Benefits of plant based foods: 30ನೇ ವಯಸ್ಸಿನಲ್ಲಿ ಅಧಿಕ ರಕ್ತದೊತ್ತಡ, ಮಧ್ಯಮ ವಯಸ್ಸಿನಲ್ಲಿ ಹೃದಯಾಘಾತ, ಸೋಂಕುಗಳು, ಉರಿಯೂತ ಮತ್ತು ಕ್ಯಾನ್ಸರ್‌ಗಳು ಹೆಚ್ಚುತ್ತಿರುವುದರಿಂದ, ತಜ್ಞರು ಈಗ ಹಸಿರು ಸೊಪ್ಪು, ತರಕಾರಿ ಆಹಾರವು ಅತ್ಯುತ್ತಮ ಔಷಧ ಎಂದು ವೈದ್ಯರು ತಿಳಿಸುತ್ತಾರೆ. ಲಂಡನ್‌ನ ಕಿಂಗ್ಸ್ ಕಾಲೇಜಿನ ಅಧ್ಯಯನವು, ಸಸ್ಯ ಆಧಾರಿತ ಆಹಾರ ಪದಾರ್ಥಗಳು ಚಯಾಪಚಯ ಕ್ರಿಯೆ ಹೆಚ್ಚಿಸುತ್ತವೆ. ಇದು ಉತ್ತಮ ಆರೋಗ್ಯ ಹಾಗೂ ದೀರ್ಘಾಯುಷ್ಯಕ್ಕೆ ಕಾರಣವಾಗುತ್ತದೆ ಎಂಬುದನ್ನು ಬಹಿರಂಗಪಡಿಸಿದೆ.
ಹಸಿರು ಸೊಪ್ಪು, ತರಕಾರಿ ಹಿಂದಿನ ಸತ್ಯವೇನು?: ಹಸಿರು ತರಕಾರಿಗಳು, ಹಣ್ಣುಗಳು ಮತ್ತು ಧಾನ್ಯಗಳನ್ನು ನಿಯಮಿತವಾಗಿ ಸೇವಿಸುವ ದೇಹದಲ್ಲಿ ಪ್ರಯೋಜನಕಾರಿ ಸೂಕ್ಷ್ಮ ಅಣುಗಳನ್ನು ಅಭಿವೃದ್ಧಿಪಡಿಸಲು ಸಾಧ್ಯವಾಗುತ್ತದೆ ಎಂದು ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ. ಈ ಸೂಕ್ಷ್ಮ ಅಣುಗಳು ಅಥವಾ ಚಯಾಪಚಯ ಕ್ರಿಯೆಗಳು ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವಲ್ಲಿ ಹಾಗೂ ಉರಿಯೂತ ಕಡಿಮೆ ಮಾಡುವಲ್ಲಿ ಹಾಗೂ ಕ್ಯಾನ್ಸರ್‌ನಂತಹ ಮಾರಣಾಂತಿಕ ಕಾಯಿಲೆಗಳನ್ನು ತಡೆಗಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ.
ಯುರೋಪಿಯನ್ ಜರ್ನಲ್ ಆಫ್ ನ್ಯೂಟ್ರಿಷನ್‌ನಲ್ಲಿ ಪ್ರಕಟವಾದ ಸಂಶೋಧನಾ ವರದಿಯು, ಸಸ್ಯಾಹಾರಿ ಆಹಾರದ ಪ್ರಯೋಜನಗಳನ್ನು ಎತ್ತಿ ತೋರಿಸುತ್ತದೆ. ಈ ಅಧ್ಯಯನವು 200 ಆರೋಗ್ಯವಂತ ವಯಸ್ಕರನ್ನು ಒಳಗೊಂಡಿತ್ತು. ಅವರ ಆಹಾರ ಸೇವನೆ ಹಾಗೂ ಚಯಾಪಚಯ ಕ್ರಿಯೆಯ ಮಟ್ಟವನ್ನು ವಿಶ್ಲೇಷಿಸಿದೆ.
ಸಂಶೋಧನೆಯ ಫಲಿತಾಂಶಗಳು?: ಈ ಸೂಕ್ಷ್ಮ ಅಣುಗಳ ಕಡಿಮೆ ಮಟ್ಟವನ್ನು ಹೊಂದಿರುವವರು ನೋಡಲು ಆರೋಗ್ಯವಾಗಿ ಕಾಣಿಸಿಕೊಂಡರು. ಆದರೆ, ಕಳಪೆ ಚಯಾಪಚಯ ಕ್ರಿಯೆಯನ್ನು ಹೊಂದಿರುತ್ತಾರೆ. ಜೊತೆಗೆ ಅವರಿಗೆ ಭವಿಷ್ಯದ ಆರೋಗ್ಯ ಸಮಸ್ಯೆಗಳ ಅಪಾಯ ಹೆಚ್ಚಿರುತ್ತದೆ.
ಎರಡು ರೀತಿಯ ಪೋಷಕಾಂಶಗಳು
- ಸೂಕ್ಷ್ಮ ಪೋಷಕಾಂಶಗಳು: ಜೀವಸತ್ವಗಳು ಮತ್ತು ಖನಿಜಗಳು
- ಸ್ಥೂಲ ಪೋಷಕಾಂಶಗಳು: ಕಾರ್ಬೋಹೈಡ್ರೇಟ್‌ಗಳು, ಪ್ರೋಟೀನ್ಗಳು ಮತ್ತು ಕೊಬ್ಬುಗಳು
- ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಮತ್ತು ಆರೋಗ್ಯಕರ ದೇಹವನ್ನು ಕಾಪಾಡಿಕೊಳ್ಳಲು ಇವೆರಡೂ ಅತ್ಯಗತ್ಯವಾಗಿದೆ. ಫೈಬರ್, ಜೀವಸತ್ವಗಳು ಹಾಗೂ ಖನಿಜಗಳಿಂದ ಸಮೃದ್ಧವಾಗಿರುವ ಹಸಿರು ಆಹಾರಗಳು ನೈಸರ್ಗಿಕವಾಗಿ ರೋಗಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತವೆ.
ಪ್ರಮುಖ ಪೋಷಕಾಂಶಗಳು, ಪ್ರಯೋಜನಗಳು:
- ವಿಟಮಿನ್ ಎ - ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ ಹಾಗೂ ಅಂಗಾಂಶಗಳನ್ನು ರಕ್ಷಿಸುತ್ತದೆ (ಸಿಹಿ ಆಲೂಗಡ್ಡೆ, ಕ್ಯಾರೆಟ್, ಪಾಲಕ್, ಮಾವು, ಪಪ್ಪಾಯಿಯಲ್ಲಿ ವಿಟಮಿನ್ ಎ ಕಂಡುಬರುತ್ತದೆ).
- ವಿಟಮಿನ್ ಇ - ಉತ್ಕರ್ಷಣ ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ, ರೋಗನಿರೋಧಕ ಶಕ್ತಿಯನ್ನು ಸುಧಾರಿಸುತ್ತದೆ. ವಿಶೇಷವಾಗಿ ಹಿರಿಯರಲ್ಲಿ ವಿಟಮಿನ್ ಇ ಅವಶ್ಯವಾಗಿ ಬೇಕಾಗುತ್ತದೆ. ಅರಿಶಿನ, ಬಾದಾಮಿ, ಸೂರ್ಯಕಾಂತಿ ಬೀಜಗಳು, ಅಗಸೆಬೀಜಗಳಲ್ಲಿ ವಿಟಮಿನ್ ಇ ಇರುತ್ತದೆ.
- ವಿಟಮಿನ್ ಸಿ - ಜೀವಕೋಶಗಳ ದುರಸ್ತಿ ಹಾಗೂ ಪುನರುತ್ಪಾದನೆಗೆ ಸಹಾಯ ಮಾಡುತ್ತದೆ. ಪೇರಳೆ, ಹಸಿ ಮಾವು, ನಿಂಬೆ, ಸ್ಟ್ರಾಬೆರಿ, ಕ್ಯಾಪ್ಸಿಕಂನಲ್ಲಿ ವಿಟಮಿನ್ ಸಿ ಹೇರಳವಾಗಿರುತ್ತದೆ.
- ಪ್ರೋಟೀನ್ಗಳು - ಗಾಯಗಳನ್ನು ಗುಣಪಡಿಸುವುದು ಮತ್ತು ಸ್ನಾಯುಗಳ ದುರಸ್ತಿಗೆ ಅವಶ್ಯಕವಾಗಿದೆ. ಸೋಯಾ ಉತ್ಪನ್ನಗಳು, ಬೀನ್ಸ್, ಬೀಜಗಳಲ್ಲಿ ಪ್ರೋಟೀನ್ಗಳು ಲಭ್ಯವಿರುತ್ತದೆ.
- ಒಮೆಗಾ -3 ಕೊಬ್ಬಿನಾಮ್ಲಗಳು - ಹೃದಯ ಮತ್ತು ಮೆದುಳಿನ ಆರೋಗ್ಯಕ್ಕೆ ಸಹಾಯಕವಾಗಿದೆ. ವಾಲ್ನಟ್ಸ್, ಕುಂಬಳಕಾಯಿ, ಕುಸುಬೆ, ಸೂರ್ಯಕಾಂತಿ ಬೀಜಗಳಲ್ಲಿ ಒಮೆಗಾ -3 ಕೊಬ್ಬಿನಾಮ್ಲಗಳು ಕಂಡುಬರುತ್ತವೆ.
ಚಯಾಪಚಯ ಕ್ರಿಯೆ: ಆರೋಗ್ಯದ ಎಂಜಿನ್
- ನಮ್ಮ ದೇಹವು ನಿರಂತರವಾಗಿ ಎರಡು ಚಯಾಪಚಯ ಪ್ರಕ್ರಿಯೆಗಳಿಗೆ ಒಳಗಾಗುತ್ತದೆ.
- ಅನಾಬೊಲಿಸಮ್ - ಸರಳವಾದವುಗಳಿಂದ ಸಂಕೀರ್ಣ ಅಣುಗಳನ್ನು ನಿರ್ಮಿಸುತ್ತದೆ. ಬೆಳವಣಿಗೆ ಮತ್ತು ದುರಸ್ತಿಗೆ ಸಹಾಯ ಮಾಡುತ್ತದೆ.
- ಕ್ಯಾಟಬಾಲಿಸಮ್ - ಸಂಕೀರ್ಣ ಅಣುಗಳನ್ನು ಸರಳವಾದವುಗಳಾಗಿ ವಿಭಜಿಸುತ್ತದೆ. ಶಕ್ತಿ ಉತ್ಪಾದನೆ ಮತ್ತು ತ್ಯಾಜ್ಯ ತೆಗೆಯುವಿಕೆಗೆ ಸಹಾಯ ಮಾಡುತ್ತದೆ.
- ಚಯಾಪಚಯ ಕ್ರಿಯೆಯ ಮೂಲಕ ಉತ್ಪತ್ತಿಯಾಗುವ ಚಯಾಪಚಯ ಕ್ರಿಯೆಗಳು ರೋಗನಿರೋಧಕ ಶಕ್ತಿ, ಅಂಗಾಂಶ ರಚನೆ ಹಾಗೂ ದೇಹದ ಉಷ್ಣತೆಯ ನಿಯಂತ್ರಣಕ್ಕೆ ಅತ್ಯಗತ್ಯವಾಗಿದೆ. ಹಸಿರು ಆಹಾರಗಳಲ್ಲಿ ಸಮೃದ್ಧವಾಗಿರುವ ಆಹಾರವು ಈ ಪ್ರಕ್ರಿಯೆಯನ್ನು ಉತ್ತೇಜಿಸುತ್ತದೆ. ನಿಮ್ಮನ್ನು ಒಳಗಿನಿಂದ ಆರೋಗ್ಯವಾಗಿರಿಸುತ್ತದೆ.
ಕರುಳಿನ ಆರೋಗ್ಯ: ಉತ್ತಮ ಬ್ಯಾಕ್ಟೀರಿಯಾ vs ಕೆಟ್ಟ ಬ್ಯಾಕ್ಟೀರಿಯಾ- 'ಕರುಳಿನ ಸೂಕ್ಷ್ಮಜೀವಿಯು ಒಟ್ಟಾರೆ ಆರೋಗ್ಯದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ನಮ್ಮ ಕರುಳಿನಲ್ಲಿ ಒಳ್ಳೆಯ ಮತ್ತು ಕೆಟ್ಟ ಬ್ಯಾಕ್ಟೀರಿಯಾಗಳಿವೆ. ಆರೋಗ್ಯಕರ ಅಭ್ಯಾಸಗಳು ಒಳ್ಳೆಯ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ಉತ್ತೇಜಿಸುತ್ತವೆ. ಆದರೆ, ಅನಾರೋಗ್ಯಕರ ಜೀವನಶೈಲಿ ಹಾನಿಕಾರಕ ಬ್ಯಾಕ್ಟೀರಿಯಾವನ್ನು ಪ್ರೋತ್ಸಾಹಿಸುತ್ತದೆ. ಸಮತೋಲಿತ ಕರುಳಿನ ಸೂಕ್ಷ್ಮಜೀವಿಯನ್ನು ಕಾಪಾಡಿಕೊಳ್ಳಲು, ಜೀರ್ಣಕ್ರಿಯೆಯನ್ನು ಹೆಚ್ಚಿಸಲು ಹಾಗೂ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ಸಸ್ಯ ಆಧಾರಿತ ಆಹಾರವು ನಿರ್ಣಾಯಕವಾಗಿದೆ.'
-ಡಾ.ರಾಕೇಶ್ ಕಲಾಪಾಲ, ಎಐಜಿ ಆಸ್ಪತ್ರೆ, ಹೈದರಾಬಾದ್
ಹಸಿರು ಸೊಪ್ಪು, ತರಕಾರಿ ತಿನ್ನಿರಿ, ಆರೋಗ್ಯವಾಗಿರಿ: ಹಸಿರು ಸೊಪ್ಪು, ತರಕಾರಿ ಅಂದ್ರೆ, ಸಸ್ಯ ಆಧಾರಿತ ಆಹಾರ ಪದಾರ್ಥಗಳಿಂದ ನಿಮ್ಮ ಆರೋಗ್ಯವನ್ನು ಪರಿವರ್ತಿಸಬಹುದು. ರೋಗಗಳನ್ನು ತಡೆಗಟ್ಟಬಹುದು, ದೀರ್ಘಾಯುಷ್ಯ ಪಡೆಯಬಹುದು. ಸಸ್ಯಾಧಾರಿತ ಪೋಷಣೆಗೆ ಆದ್ಯತೆ ನೀಡಿ, ಸಂಪೂರ್ಣ ಆಹಾರವನ್ನು ಅಳವಡಿಸಿಕೊಳ್ಳಿ ಮತ್ತು ಪ್ರಕೃತಿಯೇ ನಿಮ್ಮ ಔಷಧಿಯಾಗಿರಲಿ ಎಂದು ತಜ್ಞರು ತಿಳಿಸುತ್ತಾರೆ.
ಹೆಚ್ಚಿನ ಮಾಹಿತಿಗಾಗಿ ಈ ವೆಬ್ಸೈಟ್ನ್ನು ವೀಕ್ಷಿಸಬಹುದು:
https://pmc.ncbi.nlm.nih.gov/articles/PMC5466942/
ಓದುಗರಿಗೆ ಮುಖ್ಯ ಸೂಚನೆ : ಈ ಲೇಖನದಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ, ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ಒದಗಿಸುತ್ತಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತ ವೈದ್ಯರ ಸಲಹೆಗಳನ್ನು ತೆಗೆದುಕೊಳ್ಳುವುದು ಉತ್ತಮ.
