ಹೈದರಾಬಾದ್: ಫುಟ್ಬಾಲ್ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಯೂಟ್ಯೂಬ್ ಚಾನೆಲ್ ಆರಂಭಿಸಿ ಒಂದು ವಾರ ಕಳೆದಿದೆ. ಚಾನೆಲ್ ಆರಂಭಗೊಂಡ ದಿನದಿಂದ ಹಿಡಿದು ಪ್ರತಿದಿನ ಒಂದಲ್ಲಾ ಒಂದು ದಾಖಲೆಗಳು ಬರೆಯುತ್ತಿದೆ. ಇದೀಗ ಕೇವಲ ಒಂದೇ ವಾರದಲ್ಲಿ ರೊನಾಲ್ಡೊ ಚಾನೆಲ್ ಕೋಟ್ಯಂತರ ರೂಪಾಯಿ ಗಳಿಕೆ ಮಾಡಿ ಮತ್ತೊಂದು ದಾಖಲೆ ನಿರ್ಮಿಸಿದೆ. ಕಳೆದ 7 ದಿನಗಳಲ್ಲಿ ರೊನಾಲ್ಡೊ ಚಾನೆಲ್ಗೆ ಹರಿದು ಬಂದ ಹಣದಿಂದ ಐಷಾರಾಮಿ ಬಂಗ್ಲೆ ಖರೀದಿಸಬಹುದಾಗಿದೆ.
ಡೈಮಂಡ್ ಪ್ಲೇ ಬಟನ್ ಪಡೆದ ರೊನಾಲ್ಡೊ: ಪೋರ್ಚುಗೀಸ್ ಸ್ಟ್ರೈಕರ್ ರೊನಾಲ್ಡೊ ಆಗಸ್ಟ್ 21ರಂದು 'ಯುಆರ್ ಕ್ರಿಸ್ಟಿಯಾನೋ' ಹೆಸರಿನಲ್ಲಿ ಯೂಟ್ಯೂಬ್ ಚಾನೆಲ್ ಆರಂಭಿಸಿದ್ದರು. ಇದು ಅನಾವರಣಗೊಂಡ 90 ನಿಮಿಷಗಳಲ್ಲೇ 1 ಮಿಲಿಯನ್ ಚಂದಾದಾರರನ್ನು ಪಡೆದು, ಅತ್ಯಂತ ವೇಗವಾಗಿ 10 ಲಕ್ಷ ಚಂದಾದಾರನ್ನು ಪೂರೈಸಿದ ಚಾನೆಲ್ ಎಂಬ ದಾಖಲೆಯನ್ನು ಬರೆದಿತ್ತು. ಬಳಿಕ ತಮ್ಮ ಚಾನೆಲ್‌ನಲ್ಲಿ 15 ವಿಡಿಯೋಗಳನ್ನು ಅಪ್‌ಲೋಡ್ ಮಾಡಿದ್ದರು. ಪ್ರತಿ ವಿಡಿಯೋ ಲಕ್ಷಾಂತರ ವೀಕ್ಷಣೆ ಪಡೆದುಕೊಂಡಿತ್ತು. ಚಾನೆಲ್ ಆರಂಭಿಸಿದ 90 ನಿಮಿಷಗಳಿಗಿಂತ ಕಡಿಮೆ ಅವಧಿಯಲ್ಲಿ 10 ಲಕ್ಷಕ್ಕೂ ಹೆಚ್ಚಿನ ಫಾಲೋವರ್ಸ್ ಪಡೆದ ಕಾರಣ ಅವರಿಗೆ ಯೂಟ್ಯೂಬ್ ಗೋಲ್ಡನ್ ಬಟನ್ ಕೂಡ ಬಂದಿತ್ತು, ಬಳಿಕ 10 ಗಂಟೆಯಲ್ಲಿಯೇ ಡೈಮಂಡ್ ಪ್ಲೇ ಬಟನ್ ಸಹ ಪಡೆದಿದ್ದರು.
50 ಮಿಲಿಯನ್ ಚಂದಾರರನ್ನು ತಲುಪಿದ ಚಾನೆಲ್: ಇದೀಗ ಒಂದು ವಾರ ಪೂರ್ಣಗೊಂಡಿದ್ದು ಅವರ ಚಾನೆಲ್ 50 ಮಿಲಿಯನ್ ಚಂದಾದಾರರನ್ನು ದಾಟಿದೆ. ಅಂದರೆ 5 ಕೋಟಿಗೂ ಅಧಿಕ ಸಬ್ಸ್ಕ್ರೈಬ್ ಪಡೆದುಕೊಂಡಿದೆ. ಈ ಮೊದಲು, ಯಾರೂ ಈ ದಾಖಲೆಯನ್ನು ಮಾಡಿಲ್ಲ. ಅಲ್ಲದೇ ಕಳೆದ 7 ದಿನಗಳಲ್ಲಿ ರೊನಾಲ್ಡೊ ಅವರ ಚಾನಲ್ 282,480,111 ಕ್ಕೂ ಹೆಚ್ಚು ಬಾರಿ ವೀಕ್ಷಣೆ ಪಡೆದುಕೊಂಡಿದೆ. ಟೈಮ್ಸ್ನೌ ವರದಿಯ ಪ್ರಕಾರ, ರೊನಾಲ್ಡೊ ಚಾನೆಲ್ ಕೇವಲ ಜಾಹೀರಾತಿನಿಂದ $1.2 ಮಿಲಿಯನ್ ನಿಂದ $6 ಮಿಲಿಯನ್ ಹಣ ಗಳಿಸಿದೆ.
ರೊನಾಲ್ಡೊ ಅನುಯಾಯಿಗಳ ಸಂಖ್ಯೆ ಎಷ್ಟು?: ರೊನಾಲ್ಡೊ ಪ್ರಸ್ತುತ ಸಾಮಾಜಿಕ ಮಾಧ್ಯಮದಲ್ಲಿ 964 ದಶಲಕ್ಷಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ. ಈ ಪೈಕಿ, ಅವರು Instagram ನಲ್ಲಿ ಗರಿಷ್ಠ 637 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಇದಲ್ಲದೆ, X ನಲ್ಲಿ 112.6 ಮಿಲಿಯನ್ ಮತ್ತು ಫೇಸ್‌ಬುಕ್‌ನಲ್ಲಿ 170 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ.
ಇದನ್ನೂ ಓದಿ: ಐಸಿಸಿ ನೂತನ ಅಧ್ಯಕ್ಷ ಜಯ್ ಶಾ ಸಂಭಾವನೆ ಎಷ್ಟು?: ಅವರಿಗೆ ಏನೇನೆಲ್ಲಾ ಸವಲತ್ತುಗಳಿವೆ ಗೊತ್ತಾ? - JAY SHAH ICC SALARY
