ನವದೆಹಲಿ: ಪ್ಯಾರಿಸ್ ಒಲಿಂಪಿಕ್ಸ್ ಡಬಲ್ ಪದಕ ವಿಜೇತೆ ಮತ್ತು ಮಹಿಳಾ ಶೂಟರ್ ಮನು ಭಾಕರ್ ಅವರು ಸ್ಟಾರ್ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಅವರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ವಿಶೇಷವಾಗಿ ಅಭಿನಂದಿಸಿದ್ದಾರೆ. ಈ ಪೋಸ್ಟ್‌ಗೆ ಪ್ರತಿಕ್ರಿಯಿಸುತ್ತಿರುವ ಕೆಲವು ನೆಟ್ಟಿಗರು, ನೀವು ನೀರಜ್‌ರನ್ನು ಮದುವೆಯಾಗುತ್ತೀರಾ ಎಂಬಂತಹ ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ.
2024ರ ಪ್ಯಾರಿಸ್ ಒಲಿಂಪಿಕ್ಸ್ ವೇಳೆ ಇಬ್ಬರ ನಡುವಿನ ಸ್ನೇಹ ಸಂಬಂಧದ ವದಂತಿಗಳು ಹರಿದಾಡಿದ್ದವು. ನಂತರ ಒಲಿಂಪಿಕ್ಸ್ ವೇಳೆ ಮನು ಭಾಕರ್ ಅವರ ತಾಯಿ ನೀರಜ್ ಅವರನ್ನು ಭೇಟಿಯಾಗಿ ಹತ್ತಿರದ ಸಂಬಂಧಿಯಂತೆ ಮಾತನಾಡಿಸಿದ್ದ ವಿಡಿಯೋ ಮತ್ತು ಫೋಟೋಗಳು ವೈರಲ್ ಆಗಿದ್ದವು. ಅಲ್ಲದೇ ಈ ವಿಡಿಯೋದಲ್ಲಿ ಮನು ಮತ್ತು ನೀರಜ್ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಅಂದಿನಿಂದ ದಿನಕ್ಕೊಂದು ವದಂತಿ ಹರಿದಾಡಲಾರಂಭಿಸಿದೆ.
ಈ ಕುರಿತು ಮೌನ ಮುರಿದ ಮನು ತಂದೆ, "ಆಕೆ ಇನ್ನೂ ಚಿಕ್ಕವಳು. ಮದುವೆ ವಯಸ್ಸಾಗಿಲ್ಲ. ಈ ಬಗ್ಗೆ ನಾವು ಯಾವುದೇ ರೀತಿಯಲ್ಲಿ ಯೋಚಿಸಿಲ್ಲ" ಎಂದು ವದಂತಿಗಳಿಗೆ ತೆರೆ ಎಳೆದಿದ್ದರು.
Congratulations @Neeraj_chopra1 on a fantastic season in 2024. Wishing you a speedy recovery and more success in the coming years.#NeerajChopra https://t.co/4NUgfVtiAf
— Manu Bhaker🇮🇳 (@realmanubhaker) September 15, 2024
ಇದೀಗ ಮನ ತಮ್ಮ 'ಎಕ್ಸ್' ಖಾತೆಯಲ್ಲಿ ನೀರಜ್ಗೆ ಅಭಿನಂದನೆ ಸಲ್ಲಿಸಿರುವ ಪೋಸ್ಟ್ ಹಂಚಿಕೊಂಡ ಬೆನ್ನಲ್ಲೆ ಮತ್ತೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆ್ಯಕ್ಟಿವ್ ಆಗಿದ್ದಾರೆ.
ಕಳೆದ ಶನಿವಾರ ನಡೆದ ಡೈಮಂಡ್ ಲೀಗ್ನಲ್ಲಿ ಕೇವಲ 1 ಸೆಂಟಿ ಮೀಟರ್‌ ಅಂತರದಿಂದ ನೀರಜ್ ಟ್ರೋಫಿ ಕೈಚೆಲ್ಲಿದ್ದರು. ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಇದಕ್ಕೆ ಕಾರಣ ನೀಡಿದ್ದ ನೀರಜ್, ತಮ್ಮ ಎಡಗೈನ ನಾಲ್ಕನೇ ಮೂಳೆ ಮುರಿದಿರುವುದಿರುವುದರಿಂದ ನಿರೀಕ್ಷಿತ ಪ್ರದರ್ಶನ ನೀಡಲಾಗಲಿಲ್ಲ ಎಂದು ಎಕ್ಸ್‌ರೇ ಸಮೇತ ಮಾಹಿತಿ ಹಂಚಿಕೊಂಡಿದ್ದರು. ಇದನ್ನು ಮನು ಕೂಡ ರಿ ಪೋಸ್ಟ್ ಮಾಡಿ ಅಭಿನಂದನೆ ಸಲ್ಲಿಸಿದ್ದರು.
'2024ರ ನಿಮ್ಮ ಅದ್ಭುತ ಋತುವಿಗಾಗಿ ಅಭಿನಂದನೆಗಳು. ಶೀಘ್ರವಾಗಿ ನೋವಿನಿಂದ ಚೇತರಿಸಿಕೊಂಡು ಮುಂಬರುವ ವರ್ಷಗಳಲ್ಲಿ ನಿಮಗೆ ಹೆಚ್ಚಿನ ಯಶಸ್ಸನ್ನು ಆಶಿಸುತ್ತೇನೆ' ಎಂದು ಮನು ಭಾಕರ್ ಬರೆದುಕೊಂಡಿದ್ದಾರೆ.
ಇದಕ್ಕೆ ಅಭಿಮಾನಿಗಳು, 'ನೀವು ಅವರನ್ನು ಪ್ರೀತಿಸುತ್ತಿದ್ದೀರಾ' ಎಂದು ಪ್ರಶ್ನಿಸುತ್ತಿದ್ದಾರೆ.
ಇದನ್ನೂ ಓದಿ: 'ಕೊಹ್ಲಿಯನ್ನು ನೋಡಿ ಕ್ರಿಕೆಟ್ ಕಲಿಯಿರಿ': ಬಾಬರ್ಗೆ ಮಾಜಿ ಪಾಕ್ ಆಟಗಾರನಿಂದ ಛೀಮಾರಿ - Younus Khan
