ಹೈದರಾಬಾದ್: ಕೊಹ್ಲಿ ಯಾವಾಗಲೂ ಕಿಂಗೇ- ವಿರಾಟ್ ಕೊಹ್ಲಿ ಇಂದು ತಮ್ಮ ಬ್ಯಾಟಿಂಗ್ ಮೂಲಕ ಮತ್ತೊಮ್ಮೆ ಗಮನ ಸೆಳೆದರು. ವಿರಾಟ್ ಕೊಹ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತ ತಂಡ ದಾಖಲೆಯ ಮೊತ್ತ ಕಲೆ ಹಾಕಲು ಕಾರಣಕರ್ತರಾದರು. ಕಳೆದ ಕೆಲ ಪಂದ್ಯಗಳಲ್ಲಿ ಮಂಕಾದ ಪ್ರದರ್ಶನ ನೀಡಿದ್ದ ಕಿಂಗ್ ಕೊಹ್ಲಿ ತಮ್ಮ ಫಾರ್ಮ್ ಮರಳಿ ಪಡೆದುಕೊಂಡಿದ್ದಾರೆ.
ಇಂದಿನ T20 ವಿಶ್ವಕಪ್ ಫೈನಲ್‌ನಲ್ಲಿ ಭಾರತವು ದಕ್ಷಿಣ ಆಫ್ರಿಕಾ ವಿರುದ್ಧ 7 ವಿಕೆಟ್ ಗಳ ನಷ್ಟಕ್ಕೆ 176 ರನ್ ಗಳಿಸುವ ಮೂಲಕ ದಕ್ಷಿಣ ಆಫ್ರಿಕಾಕ್ಕೆ ಸವಾಲಿನ ಮೊತ್ತವನ್ನು ನೀಡುವಲ್ಲಿ ಟೀಂ ಇಂಡಿಯಾಗೆ ನೆರವಾದರು. ಮೂರು ವಿಕೆಟ್‌ಗೆ 34 ರನ್‌ಗಳಿದ್ದಾಗ, ಭಾರತವು ದೊಡ್ಡ ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ವಿರಾಟ್ ಕೊಹ್ಲಿ ಹಾಗೂ ಅಕ್ಷರ್ ಪಟೇಲ್ ತಂಡ ಸುರಕ್ಷಿತ ಮೊತ್ತ ಗಳಿಸುವತ್ತ ಭದ್ರ ಬುನಾದಿ ಹಾಕಿದರು. ಅಕ್ಷರ್ ಪಟೇಲ್ (31 ಎಸೆತಗಳಲ್ಲಿ 47) ಮತ್ತು ಕೊಹ್ಲಿ (59 ಎಸೆತಗಳಲ್ಲಿ 76)ರನ್ ಮಾಡಿ ದಕ್ಷಿಣ ಆಫ್ರಿಕಾ ತಂಡಕ್ಕೆ ತಿರುಗೇಟು ನೀಡಿದರು.
ವಿರಾಟ ಪ್ರದರ್ಶನದ ಹಿನ್ನೋಟ
- 72* (44) 2014 ಸೆಮಿ ಫೈನಲ್
- 2014ರ ಫೈನಲ್ 77 (58).
- 89* (47) 2016 ಸೆಮಿ ಫೈನಲ್
- 2022 ಸೆಮಿ ಫೈನಲ್ 50 (40).
- 2024ರ ಫೈನಲ್‌ನಲ್ಲಿ 78 (59).
ಒಂದು ಹಂತದಲ್ಲಿ ಟೀಂ ಇಂಡಿಯಾ ಆರು ಓವರ್ಗಳಲ್ಲಿ ಮೂರು ವಿಕೆಟ್‌ಗಳಿಗೆ 45 ರನ್‌ಗಳನ್ನು ಬಾರಿಸಿ ವಿಷಮ ಪರಿಸ್ಥಿತಿಯಲ್ಲಿತ್ತು. ಇನ್ನೊಂದು ತುದಿಯಲ್ಲಿ ವಿಕೆಟ್‌ಗಳು ಪತನಗೊಳ್ಳುವುದನ್ನು ನೋಡುತ್ತಿದ್ದ ಕೊಹ್ಲಿ,ಫೈನಲ್‌ನ ಆರಂಭಿಕ ಓವರ್‌ನಲ್ಲಿ ಮಾರ್ಕೊ ಜಾನ್ಸೆನ್ ಅವರ ಬೌಲಿಂಗ್ ನಲ್ಲಿ ಮೂರು ಸೊಗಸಾದ ಬೌಂಡರಿಗಳನ್ನು ಬಾರಿಸುವ ಮೂಲಕ ಮಧ್ಯಮ ಓವರ್ಗಳಲ್ಲಿ ಗೇರ್‌ಗಳನ್ನು ಬದಲಾಯಿಸಿದರು. ಮತ್ತು ಅಕ್ಸರ್‌ಗೆ ಉತ್ತಮ ಸಾಥ್ ನೀಡಿದರು.
