U-19 ಏಷ್ಯಾಕಪ್​: ಪಾಕ್​ ವಿರುದ್ದ ಭಾರತಕ್ಕೆ ಸೋಲು; ಕೈ ಹಿಡಿಯದ 13 ವರ್ಷದ ಐಪಿಎಲ್​ ಬಾಯ್​!

ಅಂಡರ್​ 19 ಏಷ್ಯಾಕಪ್​ನ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಭಾರತ ಸೋಲನುಭವಿಸಿದೆ.

ಹೈದರಾಬಾದ್​: U-19 ಏಷ್ಯಾಕಪ್ ಟೂರ್ನಿಯ 3ನೇ ಪಂದ್ಯದಲ್ಲೂ ಪಾಕಿಸ್ತಾನ ವಿರುದ್ಧ ಟೀಂ ಇಂಡಿಯಾ 44 ರನ್‌ಳಿಂದ ಸೋಲನುಭವಿಸಿದೆ. ದುಬೈನಲ್ಲಿ ಶನಿವಾರ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕಿಸ್ತಾನ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತ್ತು. ಪಾಕ್​ ಪರ ಆರಂಭಿಕ ಬ್ಯಾಟರ್​ಗಳಾದ ಉಸ್ಮಾನ್ ಖಾನ್​ (60) ಅರ್ಧಶತಕ ಸಿಡಿಸಿ ಮಿಂಚಿದರೇ, ಮತ್ತೊಂದು ತುದಿಯಲ್ಲಿ ಶಾಜೈಬ್ ಖಾನ್ ಭರ್ಜರಿ ಶತಕ ಬಾರಿಸಿದರು. 147 ಎಸೆತಗಳನ್ನು ಎದುರಿಸಿದ ಶಾಜೈಬ್​ ಐದು ಬೌಂಡರಿ ಹಾಗೂ ಹತ್ತು ಸಿಕ್ಸರ್‌ಗಳ ಸಹಾಯದಿಂದ 159 ರನ್ ಗಳಿಸಿದರು.

ಉಳಿದಂತೆ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಮೊಹಮ್ಮದ್ ರಿಯಾಜುಲ್ಲಾ 27ರನ್​ಗಳ ಕೊಡುಗೆ ನೀಡಿದರು. ಉಳಿದ ಬ್ಯಾಟರ್​ಗಳು ಎರಡಂಕಿ ಗಳಿಸಲು ಸಾಧ್ಯವಾಗಲಿಲ್ಲ. ಆದರೆ, ಆರಂಭಿಕರು ಹಾಕಿದ ಭದ್ರ ಬುನಾದಿಯಿಂದಾಗಿ ಪಾಕಿಸ್ತಾನ ನಿಗದಿತ 50 ಓವರ್ ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 281ರನ್ ಕಲೆಹಾಕಿತು. ಭಾರತದ ಪರ ಬೌಲಿಂಗ್​ನಲ್ಲಿ ಸಮರ್ಥ್ ನಾಗರಾಜ್ 3 ಮತ್ತು ಯುಧಾಜಿತ್ ಗುಹಾ, ಕಿರಣ್ ಚೋರ್ಮಲೆ ತಲಾ ಒಂದು ವಿಕೆಟ್ ಪಡೆದರು.

India U19 put a solid fight but lose the match.

The team will look to bounce back in their next match 💪 #TeamIndia | #ACC | #ACCMensU19AsiaCup pic.twitter.com/NwFLloJJm9

— BCCI (@BCCI) November 30, 2024

ಭಾರತಕ್ಕೆ ಆರಂಭಿಕ ಹಿನ್ನಡೆ: 282 ರನ್​ಗಳ ಬೃಹತ್​ ಗುರಿಯೊಂದಿಗೆ ಕಣಕ್ಕಿಳಿದ ಭಾರತಕ್ಕೆ ಆರಂಭದಲ್ಲೇ ಹಿನ್ನಡೆಯಾಯಯಿತು. ಆರಂಭಿಕ ಬ್ಯಾಟರ್​ ವೈಭವ್ ಸೂರ್ಯವಂಶಿ 9 ಎಸೆತಗಳಲ್ಲಿ ಕೇವಲ ಒಂದು ರನ್​ ಗಳಿಸಿ ಪೆವಿಲಿಯನ್​ ಸೇರಿದರು. ಮತ್ತೋರ್ವ ಆರಂಭಿಕ ಬ್ಯಾಟರ್​ ಆಯುಷ್​ ಮ್ಹಾತ್ರೆ 20 ರನ್​, ನಾಯಕ ಮೊಹ್ಮದ್​ 16 ರನ್​ ಗಳಿಸಿ ನಿರ್ಗಮಿಸಿದರು. ಇದರಿಂದಾಗಿ ಭಾರತ 82 ರನ್​ಗಳಿಗೆ ಪ್ರಮುಖ ನಾಲ್ಕು ವಿಕೆಟ್​ ಕಳೆದುಕೊಂಡಿತು.

ಆದರೆ ಆಲ್​ರೌಂಡರ್​ ನಿಖಿಲ್​ ಕುಮಾರ್​ ಜವಾಬ್ದಾರಿಯುತ ಇನ್ನಿಂಗ್ಸ್​ ಆಡಿದರು. 77 ಎಸೆತಗಳನ್ನು ಎದುರಿಸಿದ ಅವರು 6 ಬೌಂಡರಿ ಮತ್ತು 3 ಸಿಕ್ಸರ್​ಗಳ ಸಹಾಯದಿಂದ 67 ರನ್​ ಚಚ್ಚಿದರು. ಅಹ್ಮದ್​ ಖಾನ್​ ಬೌಲಿಂಗ್​ನಲ್ಲಿ ನಿಖಿಲ್​ ಸ್ಟಂಪ್​ ಆದ ಕಾರಣ ಟೀಂ ಇಂಡಿಯಾ ಗೆಲುವಿನಿಂದ ವಂಚಿತವಾಯಿತು. ಉಳಿದಂತೆ ಕಿರಣ್​ (20), ಹರ್ವಂಶ್​ ಸಿಂಗ್​ (26) ಕೊನೆಯಲ್ಲಿ ಮೊಹಮ್ಮದ್ ಅನನ್ 30 ರನ್‌ಗಳ ಇನ್ನಿಂಗ್ಸ್‌ ಆಡಿ ಸೋಲಿನ ಅಂತರವನ್ನು ಕಡಿಮೆ ಮಾಡಿದರು. ಪಾಕ್​ ಪರ ಅಲಿ ರಾಜಾ 3, ಅಬ್ದುಲ್​ ಸುಭಾನ್​, ಫಹಾಮುಲ್​ ತಲಾ 2, ನವೀದ್​ ಅಹ್ಮದ್​ ಮತ್ತು ಉಸ್ಮಾನ್​ ಖಾನ್ ತಲಾ ಒಂದು ವಿಕೆಟ್​ ಕಿತ್ತರು.

Pakistan U19 begin their #ACCMensU19AsiaCup campaign on a winning note! 🏏

43-run victory achieved over India U19 💪#PAKvIND | #PakistanFutureStars pic.twitter.com/N3RcMEscfZ

— Pakistan Cricket (@TheRealPCB) November 30, 2024

3ನೇ ಸ್ಥಾನಕ್ಕೆ ಭಾರತ: 19 ವರ್ಷದೊಳಗಿನವರ ಏಷ್ಯಾಕಪ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಎ ಗುಂಪಿನ ಪಂದ್ಯದ ನಂತರ ಪಾಯಿಂಟ್‌ಗಳ ಪಟ್ಟಿಯನ್ನು ನೋಡುವುದಾದರೆ, ಆತಿಥೇಯ ಯುಎಇ ತಂಡವು 2 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದರೆ, ಪಾಕಿಸ್ತಾನ 2 ಅಂಕಗಳೊಂದಿಗೆ ಎರಡನೇ ಸ್ಥಾನಕ್ಕೆ ತಲುಪಿದೆ. ಈ ಪಂದ್ಯದ ಸೋಲಿನ ನಂತರ ಭಾರತ ಮೂರನೇ ಸ್ಥಾನಕ್ಕೆ ತಲುಪಿದೆ. ಜಪಾನ್ ತಂಡ ಕೊನೆಯ ಸ್ಥಾನದಲ್ಲಿದೆ. ಈ ಟೂರ್ನಿಯಲ್ಲಿ ಟೀಂ ಇಂಡಿಯಾ ತನ್ನ ಮುಂದಿನ ಪಂದ್ಯವನ್ನು ಡಿಸೆಂಬರ್ 2 ರಂದು ಜಪಾನ್ ವಿರುದ್ಧ ಆಡಲಿದೆ.

ಇದನ್ನೂ ಓದಿ: ಆಸ್ಟ್ರೇಲಿಯಾಗೆ ಬಹು ಡೊಡ್ಡ ಆಘಾತ: 2ನೇ ಟೆಸ್ಟ್​ನಿಂದ ಪ್ರಮುಖ ಬೌಲರ್​ ಔಟ್, ಸಂಕಷ್ಟದಲ್ಲಿ ಕಾಂಗರೂ ಪಡೆ!