RCBಗರ ಟ್ರೋಲ್​ ಮಾಡಿದ್ದ CSK ಕ್ಯಾಪ್ಟನ್​ಗೆ ಮುಟ್ಟಿ ನೋಡಿಕೊಳ್ಳುವಂತೆ ತಿರುಗೇಟು ಕೊಟ್ಟ ಆರ್​ಸಿಬಿ!​

ಆರ್​ಸಿಬಿಗರ ಟ್ರೋಲ್​ ಮಾಡಿದ್ದ ಸಿಎಸ್​ಕೆ ನಾಯಕ ಋತುರಾಜ್​ ಗಾಯಕ್ವಾಡ್​ಗೆ​ ಆರ್​ಸಿಬಿ ತಿರುಗೇಟು ನೀಡಿದೆ.

RCB Trolls CSK Skipper​: ಕಳೆದ ತಿಂಗಳು ಸಾರ್ವಜನಿಕವಾಗಿಯೇ ರಾಯಲ್​ RCBಗರ ವಿರುದ್ಧ ಟ್ರೋಲ್​ ಮಾಡಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ (CSK) ತಂಡದ ನಾಯಕ ಋತುರಾಜ್​ ಗಾಯಕ್ವಾಡ್​ಗೆ ಆರ್​ಸಿಬಿ ಮುಟ್ಟಿ ನೋಡಿಕೊಳ್ಳುವಂತೆ ತಿರುಗೇಟು ನೀಡಿದೆ.

ಕಳೆದ ತಿಂಗಳು ಬೆಂಗಳೂರಿನಲ್ಲಿ ನಡೆದಿದ್ದ ಕಾರ್ಯಕ್ರಮವೊಂದಕ್ಕೆ ಋತುರಾಜ್​ ಗಾಯಕ್ವಾಡ್​ ಅತಿಥಿಯಾಗಿ ಆಗಮಿಸಿದ್ದರು. ಈ ವೇಳೆ ವೇದಿಕೆಗೆ ತೆರಳಿದ್ದ ಗಾಯಕ್ವಾಡ್​ ಮಾತನಾಡಲು ಮುಂದಾಗಿದ್ದಾರೆ. ಆದರೇ ಅವರ ಕೈಯಲ್ಲಿದ್ದ ಮೈಕ್​ ಆಫ್​ ಆಗಿತ್ತು. ಇದರಿಂದ ಋತುರಾಜ್​ ಮುಜುಗರಕ್ಕೊಳಗಾಗಿದ್ದರು. ಬಳಿಕ ಅಲ್ಲಿದ್ದ ನಿರೂಪಕ, ಸಿಎಸ್​ಕೆ ಕ್ಯಾಪ್ಟನ್​ ಅವರ ಮೈಕ್​ ಅನ್ನು ನೀವು ಹೇಗೆ ಆಫ್​ಮಾಡಬಹುದು ಎಂದು ತಮಾಷೆಯಾಗಿ ಮೈಕ್​ ಆಪ್ರೇಟರ್​ಗಳಿಗೆ ಪ್ರಶ್ನಿಸಿದ್ದರು. ಇದಕ್ಕೆ ಕೂಡಲೇ ಉತ್ತರಿಸಿದ್ದ ಋತುರಾಜ್​ ಬಹುಶಃ ಯಾರೋ RCBಗರೇ ಮೈಕ್​ ಆಫ್​ ಮಾಡಿರಬಹುದು ಎಂದು ಟ್ರೋಲ್​ ಮಾಡಿದ್ದರು.

ಇದಕ್ಕೆ RCB ಕೂಡ ಸರಿಯಾಗಿ ತಿರುಗೇಟು ನೀಡಿದೆ. ನಿನ್ನೆ ವಿಜಯ್​ ಹಜಾರೆ ಟ್ರೋಫಿಯ ಎರಡನೇ ಸೆಮಿಫೈನಲ್​ ಪಂದ್ಯ ನಡೆದಿತ್ತು. ಇದರಲ್ಲಿ ವಿದರ್ಭ ಮತ್ತು ಮಹಾರಾಷ್ಟ್ರ ತಂಡಗಳು ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿದ್ದ ವಿದರ್ಭ ನೀಡಿದ್ದ 380 ರನ್​ಗಳ ಗುರಿಯನ್ನು ಬೆನ್ನತ್ತಿದ ಮಹಾರಾಷ್ಟ್ರ 311 ರನ್​ಗಳಿಸಲಷ್ಟೇ ಶಕ್ತವಾಗಿ 69 ರನ್​ಗಳಿಂದ ಸೋಲನುಭವಿಸಿತು. ಆದ್ರೆ ಈ ಪಂದ್ಯದಲ್ಲಿ RCB ಆಟಗಾರ ಡೈವ್​ ಕ್ಯಾಚ್​ ಹಿಡಿಯುವ ಮೂಲಕ ಮಹಾರಾಷ್ಟ್ರ ತಂಡದ ನಾಯಕ ಋತುರಾಜ್​ ಗಾಯಕ್ವಾಡ್​ಗೆ ಪೆವಿಲಿಯನ್​ ದಾರಿ ತೋರಿಸಿದರು.

‘It is someone from RCB’ 😍

Jitesh doing what he does best! 👏#PlayBold #VijayHazareTrophy #ನಮ್ಮRCB pic.twitter.com/0E7z282mlN

— Royal Challengers Bengaluru (@RCBTweets) January 16, 2025

ಆರಂಭಿಕರಾಗಿ ಕಣಕ್ಕಿಳಿದಿದ್ದ ಋತುರಾಜ್,​ ದರ್ಶನ್​ ನಲ್ಕಂಡೆ ಎಸೆದ 3ನೇ ಓವರ್​ನ 3ನೇ ಎಸೆತದಲ್ಲಿ ಚೆಂಡನ್ನು ಬೌಂಡರಿಗಟ್ಟಲು ಯತ್ನಿಸಿದ್ದಾರೆ. ಈ ವೇಳೆ ಕೀಪಿಂಗ್​ ಮಾಡುತ್ತಿದ್ದ RCBಯ ಹೊಸ ಪ್ಲೇಯರ್​ ಜಿತೇಶ್​ ಶರ್ಮಾ ಸೂಪರ್​ ಮ್ಯಾನ್​ನಂತೆ ಡೈವ್​ ಮೂಲಕ ಕ್ಯಾಚ್​ ಪಡೆದು ಋತುರಾಜ್​ಗೆ ಶಾಕ್​ ನೀಡಿದ್ದಾರೆ. ಇದರ ಬೆನ್ನಲ್ಲೆ RCB ತನ್ನ ಎಕ್ಸ್​ ಖಾತೆಯಲ್ಲಿ ಇದರ ವಿಡಿಯೋ ಹಂಚಿಕೊಂಡು ಅವರು ಕೂಡ RCBಯ ಯಾರೋ ಒಬ್ಬರು ('It is someone from RCB') ಎಂದು ತಿರುಗೇಟು ನೀಡಿದೆ. ಇದರ ವಿಡಿಯೋ ಕೂಡ ಭಾರೀ ವೈರಲ್​ ಆಗಿದೆ.

ಜಿತೇಶ್​ ಶರ್ಮಾ ಸ್ಫೋಟಕ ಬ್ಯಾಟಿಂಗ್​

ವಿದರ್ಭ ಪ್ರತಿನಿಧಿಸುತ್ತಿರುವ RCB ಬ್ಯಾಟರ್ ಜಿತೇಶ್​ ಶರ್ಮಾ ಸೆಮಿಫೈನಲ್​ ಪಂದ್ಯದಲ್ಲಿ ಭರ್ಜರಿ ಬ್ಯಾಟ್​ ಬೀಸಿದ್ದಾರೆ. ಬಿರುಸಿನ ಬ್ಯಾಟಿಂಗ್​ ಮೂಲಕ 33 ಎಸೆತಗಳಲ್ಲಿ 51 ರನ್​ ಚಚ್ಚಿದ್ದಾರೆ. ಇದರಲ್ಲಿ 3 ಬೌಂಡರಿ ಮತ್ತು 3 ಸಿಕ್ಸರ್​ ಕೂಡ ಸೇರಿದ್ದವು. ಉಳಿದಂತೆ ಕನ್ನಡಿಗ ಕರುಣ್​ ನಾಯರ್​ ಕೂಡ್​ ಭರ್ಜರಿ ಫಾರ್ಮ್​ನಲ್ಲಿದ್ದು ಈ ಪಂದ್ಯದಲ್ಲಿ ಅಜೇಯವಾಗಿ 88 ರನ್​ ಚಚ್ಚಿ ದಾಖಲೆ ಬರೆದಿದ್ದಾರೆ.

ಇದನ್ನೂ ಓದಿ: RCBಗರ ವಿರುದ್ಧ CSK ನಾಯಕ ರುತುರಾಜ್ ಗಾಯಕ್ವಾಡ್​​ ದೊಡ್ಡ ಆರೋಪ: ಅಭಿಮಾನಿಗಳು ಕೆಂಡಾಮಂಡಲ!