ಮೈಸೂರು: ಇತ್ತೀಚೆಗೆ, ತೆಲುಗು ಬಿಗ್ ಬಾಸ್ ಕಾರ್ಯಕ್ರಮದ 8ನೇ ಆವೃತ್ತಿಯ ವಿಜೇತರಾಗಿ ಮೈಸೂರಿನ ಹುಡುಗ ನಿಖಿಲ್ ಹೊರಹೊಮ್ಮಿದ್ದಾರೆ. ಈಟಿವಿ ಭಾರತದೊಂದಿಗೆ ಕಾರ್ಯಕ್ರಮದ ಕುರಿತು ಮಾತನಾಡಿದ ಅವರು, ತಮ್ಮ 105 ದಿನಗಳ ಅನುಭವ ಹಂಚಿಕೊಂಡರು.
"ಬಿಗ್ ಬಾಸ್ ಜರ್ನಿ ಅದ್ಬುತ. ಈ ಕಾರ್ಯಕ್ರಮದಲ್ಲಿ ನಾನು ಬಹಳಷ್ಟು ಕಲಿತೆ. ಎಲ್ಲಾ ಭಾವನೆಗಳನ್ನು ಹೊರ ತರುವ ಶೋ ಇದು. ನನ್ನ ಗೆಲುವನ್ನು ನನಗೆ ನಂಬಲಾಗಲಿಲ್ಲ" ಎಂದು ತಿಳಿಸಿದರು.
"ನನ್ನ ಕೆರಿಯರ್ ಆರಂಭವಾಗಿದ್ದು, ಕನ್ನಡದ 'ಮನೆಯೇ ಮಂತ್ರಾಲಯ' ಧಾರವಾಹಿ ಮೂಲಕ. ಆ ನಂತರ 2019ರಲ್ಲಿ ತೆಲುಗಿನಲ್ಲಿ ನಟಿಸಲು ಅವಕಾಶ ಸಿಕ್ಕಿತು. ಆಡಿಶನ್ಗಳಲ್ಲಿ ಭಾಗಿಯಾಗಿದ್ದೆ. ಅಲ್ಲಿಗೆ ಹೋದ ಮೇಲೆ 3 ತಿಂಗಳಲ್ಲಿ ತೆಲುಗು ಭಾಷೆ ಕಲಿತೆ. ಬಳಿಕ ಬಿಗ್ ಬಾಸ್ಗೆ ಆಫರ್ ಬಂತು. ರಾಜ್ಯ, ಭಾಷೆ ಎಂಬ ಯಾವುದೇ ಭೇದವಿಲ್ಲದೇ ಜನರು ನನ್ನನ್ನು ಬೆಂಬಲಿಸಿದರು. ಎಲ್ಲರಿಗೂ ಧನ್ಯವಾದಗಳು" ಎಂದರು.
ಇದನ್ನೂ ಓದಿ: ತ್ರಿವಿಕ್ರಮ್ ಎಲಿಮಿನೇಟ್ ಆದ್ರಾ? ಚೈತ್ರಾ ಕುಂದಾಪುರ-ಐಶ್ವರ್ಯಾ ನಡುವೆ ಅಗ್ಲಿ ವಾರ್
ಅವಕಾಶಗಳು ಬರುತ್ತಿವೆ: "ಬಿಗ್ಬಾಸ್ ಗೆಲುವಿನ ನಂತರ ಸಿನಿಮಾ, ವೆಬ್‌ ಸೀರಿಸ್‌ ಸೇರಿದಂತೆ ಹಲವು ಆಫರ್ಗಳು ಬರುತ್ತಿವೆ. ಮುಂದೆ ಏನಾಗುತ್ತದೆ ಎಂಬುದನ್ನು ನೋಡೋಣ. ಒಟ್ಟಾರೆ 105 ದಿನಗಳ ಜರ್ನಿಯಲ್ಲಿ ಎಲ್ಲವನ್ನೂ ಕಲಿತಿದ್ದೇನೆ" ಎಂದು ಹೇಳಿದರು.
ಇದನ್ನೂ ಓದಿ: ಅಲ್ಲು ಅರ್ಜುನ್ ಪ್ರಕರಣ: ತನಿಖೆಯ ಸಂಪೂರ್ಣ ಮಾಹಿತಿ ನೀಡಿದ ಪೊಲೀಸ್
