ಟ್ಯ: ಈ ವೈಶಿಷ್ಟ್ಯಗಳ ಬಗ್ಗೆ ವಿವರಿಸುವುದಾದರೆ.., ಓಪನ್ಎಐನ ಮುಖ್ಯ ಉತ್ಪನ್ನ ಅಧಿಕಾರಿ ಕೆವಿನ್ ವೆಲ್, ಕಂಪನಿಯು ಸಾರ್ವಜನಿಕ ಕಲ್ಯಾಣಕ್ಕಾಗಿ ಕೃತಕ ಸಾಮಾನ್ಯ ಬುದ್ಧಿಮತ್ತೆಯನ್ನು ರಚಿಸುತ್ತದೆ ಮತ್ತು ಅದೇ ಸರಣಿಯಲ್ಲಿ ಈಗ ಹೆಚ್ಚಿನ ಜನರಿಗೆ ಪ್ರವೇಶಿಸುವಂತೆ ಮಾಡಲಾಗುತ್ತಿದೆ. ಇತ್ತೀಚಿನ ವೈಶಿಷ್ಟ್ಯಗಳಿಗೆ ಸಂಬಂಧಿಸಿದಂತೆ, ಇವುಗಳನ್ನು ಕಳೆದ ಕೆಲವು ವಾರಗಳಲ್ಲಿ ಮಾತ್ರ ಸಿದ್ಧಪಡಿಸಲಾಗಿದೆ ಎಂದು ಹೇಳಿದರು.
ಓದಿ: ಲಕ್ಷಾಂತರ ಸಿಮ್ ಕಾರ್ಡ್, ಐಎಮ್ಇಐ ಸಂಖ್ಯೆ ಬ್ಲಾಕ್: ಸೈಬರ್ ವಂಚಕರಿಂದ ಸಾವಿರಾರ ಕೋಟಿ ಉಳಿತಾಯ ಎಂದ ಸಚಿವೆ
