RCB ತಂಡದಿಂದ ಹೊರಬಿದ್ದ ಆಲ್​ರೌಂಡರ್​: ಬದಲಿ ಪ್ಲೇಯರ್​ ಆಗಿ ಇಂಗ್ಲೆಂಡ್​ ಸ್ಟಾರ್​ ಎಂಟ್ರಿ!

RCB ತಂಡದಿಂದ ಸ್ಟಾರ್​ ಆಲ್​ರೌಂಡರ್​ ಹೊರಬಿದ್ದಿದ್ದು, ಬದಲಿ ಪ್ಲೇಯರ್​ ಆಗಿ ಇಂಗ್ಲೆಂಡ್​ನ ಸ್ಟಾರ್​ ಪ್ಲೇಯರ ತಂಡ ಸೇರಿಕೊಂಡಿದ್ದಾರೆ.

WPL 2025: ಮಹಿಳಾ ಪ್ರೀಮಿಯರ್​ ಲೀಗ್​ (WPL) ಆರಂಭಕ್ಕೂ ಮೊದಲೇ ಆಸ್ಟ್ರೇಲಿಯಾದ ಬೌಲಿಂಗ್ ಆಲ್‌ರೌಂಡರ್ ಸೋಫಿ ಮೊಲಿನೆಕ್ಸ್ (Sophie Molineux) ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (RCB) ತಂಡದಿಂದ ಹೊರಬಿದ್ದಿದ್ದಾರೆ. ಗಾಯಕ್ಕೆ ತುತ್ತಾಗಿರುವ ಕಾರಣ ಮೊಲಿನೆಕ್ಸ್​ ಮುಂದಿನ ಋತುವಿನಿಂದ ಹೊರಗುಳಿಯಲಿದ್ದಾರೆ.

ಇದೀಗ ಅವರ ಸ್ಥಾನಕ್ಕೆ ಬದಲಿ ಪ್ಲೇಯರ್​ ಆಗಿ ಇಂಗ್ಲೆಂಡ್‌ನ ಆಲ್‌ರೌಂಡರ್ ಚಾರ್ಲಿ ಡೀನ್ (charlie dean) ಅವರನ್ನು ತಂಡಕ್ಕೆ ಆಯ್ಕೆ ಮಾಡಲಾಗಿದೆ. ಆರ್‌ಸಿಬಿ ಡೀನ್‌ ಅವರನ್ನು 30 ಲಕ್ಷಕ್ಕೆ ಖರೀದಿಸಿದೆ. ಈ ಬಗ್ಗೆ ಸ್ವತಃ ಆರ್​ಸಿಬಿ ಬಹಿರಂಗ ಪಡಿಸಿದೆ. ಮೊಣಕಾಲಿನ ಗಾಯದಿಂದಾಗಿ ಮೋಲಿನೆಕ್ಸ್ WPL (2025) ಮುಂದಿನ ಆವೃತ್ತಿಯಿಂದ ಹೊರಗುಳಿಯಲಿದ್ದಾರೆ ಎಂದು ತಿಳಿಸಿದೆ.

🔊 OFFICIAL ANNOUNCEMENT 🔊

Our champion all-rounder Sophie Molineux has unfortunately been ruled out of #WPL2025 due to a knee injury, and England all-rounder 𝐂𝐡𝐚𝐫𝐥𝐨𝐭𝐭𝐞 𝐄𝐥𝐥𝐞𝐧 𝐃𝐞𝐚𝐧 has been chosen as her replacement.

Welcome to #ನಮ್ಮRCB, Charlie! We can’t… pic.twitter.com/99LrPa1oMl

— Royal Challengers Bengaluru (@RCBTweets) January 16, 2025

ಮೊಲಿನೆಕ್ಸ್​: ಎಡಗೈ ಆಫ್-ಸ್ಪಿನ್ ಬೌಲರ್ ಆಗಿರುವ ಮೊಲಿನೆಕ್ಸ್​ ಆಸ್ಟ್ರೇಲಿಯಾ ಪರ ಒಟ್ಟು 44 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 3 ಟೆಸ್ಟ್, 13 ಏಕದಿನ ಮತ್ತು 28 ಟಿ- 20 ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ ಒಟ್ಟು 71 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಇದರಲ್ಲಿ ಟೆಸ್ಟ್‌ನಲ್ಲಿ 7, ಏಕದಿನದಲ್ಲಿ 23 ಮತ್ತು ಟಿ-20 ಗಳಲ್ಲಿ 41 ವಿಕೆಟ್​ ಉರುಳಿಸಿದ್ದಾರೆ.

ಚಾರ್ಲಿ ಡೀನ್: ಬಲಗೈ ಬ್ಯಾಟಿಂಗ್ ಆಲ್‌ರೌಂಡರ್ ಆಗಿರುವ ಚಾರ್ಲಿ ಡೀನ್, ಇಂಗ್ಲೆಂಡ್ ಪರ 78 ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 3 ಟೆಸ್ಟ್, 39 ಏಕದಿನ ಮತ್ತು 36 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ ಅವರು ಒಟ್ಟು 122 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಟೆಸ್ಟ್‌ನಲ್ಲಿ 7, ಏಕ ದಿನಗಳಲ್ಲಿ 69 ಮತ್ತು ಟಿ-20ಗಳಲ್ಲಿ 46 ವಿಕೆಟ್​ಗಳನ್ನು ಕಬಳಿಸಿದ್ದಾರೆ.

Gutted to not be able to watch you weave your magic in #WPL2025, Sophie! 🥹🫶

Wishing you a speedy recovery and we are eagerly waiting to have you back, bolder and stronger than ever! 💪

Drop a ❤️ to send your best wishes to our star all-rounder, 12th Man Army! ⬇️#PlayBold… pic.twitter.com/yu9chsiqKa

— Royal Challengers Bengaluru (@RCBTweets) January 16, 2025

ಏತನ್ಮಧ್ಯೆ, ಮಹಿಳಾ ಪ್ರೀಮಿಯರ್​ ಲೀಗ್​ ಈ ವರೆಗೂ ಎರಡು ಆವೃತ್ತಿಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಚೊಚ್ಚಲ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ಕಪ್​ ಗೆದ್ದುಕೊಂಡಿದ್ದರೇ, ಎರಡನೇ ಆವೃತ್ತಿಯಲ್ಲಿ ಆರ್‌ಸಿಬಿ ಚಾಂಪಿಯನ್ ಪಟ್ಟಕ್ಕೇರಿತ್ತು. ಇದೀಗ ಮೂರನೇ ಆವೃತ್ತಿಗೆ ವೇದಿಕೆ ಸಿದ್ಧವಾಗಿದ್ದು, ಈ ಪಂದ್ಯಾವಳಿಗಳು ಫೆಬ್ರವರಿ 7 ರಿಂದ ಮಾರ್ಚ್ 2 ರವರೆಗೆ ನಡೆಯಲಿವೆ. ಈ ಬಾರಿಯ ಪಂದ್ಯಾವಳಿಗಳು ಒಟ್ಟು ನಾಲ್ಕು ಸ್ಥಳಗಳಲ್ಲಿ ನಡೆಯಲಿದೆ. ಬೆಂಗಳೂರು, ಲಕ್ನೋ, ಮುಂಬೈ ಮತ್ತು ವಡೋದರಾ ಮೈದಾನಗಳು WPL ಗೆ ಆತಿಥ್ಯ ವಹಿಸಿಕೊಳ್ಳುತ್ತಿವೆ.

ಇದನ್ನೂ ಓದಿ: ಕ್ರಿಕೆಟರ್​ಗಳ ಈ ಒಂದು ಟ್ರಿಕ್​ ಫಾಲೋ ಮಾಡಿದರೇ ಯಾವ ರೋಗವೂ ನಿಮ್ಮ ಸಮೀಪಕ್ಕೂ ಸುಳಿಯಲ್ಲ: ಸದಾ ಫಿಟ್​ ಆಗಿರುವಿರಿ!