ಮುಂಬೈ : ಐಪಿಎಲ್ನ 25ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಮುಂಬೈ ಇಂಡಿಯನ್ಸ್ 7 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಆರ್ಸಿಬಿ ನೀಡಿದ 197 ರನ್ಗಳ ಬೃಹತ್ ಟಾರ್ಗೆಟ್ ಬೆನ್ನಟ್ಟಿದ್ದ ಮುಂಬೈ ಇಂಡಿಯನ್ಸ್ 15.3 ಓವರ್ಗಳಲ್ಲೇ 3 ವಿಕೆಟ್ ಕಳೆದುಕೊಂಡು ಗೆಲುವಿನ ದಡ ಸೇರಿತು. ಈ ಮೂಲಕ ಪ್ರಸ್ತುತ ಟೂರ್ನಿಯಲ್ಲಿ ಸತತ 2ನೇ ಜಯ ಕಂಡಿರುವ ಮುಂಬೈ ಅಂಕಪಟ್ಟಿಯಲ್ಲಿ ಚೇತರಿಕೆ ಕಂಡಿದ್ದು, ಏಳನೇ ಸ್ಥಾನಕ್ಕೇರಿದೆ. ಇತ್ತ ಆರ್ಸಿಬಿ ಸೋಲಿನ ದವಡೆಯಿಂದ ಹೊರಬರದೇ 9ನೇ ಸ್ಥಾನದಲ್ಲಿದೆ.
ಮುಂಬೈನ ವಾಂಖೆಂಡೆ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಆರ್ಸಿಬಿ ನೀಡಿದ ಗುರಿಯನ್ನು ಚೇಸ್ ಮಾಡಲು ಮುಂಬೈ ಪರ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶನ್ ಆಗಮಿಸಿದರು. ಆರ್ಸಿಬಿಯ ಕಳಪೆ ಬೌಲಿಂಗ್ನಿಂದಾಗಿ ಆರಂಭದಲ್ಲೇ ಇಶಾನ್- ರೋಹಿತ್ ಜೋಡಿ ಸಿಕ್ಸರ್ ಮತ್ತು ಬೌಂಡರಿಗಳ ಮಳೆಯನ್ನೇ ಸುರಿಸಿದರು. ಕೇವಲ 8.5 ಓವರ್ಗಳಲ್ಲಿ ಈ ಜೋಡಿ 101 ರನ್ಗಳ ಜೊತೆಯಾಟವಾಡಿತು. ಬಳಿಕ ಇಶಾನ್ ತಮ್ಮ ವಿಕೆಟ್ ಕಳೆದುಕೊಂಡರು. 34 ಎಸೆತಗಳನ್ನು ಎದುರಿಸಿದ ಇಶಾನ್ 7 ಬೌಂಡರಿ ಹಾಗೂ 5 ಭರ್ಜರಿ ಸಿಕ್ಸರ್ ನೆರೆವಿನಿಂದ 69 ರನ್ಗಳನ್ನು ಕಲೆಹಾಕಿದರು.
ಇತ್ತ ರೋಹಿತ್ ಕೂಡ 2ನೇ ವಿಕೆಟ್ಗೆ ಒಂದಾಗ ಸೂರ್ಯಕುಮಾರ್ ಯಾದವ್ ಜೊತೆಗೂಡಿ ತಮ್ಮ ಆಕ್ರಮಣಕಾರಿ ಆಟದ ಪ್ರದರ್ಶನ ನೀಡಿದರು. ತಲಾ 3 ಬೌಂಡರಿ, ಸಿಕ್ಸರ್ ಹೊಡೆದು 38 ರನ್ಗಳಿಗೆ ತಮ್ಮ ಆಟ ನಿಲ್ಲಿಸಿದರು. ಈ ವೇಳೆ, ಸಿಡಿದೆದ್ದ ಸೂರ್ಯಕುಮಾರ್ ಆರ್ಸಿಬಿ ಬೌಲರ್ಸ್ಗಳನ್ನು ಕಾಡಿದರು. ಕೇವಲ 19 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 4 ಸಿಕ್ಸರ್‌ಗಳ ಸಮೇತ 52 ರನ್ಗಳ ಕೊಡುಗೆಯನ್ನು ತಂಡದ ಗೆಲುವಿಗೆ ಅರ್ಪಿಸಿ ನಿರ್ಗಮಿಸಿದರೆ, ನಾಯಕ ಹಾರ್ದಿಕ್ ಪಾಂಡ್ಯ ಕೇವಲ 6 ಎಸೆತಗಳಲ್ಲಿ 3 ಸಿಕ್ಸರ್‌ಗಳ ನೆರವಿನಿಂದ ಅಜೇಯ 21 ರನ್ ಮತ್ತು ತಿಲಕ್ ವರ್ಮಾ 10 ಎಸೆತಗಳಲ್ಲಿ 3 ಬೌಂಡರಿ ಸಹಾಯದಿಂದ ಅಜೇಯ 16 ರನ್ ಗಳಿಸಿದರು. ಈ ಮೂಲಕ ಆರ್ಸಿಬಿ ಎದುರು ಮುಂಬೈ 7 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿತು.
ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 196 ರನ್ಗಳನ್ನು ಕಲೆ ಹಾಕಿತ್ತು. ನಾಯಕ ಫಾಫ್ ಡು ಪ್ಲೆಸಿಸ್, ರಜತ್ ಪಾಟಿದಾರ್ ಹಾಗೂ ದಿನೇಶ್ ಕಾರ್ತಿಕ್ ಅವರ ಅರ್ಧ ಶತಕದ ನೆರವಿನಿಂದ ಆರ್ಸಿಬಿ ಈ ಬೃಹತ್ ಮೊತ್ತ ಪೇರಿಸಲು ಸಾಧ್ಯವಾಗಿತ್ತು. ಮುಂಬೈ ಪರ ಜಸ್ಪೀತ್ ಬೂಮ್ರಾ 5 ವಿಕೆಟ್ ಪಡೆದು ಮಿಂಚಿದರು.
ಇದನ್ನೂ ಓದಿ : IPL: ಆರ್ಸಿಬಿಗೆ ಡು ಪ್ಲೆಸಿಸ್, ಪಾಟಿದಾರ್, ಕಾರ್ತಿಕ್ ಫಿಫ್ಟಿ ಬಲ; ಮುಂಬೈ ಗೆಲುವಿಗೆ 197 ರನ್ ಟಾರ್ಗೆಟ್ - MI vs RCB
