Apple First Foldable Phone: ಈಗಾಗಲೇ ಐಫೋನ್ ಮೂಲಕ ಜಾಗತಿಕ ಸೆಲ್ಫೋನ್ ಮಾರುಕಟ್ಟೆಯಲ್ಲಿ ಆ್ಯಪಲ್ ತನ್ನದೇ ಆದ ಛಾಪು ಮೂಡಿಸಿದೆ. ಇದೀಗ ಆಪಲ್ ಪ್ರಿಯರಿಗೊಂದು ಕ್ರೇಜಿ ಸುದ್ದಿ ಬಂದಿದೆ. ಕಂಪನಿಯು ಶೀಘ್ರದಲ್ಲೇ ತನ್ನ ಮೊದಲ ಫೋಲ್ಡಬಲ್ ಫೋನ್ ಮಾರುಕಟ್ಟೆಗೆ ಪ್ರವೇಶ ಮಾಡಲಿದೆ ಎಂದು ಸುಳಿವು ನೀಡಿದಂತೆ ತೋರುತ್ತಿದೆ. ಆಪಲ್‌ನಿಂದ ಮುಂಬರುವ ಫೋಲ್ಡಬಲ್ ಫೋನ್‌ಗಳ ಕುರಿತು ವದಂತಿಗಳು ಬಹಳ ಸಮಯದಿಂದ ಹರಿದಾಡುತ್ತಿವೆ. ಆದರೆ ಇತ್ತೀಚಿನ ವರದಿಗಳು ಎಲ್ಲಾ ಊಹಾಪೋಹಗಳಿಗೆ ತೆರೆ ಎಳೆದಂತಿವೆ.
ಮಾರುಕಟ್ಟೆಯಲ್ಲಿ ಆ್ಯಪಲ್ ಐಫೋನ್ಗಳ ಕ್ರೇಜ್ ಎಷ್ಟಿದೆ ಎಂದು ಹೇಳಬೇಕಾಗಿಲ್ಲ. ಕಂಪನಿ ತಂದಿರುವ ಹೊಸ ಉತ್ಪನ್ನಗಳಿಗಾಗಿ ಟೆಕ್ ಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಆಪಲ್ ಹೊಸದನ್ನು ಏನು ತರುತ್ತದೆ? ಇದು ಯಾವ ಹೊಸ ವೈಶಿಷ್ಟ್ಯಗಳನ್ನು ನೀಡುತ್ತದೆ? ಎಂದು ತಿಳಿಯಲು ಎಲ್ಲರೂ ಉತ್ಸುಕರಾಗಿದ್ದಾರೆ.
ಫೋಲ್ಡಬಲ್ ಸ್ಮಾರ್ಟ್‌ಫೋನ್‌ಗಳು ಪ್ರಸ್ತುತ ಮಾರುಕಟ್ಟೆಯಲ್ಲಿ ಟ್ರೆಂಡಿಂಗ್‌ನಲ್ಲಿವೆ. ಇದರೊಂದಿಗೆ ಸ್ಮಾರ್ಟ್ ಫೋನ್ ತಯಾರಿಕಾ ಕಂಪನಿಗಳು ಈ ವಿಭಾಗದಲ್ಲಿ ಹೊಸ ಮಾದರಿಗಳನ್ನು ತರಲು ಆಸಕ್ತಿ ತೋರಿಸುತ್ತಿವೆ. ಈ ಕ್ರಮದಲ್ಲಿ ಈಗಾಗಲೇ ಹಲವು ಕಂಪನಿಗಳ ಫೋಲ್ಡಬಲ್ ಫೋನ್ಗಳು ಮಾರುಕಟ್ಟೆ ಪ್ರವೇಶಿಸಿ ಸದ್ದು ಮಾಡಿವೆ. ಆದರೆ ಈಗ ಆಪಲ್ ಕೂಡ ಈ ವಿಭಾಗಕ್ಕೆ ಕಾಲಿಟ್ಟು ತನ್ನ ಶಕ್ತಿ ಪ್ರದರ್ಶನಕ್ಕೆ ಸಿದ್ಧವಾಗಿದೆಯಂತೆ.
ಆಪಲ್ ಪ್ರಸ್ತುತ ಎರಡು ಹೊಸ ಫೋಲ್ಡಬಲ್ ಸಾಧನಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಕಂಪನಿಯು ಕ್ಲಾಮ್‌ಶೆಲ್ ಶೈಲಿಯ ಐಫೋನ್ ಮತ್ತು ದೊಡ್ಡ ಪರದೆಯ ಫೋಲ್ಡಬಲ್ ಐಪ್ಯಾಡ್‌ನೊಂದಿಗೆ ಈ ವಿಭಾಗವನ್ನು ಪ್ರವೇಶಿಸುವ ಸಾಧ್ಯತೆಯಿದೆ ಎಂದು ತೋರುತ್ತದೆ. ಆಪಲ್‌ನ ಮೊದಲ ಫೋಲ್ಡಬಲ್ ಐಫೋನ್ 'Samsung Galaxy Z Flip' ಮತ್ತು 'Motorola Razer' ನಂತಹ ಕ್ಲಾಮ್‌ಶೆಲ್ ವಿನ್ಯಾಸದೊಂದಿಗೆ ಬರಲಿದೆ ಎಂದು ಟೆಕ್ ತಜ್ಞರು ನಂಬಿದ್ದಾರೆ. ಈಗಿರುವ 'iPhone 16 Pro Max' ಗಿಂತ ಬಿಗ್ ಸ್ಕ್ರೀನ್ ಹೊಂದಿರಬಹುದು. ಅಂದರೆ ಇದು 7 ಇಂಚಿನ ಡಿಸ್ಪ್ಲೇ ಯೊಂದಿಗೆ ಬರುವ ಸಾಧ್ಯತೆಯಿದೆ. ಐಪ್ಯಾಡ್ 20 ಇಂಚಿನ ಡಿಸ್ಪ್ಲೇ ಜೊತೆ ಬರಲಿದೆ ಎಂದು ವರದಿಯಾಗಿದೆ.
ಆಪಲ್‌ನ ಮೊದಲ ಫೋಲ್ಡಬಲ್ ಐಫೋನ್ ಎಂಟ್ರಿ ಯಾವಾಗ?: ಆಪಲ್‌ನ ಮೊದಲ ಫೋಲ್ಡಬಲ್ ಐಫೋನ್ 2026 ರಲ್ಲಿ ಬರುವ ಸಾಧ್ಯತೆಯಿದೆ ಎಂದು ಅನೇಕ ವರದಿಗಳು ಬಹಿರಂಗಪಡಿಸುತ್ತವೆ. ಇದನ್ನು 'ಐಫೋನ್ 18' ಎಂಬ ಹೆಸರಿನಲ್ಲಿ ತರುವ ಸಾಧ್ಯತೆ ಇದೆ ಎಂಬುದು ಟೆಕ್ ಮೂಲಗಳ ನಿರೀಕ್ಷೆಯಾಗಿದೆ.
ಓದಿ: ಕೈಗೆಟುಕುವ ದರದಲ್ಲಿ ಫೈವ್ ಸ್ಟಾರ್ ಸೇಫ್ಟಿ ರೇಟಿಂಗ್; ಮಹೀಂದ್ರಾದ ಈ ಕಾರ್ ಬಗ್ಗೆ ಗೊತ್ತಾ?
