ಕುಸ್ತಿಯಲ್ಲಿ ಮತ್ತೊಂದು ಹಾರ್ಟ್​ಬ್ರೇಕ್​: ಸೆಮಿಫೈನಲ್​ನಲ್ಲಿ ಸೋತ ಅಮನ್, ಕಂಚಿಗಾಗಿ ಹೋರಾಟ - Aman Loses Semifinal

ಪ್ಯಾರಿಸ್​ ಒಲಿಂಪಿಕ್ಸ್​​ನ ಕುಸ್ತಿ ಸ್ಪರ್ಧೆಯಲ್ಲಿ ಭಾರತಕ್ಕೆ ಈ ಸಲ ಭಾರೀ ನಿರಾಸೆ ಉಂಟಾಗಿದೆ. ಸೆಮಿಫೈನಲ್​​ ತಲುಪಿದರೂ ಆಟಗಾರರಿಗೆ ಚಿನ್ನದ ಪದಕ ಮಾತ್ರ ಮರೀಚಿಕೆಯಾಗಿದೆ.

ಪ್ಯಾರಿಸ್: ಪ್ಯಾರಿಸ್​ ಒಲಿಂಪಿಕ್ಸ್‌ ಕುಸ್ತಿಯಲ್ಲಿ ಭಾರತಕ್ಕೆ ಮತ್ತೊಂದು ಆಘಾತ ಉಂಟಾಗಿದೆ. ಚಿನ್ನ ಗೆಲ್ಲುವ ಭರವಸೆ ಹುಟ್ಟಿಸಿದ್ದ ಯುವ ಪೈಲ್ವಾನ್​ ಅಮನ್ ಸೆಹ್ರಾವತ್ 57 ಕೆಜಿ ಫ್ರೀ ಸ್ಟೈಲ್ ಸೆಮಿಫೈನಲ್ ಪಂದ್ಯದಲ್ಲಿ ಸೋಲು ಕಂಡಿದ್ದಾರೆ. ಜಪಾನ್​ನ ಜಟ್ಟಿ ರೇ ಹಿಗುಚಿ ವಿರುದ್ಧ ಅವರು ಪರಾಭವಗೊಂಡರು. 21ರ ಹರೆಯದ ಅಮನ್ ಈಗ ಕಂಚಿನ ಪದಕಕ್ಕಾಗಿ ಆಡಲಿದ್ದಾರೆ.

ಕ್ವಾರ್ಟರ್​ಫೈನಲ್​ನಲ್ಲಿ ಪ್ರಸಿದ್ಧ ಎದುರಾಳಿಗಳ ವಿರುದ್ಧ ದೊಡ್ಡ ವಿಜಯ ಸಾಧಿಸಿ, ಫೈನಲ್‌ನತ್ತ ಮುನ್ನುಗ್ಗುತ್ತಿದ್ದ ಅಮನ್​​ ಚಿನ್ನದ ನಿರೀಕ್ಷೆ ಹುಟ್ಟಿಸಿದ್ದರು. ಆದರೆ, 2016ರ ರಿಯೊ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತ 28 ವರ್ಷದ ಜಪಾನಿನ ಹಿಗುಚಿ ಪಟ್ಟುಗಳ ಮುಂದೆ ಭಾರತದ ಜಟ್ಟಿಯ ಆಟ ನಡೆಯಲಿಲ್ಲ.

🇮🇳 Result Update: Men’s Freestyle #Wrestling🤼 57KG👇

Tough luck for Aman Sehrawat 💔

The 21-year-old, who had put up impressive performances in the Round of 16 & Quarter-Finals lost to No. 1 seed Higuchi Rei by 0-10.

Aman will play for Bronze tomorrow against Puerto Rico’s… pic.twitter.com/KHjQTsHEtk

— SAI Media (@Media_SAI) August 8, 2024

ತಾಂತ್ರಿಕವಾಗಿ ಉತ್ತಮ ಆಟ ಪ್ರದರ್ಶಿಸಿದ ಜಪಾನ್​ ಪೈಲ್ವಾನ್​ 0-10 ಅಂಕಗಳಿಂದ ಭಾರತದ ಕುಸ್ತಿಪಟುವನ್ನು ಕಟ್ಟಿಹಾಕಿದರು. ಆರಂಭದಲ್ಲಿಯೇ ಅಮಾನ್ ವಿರುದ್ಧ ಎರಗಿದ ಜಪಾನ್​ ಪೈಲ್ವಾನ್​ ಎರಡೇ ನಿಮಿಷದಲ್ಲಿ 4-0 ಮುನ್ನಡೆ ಸಾಧಿಸಿದರು. ಅಮನ್‌ ಅವರ ಕಾಲುಗಳನ್ನೇ ಗುರಿಯಾಗಿಸಿಕೊಂಡು, ಪಟ್ಟು ಹಾಕಿದ್ದರಿಂದ ಸೋಲುವಂತಾಯಿತು.

ಅಮನ್ ಮಾಜಿ ವಿಶ್ವ ಚಾಂಪಿಯನ್ ಅಲ್ಬೇನಿಯಾದ ಝೆಲಿಮ್ಖಾನ್ ಅಬಕರೋವ್ ಅವರನ್ನು ಕ್ವಾರ್ಟರ್​ಫೈನಲ್​ನಲ್ಲಿ ಸೋಲಿಸಿ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದ್ದರು.

ಇದನ್ನೂ ಓದಿ: ಮಹಿಳೆಯರ 57 ಕೆಜಿ ವಿಭಾಗದ ಕುಸ್ತಿ: ಪ್ರೀ-ಕ್ವಾರ್ಟರ್‌ನಲ್ಲಿ ಅಂಶು ಮಲಿಕ್​ಗೆ ಸೋಲು - Anshu Malik