ರೋಹಿತ್​, ಕೊಹ್ಲಿ ಜೊತೆಗೆ ಸ್ಟಾರ್​ ಆಟಗಾರನಿಗೂ ತಂಡದಲ್ಲಿಲ್ಲ ಸ್ಥಾನ: ನಾಯಕನಾಗಿ ಬುಮ್ರಾ; ಹೀಗಿದೆ ಅಂತಿಮ ತಂಡ

ಭಾರತದ ಸ್ಟಾರ್​ ವೇಗದ ಬೌಲರ್​ ಜಸ್ಪ್ರೀತ್​ ಬುಮ್ರಾ ಅವರನ್ನು ಈ ವರ್ಷದ ಟೆಸ್ಟ್​ ತಂಡದ ನಾಯಕನಾಗಿ ಹೆಸರಿಸಲಾಗಿದೆ.

ಹೈದರಾಬಾದ್​: ಭಾರತ ಮತ್ತು ಆಸ್ಟ್ರೇಲಿಯಾ ಮಧ್ಯೆ ಪ್ರತಿಷ್ಠಿತ ಬಾರ್ಡರ್​ ಗವಾಸ್ಕರ್​ ಟ್ರೋಫಿ ಟೆಸ್ಟ್​ ಸರಣಿ ನಡೆಯುತ್ತಿದೆ. 5 ಪಂದ್ಯಗಳ ಈ ಸರಣಿಯಲ್ಲಿ ಈಗಾಗಲೇ ನಾಲ್ಕು ಪಂದ್ಯಗಳು ಮುಗಿದಿವೆ. 5ನೇ ಮತ್ತು ಅಂತಿಮ ಟೆಸ್ಟ್​ ಪಂದ್ಯ ಜ.5 ರಂದು ಸಿಡ್ನಿ ಮೈದಾನದಲ್ಲಿ ನಡೆಯಲಿದೆ.

WTC ದೃಷ್ಟಿಯಿಂದ 5ನೇ ಪಂದ್ಯ ಭಾರತದ ಪಾಲಿಗೆ ಮಾಡು ಇಲ್ಲ ಮಡಿಯಂತಾಗಿದೆ. ಕಾರಣ ನಾಲ್ಕನೇ ಪಂದ್ಯದಲ್ಲಿ ಹೀನಾಯವಾಗಿ ಸೋಲನ್ನು ಕಂಡಿರುವ ಟೀಂ ಇಂಡಿಯಾ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ಗೆ ನೇರವಾಗಿ ಪ್ರವೇಶ ಪಡೆಯುವ ಅರ್ಹತೆ ಕಳೆದುಕೊಂಡಿದೆ. ಆದರೂ ಭಾರತ ಫೈನಲ್​ಗೆ ಪ್ರವೇಶಿಸಲು ಅವಕಾಶ ಇದೆ. ಆದರೆ ಆಸ್ಟ್ರೇಲಿಯಾ ವಿರುದ್ಧ ನಡೆಯಲಿರುವ ಎರಡು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಶ್ರೀಲಂಕಾ ಗೆಲುವು ಸಾಧಿಸಬೇಕು. ಹೀಗಾದಲ್ಲಿ ಮಾತ್ರ ಭಾರತ ಫೈನಲ್​ಗೆ ತಲುಪಲಿದೆ. ಒಂದು ವೇಳೆ ಆಸ್ಟ್ರೇಲಿಯಾ ಪಂದ್ಯವನ್ನು ಗೆದ್ದರೂ ಭಾರತದ ಫೈನಲ್​ ಕನಸು ಭಗ್ನಗೊಳ್ಳಲಿದೆ.

ಈ ಹಿನ್ನೆಲೆ 5ನೇ ಟೆಸ್ಟ್​ ಪಂದ್ಯದಲ್ಲಿ ಭಾರಿ ಬದಲಾವಣೆಯೊಂದಿಗೆ ಭಾರತ ತಂಡ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಈ ಪಂದ್ಯದಲ್ಲಿ ಜೈಸ್ವಾಲ್​ ಜೊತೆ ಆರಂಭಿಕರಾಗಿ ಯಾರು ಆಡಲಿದ್ದಾರೆ ಎಂಬ ಚರ್ಚೆಗಳು ಶುರುವಾಗಿವೆ. ಅಲ್ಲದೇ ಶುಭಮನ್​ ಗಿಲ್​ ತಂಡಕ್ಕೆ ಮರಳುವ ಸಾಧ್ಯತೆಗಳಿವೆ. ಮುಂದಿನ ಪಂದ್ಯವನ್ನು ಗೆಲ್ಲುವ ಜೊತೆಗೆ ಈ ಬಾರಿ ಬಾರ್ಡರ್​ ಗವಾಸ್ಕರ್​ ಟ್ರೋಫಿ ಟೆಸ್ಟ್​ ಸರಣಿಯನ್ನು ಡ್ರಾನಲ್ಲಿ ಅಂತ್ಯಗೊಳಿಸಲಿದೆಯಾ ಎಂದು ಅಭಿಮಾನಿಗಳು ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ.

ಆದರೆ, ಇವುಗಳ ನಡುವೆ ಕ್ರಿಕೆಟ್​ ಆಸ್ಟ್ರೇಲಿಯಾ 2024ರ ಅತ್ಯುತ್ತಮ ಟೆಸ್ಟ್​ ತಂಡವನ್ನು ಪ್ರಕಟಿಸಿದೆ. ಹೌದು, ಈ ವರ್ಷದ ಅತ್ಯುತ್ತಮ ತಂಡವನ್ನು ಪ್ರಕಟಿಸಲಾಗಿದ್ದು, ಅದಕ್ಕೆ ಭಾರತದ ಸ್ಟಾರ್​ ವೇಗಿ ಜಸ್ಪ್ರೀತ್​ ಬುಮ್ರಾ ಅವರನ್ನು ನಾಯಕನನ್ನಾಗಿ ಹೆಸರಿಸಿದೆ. ಅಲ್ಲದೇ ಪ್ರಕಟಗೊಂಡ ಈ ತಂಡದಲ್ಲಿ ಯಶಸ್ವಿ ಜೈಸ್ವಾಲ್​ ಅವರು ಆರಂಭಿಕ ಬ್ಯಾಟರ್​ ಆಗಿ ಸ್ಥಾನ ಪಡೆದುಕೊಂಡಿದ್ದಾರೆ.

CRICKET AUSTRALIA PICKS THE TEST TEAM OF THE YEAR 2024 :

Yashasvi Jaiswal 🇮🇳
Ben Duckett 🏴󠁧󠁢󠁥󠁮󠁧󠁿
Joe Root 🏴󠁧󠁢󠁥󠁮󠁧󠁿
Rachin Ravindra 🇳🇿
Harry Brook 🏴󠁧󠁢󠁥󠁮󠁧󠁿
Kamindu Mendis 🇱🇰
Alex Carey 🇦🇺
Matt Henry 🇳🇿
Jasprit Bumrah (C) 🇮🇳
Josh Hazlewood 🇦🇺
Keshav Maharaj 🇿🇦 pic.twitter.com/hNRcLQRfb8

— Richard Kettleborough (@RichKettle07) December 31, 2024

2024ರ ಟೆಸ್ಟ್​ ತಂಡ

ಆರಂಭಿಕ ಜೋಡಿ: ಜೈಸ್ವಾಲ್​ ಮತ್ತು ಇಂಗ್ಲೆಂಡ್​ ತಂಡದ ಸ್ಟಾರ್​ ಬ್ಯಾಟರ್​ ಬೆನ್​ ಡಕೆಟ್​ ಅವರನ್ನು ಆರಂಭಿಕ ಜೋಡಿಯಾಗಿ ಹೆಸರಿಸಲಾಗಿದೆ. ಈ ವರ್ಷ ಜೈಸ್ವಾಲ್​ ಅವರು 15 ಟೆಸ್ಟ್​ ಪಂದ್ಯಗಳನ್ನು ಆಡಿದ್ದು, 54.74ರ ಸರಾಸರಿಯಲ್ಲಿ 1,478 ರನ್ ಗಳಿಸಿದ್ದಾರೆ. ಇದರಲ್ಲಿ ಅವರು ಮೂರು ಶತಕ ಮತ್ತು ಒಂದು ದ್ವಿಶತಕ ಸಿಡಿಸಿದ್ದಾರೆ. ಇಂಗ್ಲೆಂಡ್​ನ ಬೆನ್​ ಡಕೆಟ್​ 17 ಪಂದ್ಯಗಳನ್ನು ಆಡಿ 37.06ರ ಸರಾಸರಿಯಲ್ಲಿ 1,149 ರನ್​ ಕಲೆಹಾಕಿದ್ದಾರೆ. ಇದರಲ್ಲಿ ಎರಡು ಶತಕಗಳು ಸೇರಿವೆ.

3ನೇ ಕ್ರಮಾಂದಲ್ಲಿ ಜೋ ರೂಟ್​ ಹೆಸರಿಸಲಾಗಿದೆ. ರೂಟ್​ ಈ ವರ್ಷ 17 ಟೆಸ್ಟ್​ ಪಂದ್ಯಗಳನ್ನು ಆಡಿ, 1556 ರನ್ ಕಲೆ ಹಾಕಿದ್ದಾರೆ. ಇದರಲ್ಲಿ 6 ಶತಕ, ಒಂದು ದ್ವಿಶತಕ ಒಳಗೊಂಡಿದೆ. ಇದಲ್ಲದೇ ಅವರು 11 ವಿಕೆಟ್​​ಗಳನ್ನು ಪಡೆದಿದ್ದಾರೆ.

ಮಧ್ಯಮ ಕ್ರಮಾಂಕ: ಆಸ್ಟ್ರೇಲಿಯಾ ಕ್ರಿಕೆಟ್​ ಹೆಸರಿದ ತಂಡದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಹ್ಯಾರಿ ಬ್ರೂಕ್​​, ಕಮಿಂದು ಮೆಂಡೀಸ್​, ರಚಿನ್​ ರವೀಂದ್ರ​ರನ್ನು ಹೆಸರಿಸಲಾಗಿದೆ. ಈ ವರ್ಷ ರವೀಂದ್ರ (984 ರನ್​), ಕಮಿಂದು ಮೆಂಡಿಸ್​ (1,049), ಹ್ಯಾರಿ ಬ್ರೂಕ್​ 1,100 ರನ್​ ಕೆಲೆ ಹಾಕಿದ್ದಾರೆ. ವಿಕೆಟ್​​ ಕೀಪರ್​ ಆಗಿ ಆಸ್ಟ್ರೇಲಿಯಾದ ಅಲೇಕ್ಸ್​ ಕ್ಯಾರಿ ಹೆಸರಿಸಲಾಗಿದೆ.

ಬೌಲಿಂಗ್​: ಈ ವರ್ಷದ ಅತ್ಯುತ್ತಮ ಟೆಸ್ಟ್​ ತಂಡದ ಬೌಲಿಂಗ್​ ವಿಭಾಗದಲ್ಲಿ ಬೂಮ್ರಾ, ಮ್ಯಾಥ್​ ಹೆನ್ರಿ, ಜೋಶ್​ ಹೇಜಲ್​​ವುಡ್​, ಕೇಶವ್​ ಮಹಾರಾಜ್​ ಅವರನ್ನು ಹೆಸರಿಸಲಾಗಿದೆ. ಈ ವರ್ಷ ಬುಮ್ರಾ 13 ಟೆಸ್ಟ್​ ಪಂದ್ಯಗಳನ್ನು ಆಡಿ 71 ವಿಕೆಟ್​ ಉರುಳಿಸಿದ್ದಾರೆ. ಉಳಿದಂತೆ ಹೇಜಲ್​ವುಡ್​ 15 ಪಂದ್ಯಗಳನ್ನು ಆಡಿ 35 ವಿಕೆಟ್​ ಪಡೆದಿದ್ದರೇ, ಮ್ಯಥ್ಯೂ ಹೆನ್ರಿ 9 ಪಂದ್ಯಗಳಲ್ಲಿ 48 ವಿಕೆಟ್​, ಸ್ಪಿನ್ನರ್​ ಕೇಶವ್​ ಮಹಾರಾಜ್​ 35 ವಿಕೆಟ್​ ಪಡೆದಿದ್ದಾರೆ.

ಕ್ರಿಕೆಟ್​ ಆಸ್ಟ್ರೇಲಿಯಾ 2024ರ ಟೆಸ್ಟ್​ ತಂಡ; ಯಶಸ್ವಿ ಜೈಸ್ವಾಲ್, ಬೆನ್ ಡಕೆಟ್, ಜೋ ರೂಟ್, ರಚಿನ್ ರವೀಂದ್ರ, ಹ್ಯಾರಿ ಬ್ರೂಕ್, ಕಮಿಂದು ಮೆಂಡಿಸ್, ಅಲೆಕ್ಸ್ ಕ್ಯಾರಿ (ವಿ,ಕೀ), ಮ್ಯಾಟ್ ಹೆನ್ರಿ, ಜಸ್ಪ್ರೀತ್ ಬುಮ್ರಾ (ನಾಯಕ), ಜೋಶ್ ಹೇಜಲ್​ವುಡ್​, ಕೇಶವ್ ಮಹಾರಾಜ್.

ಇದನ್ನೂ ಓದಿ: 4ನೇ ಟೆಸ್ಟ್​ ಸೋತರೂ WTC ಫೈನಲ್​ ತಲುಪಲು ಭಾರತಕ್ಕಿರೋದು ಇದೋಂದೆ ದಾರಿ: ಹೀಗಾದ್ರೆ ಫೈನಲ್​ ಫಿಕ್ಸ್​!